Ɩzayi 20:4 - A SƐB-SÕW

⁴ A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a!

Ɩzayi 20:4 Referans Kwoze

Ɩzayi 19:4

Ɩ̃ na bɛr'ɩ a Eziptɩ tẽw kʋ̀ zu-sob na tɛr mimi-kõw a, na-po-tuo sob'ʋ na so ʋ.» À à ŋá n'a a Sore Naaŋmɩn, a kpɛnʋ-za-sob, yere.

Zeremi 13:26

Ɩ̃ mɩ̀ na vaar'ɩ a fʋ kparʋ do tɩ tɔ n a fʋ niwn, ɛ́ bɛ na nyɛ̃ nɩ a fʋ faalʋ.

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.

Mise 1:11

Safɩɩr tẽw dem i, nyɩ yi lo a tẽ-yũo sɔ́r, nyɩ tɔlɛ nɩ a nyɩ ƴã-gã-kpãkpole vĩ. A Saanan tẽw dem bɛ sàwr yire a bɛ tẽw pʋɔ ɩ. A Bɛtɩ-Esɛl tẽw dem kone na, taw-lanʋ zie kãw za bɛ cãà be a ʋ pʋɔ ɩ.

Ezekɩɛl 30:18

A lɛn daar mãa wa siwri a Eziptɩ tẽw fãw ɛ́ a ʋ kpɛnʋ na ɩrɛ pɔ̀lʋ̀ a baarɩ a, mʋ̃tɔ̃w kʋ̃ pur a Dafine tẽw zu ɛ. Zũzuwr-sɛbla na yɛ́r'a pàw a tẽw, ɛ́ bɛ na diw nɩ a vuo ʋl nɩbɛ cen nɩ.

Zeremi 46:26

Ɩ̃ na de bɛ na ƴãw a bɛlɩ dem na bɔbr a bɛ kʋb a nuru pʋɔ: a Babɩlɔn tẽw nãà, Nabikodonozɔɔr, nɩ a ʋ sojarɩ. Ɛcɛ, a pùorí a, nɩbɛ na lɛb'a wa, wa kpɩɛr a Eziptɩ tẽw pʋɔ mɛ̃ a dãwdãw a.» A Sore n'ʋ yel.

Ɩzayi 47:3

A nɩbɛ na nyɛ̃ nɩ a fʋ faalʋ, bɛ na nyɛ̃ nɩ a ʋlɩ bom nɛ na ɩrɛ fʋ vĩ a. Ɩ̃ na yáa nɩ a san, ɛ́ nɩr za kʋ̃ piw mɛ̃ sɔ́r ɛ.

Ɩzayi 3:17

Alɛ so a Sore na ɩ a bɛ zuru a kpal, ɛ́ ɩ a bɛ gbẽri a sãá.

2 Samɩɛl 10:4

Lɛ n'a a Hanun tɩ ƴãw bɛ nyɔw a Daviir tõ-tõ-bi-bɛrɛ põ bɛ a tɩɛm lõbowr-gãwn, ŋma bɛ a bʋ̃-suuri a siw ƴãw bɛ a pebinyɛɛ ƴãw, ɛ́ bɛr bɛ bɛ kule.

Ɩzayi 47:2

De a nɩɛr nɩ a nebir ƴɛ́rɛ nɩ a zɔ̃. Ír a fʋ niwn pɛn-pàwra bɛr, vaa a fʋ kparʋ do n a fʋ gbɛbɛrɛ sãá, ɛ́ fʋ gãw a mamɛ.

Zeremi 46:19

Eziptɩ tẽw dem i, nyɩ cɔbrɩ a nyɩ tuor a tẽ-yũo cenu ƴãw. A Mɛmfisɩ tẽ-kpɛ̃ɛ na lɩɛb'ɩ zie na kpɛ faa yaga a. Ʋ na sãw nɩ ʋ za, nɩr za kʋ̃ lɛb kpɩɛr ʋ ɛ.

Amɔsɩ 9:7

À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Nahum 3:10

Ɛcɛ bɛ mɩ̀ tɩ diw nɩ a Tɛb tẽw dem cen nɩ gbãgbaalʋ pʋɔ, tẽ-yũo. Bɛ mɩ̀ tɩ kʋ n a ʋ bibiir a sɔ-carɩ za pʋɔ. Bɛ tɩ ƴãw nɩ a ʋ nɩ-bɛrɛ za bamɛ, bɛ tɩ ŋmɛ n gbãw põ a ʋ nɩ-yée.

Sofoni 2:12

«A nyɩɩm, Etiopi nɩbɛ mɩ̀, ɩ̃ na ɩ na nyɩ kpi zɛbr zie.»

1 Bibie za yel-manɩ 19:4

Lɛ n'a a Hanun tɩ ƴãw bɛ nyɔw a Daviir tõ-tõ-biir, põ bɛ a tɩ̃ɛmɛ, ŋma bɛ a bʋ̃-suuri a ƴaw do ƴãw a bɛ pebinyɛɛ ƴãw, ɛ́ bɛ bɛr bɛ bɛ kule.

Ɩzayi 31:2

Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

Ɩzayi 31:3

A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.