Ɩzayi 22:4 - A SƐB-SÕW

⁴ Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Ɩzayi 22:4 Referans Kwoze

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Matie 2:18

«Bɛ wõ n kɔkɔr a Arama tẽw pʋɔ, kon nɩ lãw-mʋɔlɛ n'a: Arasɛl'ʋ kone a ʋ bibiir, ɛ́ bɛ sàwr bɛ na mɔwl'ʋ, a bɛ na bɛ cãà a ƴãw.»

Mise 1:8

A mãa Mise a, ɩ̃ na kone na ŋmɩɛr'ɩ cɛlsɩ, ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol. Ɩ̃ na ùore na mɛ̃ a gbõgbo-cili a. Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.

Zeremi 31:15

À ŋá n'a a Sore yere: «Kon kone na yire Arama tẽw pʋɔ, mʋta-zɩ̃ɩ kon a, Arasɛl'ʋ kone a ʋ bibiir, ɛ́ bɛ sàwr bɛ na mɔwl'ʋ, a ʋ bibiir na bɛ cãà a ƴãw.»

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Sɛb-sõw yielu 77:2

A Naaŋmɩn n'ʋ ɩ̃ bʋɔlɛ, ɩ̃ lɔbr'ɩ cɛlsɩ cɔwr ʋ, a Naaŋmɩn n'ʋ ɩ̃ bʋɔlɛ, ʋ na bɛr'a wõ m.

Luka 19:41

A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw.

Luka 1:2

Bɛ manɩ nɩ a yele, mɛ̃ a lɛ tɔr za a bɛlɩ dem na nyɛ̃ a a pɛr-tib daar ɛ́ manɩ kʋ̀ tɩ a, ɛ́ bɛ kʋ̀ bɛ a tõ-nʋɔr kɛ́ bɛ hiere a Naaŋmɩn ƴɛ̀rʋ a.

Matie 26:75

A Pɩɛr tɩ lɛb'a tɩɛrɩ bãwnɩ a ƴɛ̀rʋ ŋa a Yeezu na tɩ ƴɛ̀r kʋ̀ ʋ a: «Nʋra kʋ̃ kõ sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ʋ tɩ yi na tɩ kõ cir mʋta-zɩ̃ɩ.

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Ɩzayi 33:7

A Arɩɛl nɩbɛ n'ɩ bɛ ŋan kone a sɛ́ɛ pʋʋr. A nɩbɛ bɛ na tõ a ƴã-ɓaarʋ ƴãw a kone nɩ mʋta-zɩ̃ɩ.

Ɩzayi 15:3

A tẽ-bɛrɛ sɛ́ɛ pʋɔ a, vʋɔrɩ kparɩ n'a a nɩbɛ su. A gàrɛ zu nɩ a nɩ-yaga tuor-taa ziir a, bɛ za ŋmaarɛ nɩ lãw-mʋɔlɛ kone cire nɩ mʋta-kʋ̃ɔ.

Zeremi 9:18

Lãw-mʋɔlɛ kone na yire a Sɩyɔ̃ tẽw lowr: «'Woi, bɛ sãw tɩ na bɛr, vĩ kʋrɛ tɩ na! A fɛr'a kɛ́ tɩ yi ɛ́ bɛr a tẽw, bʋ̃ʋ n'ʋ vɛ̃, bɛ dá n a tɩ yie lɔb.»

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

Ezekɩɛl 27:31

A fʋ̃ʋ ƴãw a, bɛ na fɔr'ɩ a zu, ɛ́ su ko-tuolu bʋ̃-suuri. Bɛ na kone na ƴãwn fʋ, bɛ na kone nɩ lãw-mʋɔl-tʋlʋ.

Ezekɩɛl 21:11

Ɛ́ a fʋ̃ʋ nɩsaal bie, gũu, a tɩɛrʋ na wɛ a zũú, ɛ́ kone 'woi 'woi a nɩbɛ za niŋé.