Ɩzayi 2:4 - A SƐB-SÕW

⁴ Ʋ na mɩ́ dɩ n a ƴɛ̀rʋ kʋ̀ nɩ-bʋʋrɛ na tɛr taw-taa a, ʋ na mɩ́ bãw nɩ nɩ-bʋʋr-yaga yele kʋ̀ bɛ. Bɛ na mɩ́ de nɩ a bɛ zɛbr-sɔ-bɛrɛ zuw maal'ɩ kue, ɛ́ de a bɛ kafine maal'ɩ sɔ-nɔ-gori. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Ɩzayi 2:4 Referans Kwoze

Mise 4:3

Ʋ na mɩ́ dɩ n a ƴɛ̀rʋ kʋ̀ nɩ-bʋʋr-yaga na tɛr taw-taa a, ʋ na mɩ́ bãw nɩ yele kʋ̀ ten na tɛr fãw a, alɛ saa zãá a. A na mɩ́ de nɩ a zɛbr-sɔ-bɛrɛ zuw maal'ɩ kue, ɛ́ de a kafine maal'ɩ sɔ̀rʋ. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

A naaŋmɩn-ƴèr-manɛ Oze sɛbɛ 2:18

«A ʋlɩ bibir nɛ a, a Sore n'ʋ yere, ʋ na bʋɔlɛ mɛ̃ nɩ: “Ɩ̃ sɩr”, ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Ɩzayi 32:18

A Sore nɩbɛ na kpɩɛr'ɩ zie ƴã-ɓaarʋ na be a, bɛ na kpɩɛr'ɩ yie yel-faa na bɛ ka a, pɩ̃ɛnʋ ziir na bɛ bãw damnʋ a.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

Sɛb-sõw yielu 82:8

Naaŋmɩn i, ìr, dɩ n a tẽ-daa a ƴɛ̀rʋ, fʋ̃ʋ na n'ʋ só a nɩ-bʋʋrɛ za a.

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Ɩzayi 9:5

Bʋ̃ʋ n'ʋ vɛ̃, bie dɔw nɩ a tɩ ƴãw, bɛ kʋ̀ tɩ nɩ bidɛb. Naaŋmɩn kʋ̀ ʋ nɩ a nɩ-kpɛ̃ɛnʋ. Bɛ por ʋ nɩ a yúor kɛ́: Yã-wule vla vla, Naaŋmɩn-Gãdaa, Sãà kʋralɛ, Ƴã-ɓaarʋ nãà.

Sɛb-sõw yielu 110:6

Ʋ mɩ́ dɩ n nɩ a nɩ-bʋʋr-yoru a ƴɛ̀rʋ, a kũuni vãvɩrɩ taa, ʋ mɩ́ ŋmɛr'ɩ a zuru pàw a tẽw za.

Sɛb-sõw yielu 96:13

a Sore niŋé, ʋ na waar a ƴãw, ʋ waar'a, k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Ɩzayi 42:3

Ʋ bɛ kàrɛ a mur na gbɩɛlɩ a bɛrɛ ɩ, ʋ bɛ kpiire a vũu na 'lere kpɩ̃ɩkpɩ̃ɩ a bɛrɛ ɩ. Ɛcɛ ʋ sɩrɩ na ɩrɛ bɛ bãwnɛ a lɛ-na-tu-sɔr-a.

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.