Ɩzayi 22:7 - A SƐB-SÕW

⁷ Zerizalɛm i, a fʋ fʋɔlɩ al na vɩɛl zuo a za a paal'ɩ zɛbr-torkori, ɛ́ a wi-zɔmnbɛ cɔbrɩ gù a zɛbr a fʋ dɩ̃dɛɛ niŋé.

Ɩzayi 22:7 Referans Kwoze

Ɩzayi 37:34

A sɔ́r ʋl ʋ na de wa a, ʋlɛ n'ʋ ʋ na lɛb de kul, ʋ bɛ kpɩɛr a tẽ-kpɛ̃ɛ ŋa pʋɔ ɩ. A mãa, Sore, mãa n'ʋ yere.

Ɩzayi 22:6

A Elam tẽw zɛbr-nɩbɛ tɛr'ɩ tamɛ nɩ lɔwr. Nɩbɛ be n a zɛbr-torkori zu, wi-zɔmnbɛ be n be. A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ.

Ɩzayi 22:8

Bom bɛ cãà gù a Zuda naalʋ-tẽw ɛ. A ʋlɩ bibir a, nyɩ tɩ lɩɛb'ɩ niwn cɔw a zɛbr bome bɛ na bin a yir bɛ na bʋɔlɛ a «Tuw» a pʋɔ.

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Ezekɩɛl 4:2

Al pùorí, wul kɛ́ dɔ̃ dem ŋmãa na jil ʋ. Wɛr bɔwrɩ a ʋ ƴãw, kaalɩ tanɛ gbõ taa, ƴãw zɛbr-laɩ nɩ zɛbr bome a mɩnɛ viiri koli ʋ.

Ezekɩɛl 4:3

Al pùorí, de kur-pãgala ƴãw fʋ̃ʋ nɩ a tẽ-kpɛ̃ɛ cará mɛ̃ dacin a. Jɩ́rɛ a Zerizalɛm gbẽgbẽ: bɛ zɛbr'ɩ ʋ na. Fʋ̃ʋ n'ʋ zɛbr'ɩ ʋ. À à ŋá fʋ na ɩrɛ a ɩ n bãwfʋ a Ɩsɩrayɛl nɩbɛ zie.