Ɩzayi 22:12 - A SƐB-SÕW

¹² A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 22:12 Referans Kwoze

Zowɛl 2:17

A bàwr-maalbɛ na tone a Sore a, bɛ kone a Ŋmɩn-yir-kpɛ̃ɛ pʋɔ, a zawle nɩ a bàwr-maal-kuur cará. Bɛ lɔbr nuru zɛlɛ nɩ a Naaŋmɩn à ŋá: «Sore e, zɔ a fʋ nɩ-bʋʋrɛ nɩbaalʋ, ta ɩ a fʋ nɩbɛ nyɛ̃ vĩ ɛ, ta sàw nɩ-bʋʋr-yoru wa ɩrɛ tɩ laar yere nɩ: “Nyɩnɛ n'a a bɛ Naaŋmɩn be?”»

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Zonasɩ 3:6

A Nɩnɩɩvʋ tẽw nãà na tɩ wõ a yel ŋa a, ʋ ìr'ɩ a ʋ naalʋ-dà-kɔw zu, yàa a ʋ nãà-kparʋ bɛr, ɛ́ su vʋɔra zɩ̃ nɩ tãpɛlʋ pʋɔ.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Ekilezɩasɩ 3:11

Naaŋmɩn mɩ́ ɩ na kɛ̀ yel za maalɩ a daar ʋl na sɛw taa nɩ a. Ʋ mɩ̀ mɩ́ kʋ̀ n a nɩsaalbɛ kɛ́ bɛ bɔbr a yele na tɔl a, nɩ a yele na waar a bãwfʋ. Ɛcɛ bɛ kʋ̃ tʋ̃ɔ́ mɩ́ bãw a Naaŋmɩn ton ʋ za ɩ.

Ekilezɩasɩ 3:4

Kon daar be n be, laarʋ daar be be. Kuor cɛlsɩ daar be n be, nʋ̃ɔ̀ bɩnɛ daar be be.

A Zɔb sɛbɛ 1:20

Lɛ n'a a Zɔb tɩ ìr, taw a ʋ kpar-kpɛ̃ɛ cɩɛrɩ ɛ́ fɔr a ʋ zu, ɛ́ gbĩ dume gũu tɩ tɔ tẽw

Neemi 9:9

Fʋ nyɛ̃ nɩ a tɩ sãàkʋm-kore wʋ̀ʋr a Eziptɩ tẽw, fʋ wõ n a bɛ cɛlsɩ a Bàa-kɛkɛɛ kʋ̃ɔ-kpɛ̃ɛ nʋɔr.

Ɛsɩdɩrasɩ 9:3

Ɩ̃ na tɩ wõ a ƴɛ̀r-bie á ŋá a, ɩ̃ tɩ taw nɩ a ɩ̃ kpar-kpɛ̃ɛ nɩ a ɩ̃ kparɩ cɩɛrɩ, ɩ̃ taw nɩ a ɩ̃ zukɔbɛ nɩ a ɩ̃ tɩɛm kɔblʋ a mɩnɛ vɔ̃, ɛ́ dɛ bʋnɩ zɩ̃.

2 Bibie za yel-manɩ 35:25

A naaŋmɩn-ƴɛ̀r-manɛ Zeremi tɩ kõ n lãw-mʋɔlɛ a Zozɩasɩ ƴãw. A lɛn daar za wa tɩ tɔ a dɩ̃a a, a yiel-yielbɛ dɛbr nɩ pɔwbɛ za, ƴɛ̀rɛ nɩ a Zozɩasɩ ƴɛ̀rʋ a bɛ lãw-mʋɔlɛ pʋɔ. Bʋ̃ʋ n'ʋ vɛ̃, a tɛr'ɩ lɛɛɛ, tɩ ɩ ɩb ɩrɛ a Ɩsɩrayɛl tẽw. A lãw-mʋɔlɛ á ŋá ƴɛ̀r-bie be n a lãw-mʋɔlɛ sɛbɛ pʋɔ.

Ɩzayi 3:24

Pʋɔrʋ nyũu na lɩɛr'ɩ a parfɛ̃ nyũu, miwr na lɩɛr'ɩ a kpàwr. Zu bɛ na fɔr'a na lɩɛr'ɩ a zu bɛ na pàl tɩ ƴãw kpɛ̃kpɛrsɩ a. Vʋɔra pɛn gãw na lɩɛr'ɩ a dɛpaal bʋ̃-suuri. Ƴã-ganɩ́ bãwfʋ na ɩrɛ vĩ a na lɩɛr'ɩ a vɩɛlʋ bãwfʋ.

Ɩzayi 26:10

Ɛcɛ bɛlɛ mɩ́ wa zɔ a nɩ-faar nɩbaalʋ a, bɛ bɛ mɩ́ zanɛ a mɩnʋ ɛ. Bɛ mɩ́ maalɛ nɩ a faa a tẽw ʋl tɔr za pʋɔ a nɩbɛ na ɩrɛ a vla a, Sore e, bɛ bɛ mɩ́ nyɛ̃ fʋ na ɩ kpɛ̃ɛ a ɩ.

Ɩzayi 29:1

A Sore yere na: «Baw-bio, Arɩɛl i, Arɩɛl i, Zerizalɛm tẽ-kpɛ̃ɛ a nãà Daviir na tɩ piw a! Fʋ na tʋ̃ɔ́ na tɛr a cuwr za maalɛ yũon za, yũon za,

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Ɩzayi 58:3

Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Zeremi 4:8

A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Zeremi 16:6

A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 16:8

«Mɩ̀ taa kpɩɛr yir pʋɔ bɛ na maalɛ cuw, kɛ́ fʋ tɩ lãw zɩ̃ nɩ a nɩ-bʋɔlɩ dɩ ɛ́ nyũ ɛ.

Ezekɩɛl 27:31

A fʋ̃ʋ ƴãw a, bɛ na fɔr'ɩ a zu, ɛ́ su ko-tuolu bʋ̃-suuri. Bɛ na kone na ƴãwn fʋ, bɛ na kone nɩ lãw-mʋɔl-tʋlʋ.

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

Zowɛl 1:8

Nyɩ tuo nuru zũú kone nɩ, mɛ̃ pɔwsɩrale na su ko-tuolu bome kone nɩ a ʋ sɩr ʋ na kul paalʋ ʋ kpi a.

Ɩzayi 37:1

A nãà Ezekɩasɩ na tɩ wõ a bɛ manʋ a, ʋ mɩ̀ tɩ taw nɩ a ʋ kparɩ cɩɛrɩ ɛ́ su vʋɔra kparʋ cen nɩ a Sore Ŋmɩn-yir-kpɛ̃ɛ́.

Ɩzayi 37:2

Ʋ mɩ̀ tɩ tõ n a nãà yir nɩ-kpɛ̃ɛ Elɩakɩm, a sɛ-sɛbrɛ Sevina nɩ a bàwr-maalbɛ na kòr zuo a bɛ taabɛ a, a naaŋmɩn-ƴɛ̀r-manɛ Amɔtɩsɩ bidɛb, Ɩzayi, zie. A nɩbɛ bɛ ŋa mɩ̀ tɩ su n vʋɔrɩ kparɩ.

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.