Ɩzayi 23:13 - A SƐB-SÕW

¹³ Nyɛ̃ a Kalde tẽw dem tẽw a: a nɩbɛ bɛ ŋa bɛ cãà be ɩ. A Asiiri tẽw ɩ na k'ʋ lɩɛbɩ wɛ-dʋn tẽw. A nɩbɛ tɩ mɛ n yir-cõcowli a zie piwru ƴãw, cɔbrɩ zɛbr-yir-kpɛn, ɛ́ a Asiiri tẽw wa ɩ a lɩɛbɩ deboru gã.

Ɩzayi 23:13 Referans Kwoze

Nɩ-toni 7:4

Lɛ n'a a Abraham tɩ bɛr a Kaldeyɛ̃ mɩnɛ tẽw ɛ́ cen tɩ kpɩɛr a Haran. A Abraham sãà na wa kpi a, a Naaŋmɩn ɩ na ʋ yi a be, ɛ́ wa a tẽw ŋa pʋɔ nyɩ na kpɩɛr a dɩ̃a a.

Habakukɩ 1:6

Bʋ̃ʋ n'ʋ vɛ̃, ɩ̃ ƴãw na a Babɩlɔn tẽw nɩbɛ waar, nɩ-bʋʋrɛ na kpɛ po-tuo ɛ́ tʋlɛ a. Bɛ zɔrɛ na cɔlɛ a tẽ-daa na cere 'hɛbɛpɛpɛ a, kɛ́ bɛ fa ziir bɛ na bɛ so a tɛr.

Ezekɩɛl 29:18

«A fʋ̃ʋ nɩsaal bie, bɛrɛ wone! A Babɩlɔn tẽw nãà, a Nabikodonozɔɔr, fɛr'ɩ a ʋ zɛbr-nɩbɛ ƴãw bɛ tõ tõ-kpɛn kpɛn a Tɩ́ɩ̀r tẽw zɛb-deb ƴãw. A ʋ sojarɩ zuru kpal'a, ɛ́ a bɛ bawŋmamɛ ɩ natɩɛ. Ɛcɛ, a nãà bɩɩ a ʋ zɛbr-nɩbɛ bɛ páw tɔnɛ kãw za a tome á ŋá bɛ na tõ a Tɩ́ɩ̀r tẽw ƴãw a ɩ.

Ɩzayi 13:19

A Babɩlɔn tẽw, a naalʋ-tẽw tẽ-kpɛ̃ɛ na vɩɛl zuo a za a, a Babɩlɔn tẽw dem pɩ̃ɛmɛ na tɛr yúor a, na ɩ na mɛ̃ a Sodɔm nɩ a Gomɔɔr ten a Naaŋmɩn na sãw bɛr a.

Ɩzayi 10:7

Ɛcɛ à ŋá bɛ n'a a Asiiri tẽw tɩ́ɛrɛ ɩ, bʋ̃-yũo n'ʋ ʋ tɩ́ɛrɛ: sãw-bɛrʋ tɛwr tɩ́ɛrʋ n'a ʋ tɛr, ʋ ɩ nɩ-bʋʋr-yaga ta cãà ɩ.

Ɩzayi 10:5

A Sore yere na: Baw-bio páw nɩ a Asiiri tẽw, ʋl na ɩ a ɩ̃ suur dakpuli-ŋmãa a. A ɩ̃ su-yãyaar dabɔl'ʋ ʋ tɛr a ʋ nũú.

Sɛb-sõw yielu 72:9

A wɛja-kpalɛ pʋɔ dem na gbĩ n dume a ʋ niŋé, a ʋ dɔ̃ dem na mɔw nɩ a tanɛ.

A Zɔb sɛbɛ 1:17

A ʋ ƴɛ̀rʋ mɩ̀ bɛ tɩ lo tẽw sɛr ɛ, ɛ́ kãw lɛb ta yere: «Kaldeyɛ̃ mɩnɛ bʋ́r'ɩ ziir ata yi kʋ a fʋ tõ-tõ-biir, ɛ́ diw a nyɔ̃wmɩ cen nɩ. Mãa yõ n'ʋ tʋ̃ɔ́ cɩ̃ɛ, zɔ wa k'ɩ̃ɩ wa yel kʋ̀ b.»

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

2 Na-mɩnɛ 20:12

A ʋlɩ daar nɛ a, a Babɩlɔn tẽw nãà, Baladan bidɛb, Merodakɩ-Baladan, tɩ wõ na k'aa Ezekɩasɩ tɩ lo n bàalʋ ɛ́ lɛb ír. Lɛ n'a ʋ tɩ tõ nɩbɛ a ʋ zie nɩ sɛb-tʋɔla nɩ bʋ̃-kʋ̀ra.

2 Na-mɩnɛ 17:24

A Asiiri tẽw nãà tɩ ƴãw na nɩbɛ yi Babɩlɔn, Kutɩ, Awa, Hamatɩ nɩ Sefarwayim, ɛ́ wa zɩ̃ a Samaari tẽw tẽ-bɛrɛ pʋɔ, lɩɛrɩ a Ɩsɩrayɛl nɩbɛ bɛ na tɩ diw cen nɩ zi-yoru a. A nɩbɛ bɛ ŋa tɩ de nɩ a zie só ʋ, ɛ́ kpɩɛr a tẽ-bɛrɛ pʋɔ.

Yele-za-pɛr-tib 11:31

A Tera tɩ tɛr'ɩ a ʋ bidɛb Abram nɩ a ʋ yãw Lɔtɩ na ɩ a Haran bidɛb a. Ʋ mɩ̀ tɩ tɛr'ɩ a ʋ bie-pɔw Saraɩ na ɩ a Abram pɔw a. Ʋ tɩ tɛr bɛ na yi n a Uur na be a Kalde tẽw a, k'ʋʋ cen nɩ Kanãa tẽw. Bɛ tɩ cen na tɩ ta Haran kpɩɛr a be.

Yele-za-pɛr-tib 11:28

ɛ́ de niwn kpi a ʋ sãà Tera ƴãw, a ʋ tẽ-dɔwra Uur na be a Kalde tẽw a pʋɔ.

Yele-za-pɛr-tib 11:9

Alɛ n'a so bɛ por a tẽw yúor kɛ́ Babɛl. Bʋ̃ʋ n'ʋ vɛ̃, be n'a a Sore tɩ dam a tẽw za ƴɛ̀rʋ nyaw taa, ɛ́ a be n'a ʋ tɩ diw a nɩsaalbɛ yaarɩ a tẽw zu ziir za.

Yele-za-pɛr-tib 2:14

A man-gbɛ́ɛ ata sob tɩ n'ɩ a Tɩɩgɩr na zɔrɛ a Asuur tẽw saa-pɛrɩ́ a. A man-gbɛ́ɛ anaar sob tɩ n'ɩ a Efaratɩ.

Ɩzayi 13:21

Ɛcɛ a nyãanyũ-gaarɩ na kpɩɛr'ɩ a be, ɛ́ a vìíri paalɩ a yie. A kʋlãdisowli na kpɩɛr'ɩ a be, ɛ́ a bʋrali ƴáwr dɩ̃ɛnɛ a be.

Ɩzayi 18:6

Lɛ n'a bɛ mɩ̀ na bɛr a Etiopi tẽw nɩbɛ kʋ̀ a tan pʋɔ sɩlɩ nɩ a wɛ-dʋn. A sɩlɩ so bɛ a ũon, ɛ́ a wɛ-dʋn so bɛ a sɩ̃ɔ.

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

Ezekɩɛl 23:23

Ɩ̃ na ɩ na a Babɩlɔn tẽw dem wa, a Kalde tẽw dem za, a bɛlɩ dem na kpɩɛr a Pekɔdɩ, a Soa nɩ a Koa a, ɛ́ a Asiiri tẽw dem na lãw na wa n bɛ. Ɩ̃ na ɓã n a nɩbɛ bɛ ŋa taa, na ɩ pɔlbili ɛ́ pɔ̀l bɛ mɩ́ nyɛ̃ àr gù, na-kpɛ̃ɛ-lɩɛrbɛ nɩ ƴɛ̀r-dɩrbɛ, zɛ-zɛbrbɛ nɩ tõ-tõ-bi-bɛr-yée, wi-zɔm-karɩ bɛ za a.