Ɩzayi 21:1 - A SƐB-SÕW

¹ Ƴɛ̀rʋ na ƴɛ̀r a «Wɛja-kpalɛ na pɩɛlɩ a kʋ̃ɔ-kpɛ̃ɛ a» ƴãw a. Mɛ̃ a lɛ a sɛsɛb-pɩlɛ na mɩ́ fu n fãw tɔl a Negɛɛvʋ tẽw a, a dɔ̃ sob yi n a wɛja-kpalɛ pʋɔ waar, tẽw na ɩrɛ dɛ̃bɩ̃ɛ a.

Ɩzayi 21:1 Referans Kwoze

Ɩzayi 14:23

Ɩ̃ na ɩ na a Babɩlɔn tẽw lɩɛbɩ bà-ƴɔrɛ, zɔ̃põ kpɛb zie. Ɩ̃ na pɩɩr'ʋ na nɩ saar na pɩɩrɛ cãlãcãlã a, a Sore, a kpɛnʋ-za-sob'ʋ yere.»

Zeremi 51:42

A kʋ̃ɔ-kpɛ̃ɛ do na ta a Babɩlɔn tẽw, a ʋ kʋ̃ɔ-mie na ɩrɛ gɔmɛ a, paal'a pàw ʋ.

Ɩzayi 13:1

Ƴɛ̀rʋ na càarɩ a Babɩlɔn tẽw bɛ ƴɛ̀r kʋ̀ Amɔtɩsɩ bidɛb, Ɩzayi, yel-nyɛra pʋɔ a.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Ɩzayi 17:1

Ƴɛ̀rʋ na ƴɛ̀r a Damasɩ tẽw ƴãw a. A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ, ʋ na lɩɛb'ɩ tãdɛgɛ na gbõ taa a.

Ezekɩɛl 31:12

Nɩ-sãanbɛ, a bɛl na kpɛ po-tuo zuo a nɩ-bʋʋrɛ za a, cɛ ʋ na lɔb bin bɛr a be. A ʋ wuli za kár'a lo. A pàw nɩ a tẽw tan nɩ a fʋɔlɩ. A nɩ-bʋʋrɛ nɩbɛ za na tɩ kpɩɛr a ʋ ɓaarʋ́ a bɛr ʋ na ɛ́ jɛ a tẽw bɛr.

Ezekɩɛl 30:11

Ʋ na wa n nɩ a ʋ nɩbɛ, nɩ-bʋʋrɛ na kpɛ po-tuo zuo a bɛ za a, wa sãw nɩ a tẽw ŋa bɛr. Bɛ na wa vɔ̃ n a bɛ zɛbr-sɔ-bɛrɛ a Eziptɩ tẽw dem ƴãw, ɛ́ ɩ a tẽw ʋ paalɩ kũuni.

A Zɔb sɛbɛ 37:9

Saa-pɛrɩ́-dʋrʋ-lowr'a a saa-sɛsɛb mɩ́ yi, ɛ́ a ƴawr yi saa-pɛrɩ́-gʋba-lowr.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Ezekɩɛl 1:4

Bom ŋa n'ʋ ɩ̃ tɩ nyɛ̃: sɛsɛb-pɩl tɩ yi n a saa-pɛrɩ́-gʋba-lowr waar'ɩ zũzuwr-kpɛ̃ɛ cãà na viiri koli a. Saa-nyɩwrʋ tɩ yire nɩ a ʋ ziir za. A ʋ sɔwlɩsɔw tɩ nyɔw nɩ vũu dɩrɛ mɛ̃ kure na nyɩwrɛ a.

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.

Ɩzayi 13:13

Al ƴãw n'a a salom na dam, ɛ́ a tẽsɔw gbiwri a ʋ pɛr zu, a Sore, a kpɛnʋ-za-sob, su-yãyaar ƴãw, a ʋ su-tʋlʋ kpãkpã bibir.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 14:14

Ɩ̃ na do n a zũzuwe nyʋɔrɩ́, ɩ̃ na ɩ na mɛ̃ a Naaŋmɩn-na-do-saa-bɛ-pɩɛl-a.»

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Zeremi 51:1

À ŋá n'a a Sore yere: «Ɩ̃ na ɩ na sɛsɛb na sãwnɛ bom za a, ʋ fu a Babɩlɔn tẽw nɩ a ʋ nɩbɛ zu.

Zeremi 51:51

«Nʋ̃ɔ̀ bɛ mɩ́ tɩ ɩrɛ tɩ a zʋmɛ tɩ na mɩ́ tɩ wone a ƴãw ɛ. Vĩ tɩ nyɔw tɩ na a lɛn daar a nɩ-sãanbɛ na tɩ kpɛ a Sore zi-sõw pʋɔ a.»