Ɩzayi 22:13 - A SƐB-SÕW

¹³ Ɛ́ a wa ɩ nʋ̃ɔ̀ nɩ cɩlʋ: bɛ kʋrɛ nĩi, bɛ ŋmarɛ píir kɔkɛɛ, bɛ 'wɔbr nɛn, bɛ nyúur divɛ̃. Nyɩ yere na: «Tɩ dɩrɛ ɛ́ nyúur, bʋ̃ʋ n'ʋ vɛ̃, bio tɩ na kpi na!»

Ɩzayi 22:13 Referans Kwoze

Ɩzayi 56:12

Bɛ yere na: «Nyɩ wa, tɩ na wa n nɩ divɛ̃. Tɩ na nyũ n dã-kpɛn. A bio bibir na ŋmɛ̃ na mɛ̃ a dɩ̃a a: a divɛ̃ na gúu a yãwmɛ na.»

1 Korɛ̃tɩ 15:32

Alɛ tɩ ɩ nɩsaalʋ tɛwr ƴãw n'a a, bʋ̃ʋ ƴãw n'a ɩ̃ tɩ zɛb'ɩ a wɛ-dʋn a Efɛɛzɩ? A kũuni bɛ wa lɛbr yire a, mɛ̃ a lɛ a zʋkpar na yel a, tɩ dɩrɛ ɛ́ nyúur, tɩ na na kpi bio a ƴãw.

Zakɩ 5:5

Nyɩ tɩ be n nʋ̃ɔ̀ nɩ dɛpaalʋ pʋɔ a tẽw zu. Nyɩ dɩ na 'wɔr kpɛ kãá mɛ̃ dʋn a, gùre nɩ a kʋb bibir.

Ɩzayi 5:22

Baw-bio páw nɩ a bɛlɩ dem na ɩ dã-nyũ-karɩ, ɛ́ kpɛmɛ yaga mɩ́ nyàw a dã-kpɛn taa a!

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Ɩzayi 5:11

Baw-bio páw nɩ a bɛlɩ dem na mɩ́ cɔ̃w ìr tu a dã-kpɛn pùor, a zie mɩ́ tɩ libre, ɛ́ bɛ nyúur a divɛ̃ a damnɛ bɛ a!

Ɩzayi 26:10

Ɛcɛ bɛlɛ mɩ́ wa zɔ a nɩ-faar nɩbaalʋ a, bɛ bɛ mɩ́ zanɛ a mɩnʋ ɛ. Bɛ mɩ́ maalɛ nɩ a faa a tẽw ʋl tɔr za pʋɔ a nɩbɛ na ɩrɛ a vla a, Sore e, bɛ bɛ mɩ́ nyɛ̃ fʋ na ɩ kpɛ̃ɛ a ɩ.

Ɩzayi 29:1

A Sore yere na: «Baw-bio, Arɩɛl i, Arɩɛl i, Zerizalɛm tẽ-kpɛ̃ɛ a nãà Daviir na tɩ piw a! Fʋ na tʋ̃ɔ́ na tɛr a cuwr za maalɛ yũon za, yũon za,

Ɩzayi 47:8

Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

Ɩzayi 58:3

Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Ezekɩɛl 16:49

A Sodɔm nɩ a ʋ tẽ-kpɔwlɩ sãwna n'ɩ á ŋá: A tɩ ɩrɛ nɩ pɔ̀l-ɩb, a tɩ dɩrɛ na tɩ maal zuo, a bɛ tɩ tɛr tɩɛrʋ ɛ, a bɛ sõw a nɩ-kɔmɛ nɩ a bãbàalbɛ ɩ.

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.