Biblia Todo Logo
Bib sou entènèt

- Piblisite -




Ɩzayi 2:2 - A SƐB-SÕW

2 Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ za na darɛ taa cere a ʋ zu.

Gade chapit la Kopi




Ɩzayi 2:2
56 Referans Kwoze  

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»


A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.


Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.


A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»


Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,


Bãw a yel ŋa vla vla: a bibi-pɛ-baarɩ daar, a zie na kpɛmɛ na.


A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.


A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.


A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.


Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).


Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.


“À ŋá n'a a Naaŋmɩn ƴɛ̀rɛ: a bibi-pɛ-baarɩ wa vɩɛ a, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na lɩɛb'ɩ naaŋmɩn-ƴɛ̀r-manbɛ, a nyɩ pɔlbili na nyɛrɛ nɩ bʋ̃-nyɛrɩ, zánʋ na waar'ɩ a nyɩ dɛb-nyamɛ,


A nɩ-bʋʋr-yoru za na yere na kɛ́ zu-nʋ̃ɔ̀ dem n'ɩ nyɩ, bʋ̃ʋ n'ʋ vɛ̃, a nyɔ-vʋʋrʋ na nʋmɛ nɩ za a nyɩ tẽw pʋɔ, mãa n'ʋ yere, a mãa Sore kpɛnʋ-za-sob.»


A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.


A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.


Zɛlɩ mɛ̃, ɩ̃ɩ na kʋ̀ b'ɩ a nɩ-bʋʋr-yoru fʋ só bɛ, fʋ na só nɩ a tẽw za.


Ƴɛrɛŋa a, ɩ̃ lɛbr'a kule a ɩ̃ nɩ-bʋʋrɛ zie. Ɛcɛ wa, ɩ̃ bɔbr'a k'ɩ̃ɩ yel a ʋlɩ bom nɛ a Ɩsɩrayɛl nɩbɛ na na ɩ a fʋ nɩ-bʋʋrɛ a nɩdaar a kʋ̀ b!»


Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.


Ʋ cãà na yere: «Ɛcɛ, bibir kãw a, ɩ̃ na lɛb'a maalɩ a Elam tẽw ƴãw.»


Ɛcɛ, a Sore yere na: «Bibir kãw a, ɩ̃ na lɛb'a maalɩ a Mowab tẽw ƴãw.» A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.


A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.


A Sore suur bɛ ɓãanɛ ʋlɛ bɛ wa tõ a lɛ za ʋ na yel a ɩ. A pùorí n'a nyɩ na bãw a pɛr.


Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».


Ʋ na mɩ́ dɩ n naalʋ kʋ̃ɔ-kpɛ̃ɛ ƴãw tɩ tɔ n kʋ̃ɔ-kpɛ̃ɛ, a Efaratɩ man ƴãw tɩ tɔ n a tẽw baarʋ zie.


A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!


Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.


A Zakɔb tɩ bʋɔl'ɩ a ʋ bidɛbr wa yel bɛ: «Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.


A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.


ɩ̃ na kʋ̀ bɛ nɩ zie a ɩ̃ yir dacine zu a bɛ yée sɛbrʋ ƴãw. A na sa n bidɛbr nɩ pɔwyaar tɛrʋ. A yúor ɩ̃ na na kʋ̀ bɛ a na be n be kʋralɛ, bɛ bɛ sãwnɛ ʋ bɛrɛ towtow ɛ.»


Ɛcɛ a nyɩɩm a, nyɩ zawrɩ mɛ̃ na bɛr, nyɩ yiir'ɩ a ɩ̃ tãw-sõw bɛr, nyɩ kʋ̀rɛ nɩ bʋ̃-dɩrɩ a Gadɩ, a bawson ŋmɩn, nyɩ kʋ̀rɛ nɩ divɛ̃ na jɛr taa a a Meni, a lɛ a yele na na ɩ a baarʋ daar a ŋmɩn.


Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.


«A Zuda tẽw nãà Ezekɩasɩ daar a, naaŋmɩn-ƴɛ̀r-manɛ kãw tɩ be n be dɩ kɛ́ Mise ɛ́ yi Moresɛtɩ. Ʋ tɩ yel'a kʋ̀ a Zuda tẽw nɩbɛ: À ŋá n'a a Sore, a kpɛnʋ-za-sob, yere: “A Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw lɩɛbɩ kár.”


Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.


A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.


Yel-nyɛra kãw daar a, a Naaŋmɩn tɩ ɓáw mɛ̃ na cen nɩ a Ɩsɩrayɛl tẽw. Ʋ tɩ bɛr mɛ̃ nɩ tãw na kɛrɩ bɛ dɩ vuo a zu. A tãw saa-pɛrɩ́-dʋrʋ-lowr a, yie na ɓã taa ŋmɛ̃ mɛ̃ tẽ-kpɛ̃ɛ yie a tɩ be n be.


Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.


Sɩza n'a, nɩ-bʋʋr-yaga nɩ ten na tɛr fãw a na wa n a Zerizalɛm, wa bɔbr kɛ́ bɛ be a ɩ̃ zie, ɛ́ zɛlɛ mɛ̃ nɩ a bɛ puoru.


A lɛn daar a, a Sore na dɩrɛ nɩ naalʋ a tẽw za zu. Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a, a ʋ yúor yõ n'ʋ a nɩsaalbɛ za na bãw.


A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.


A ta-tẽw dem za na lɛb'a bãwnɩ a, ɛ́ bɛ na lɛb'a wa a Sore zie. A nɩ-bʋʋr-yoru yie za na wa na wa gbĩ dume a ʋ niŋé.


A Sore ɩ n kpɛ̃ɛ, a tɩ Naaŋmɩn sɛwnɩ nɩ danʋ yaga za a ʋ tẽ-kpɛ̃ɛ pʋɔ. A ʋ tãw-sõw


Tã-cowe e, bʋnʋ ƴãw n'a nyɩ nyuur'ɩ a tãw a Naaŋmɩn na kaa ír kpɩɛr a? Yel-mɩŋa za, be n'a a Sore na kpɩɛr kʋralɛ.


Koore bibiir yielu. Sɛb-sõw yielu. Yielu. A Sore mɛ n a Zerizalɛm a tan-son zu.


Ʋ nɔnɛ nɩ a Sɩyɔ̃ gãw a Zakɔb tẽw tẽ-bɛrɛ za.


a lɛn daar a nɩ-bʋʋrɛ za nãà wa ɓã taa a, a naalʋ-ten za nãà wa puore a Sore a.


A nɩ-bʋʋr-yoru na cere na wɩɛr a fʋ cãà zie, ɛ́ a na-mɩnɛ wɩɛr a fʋ cãà na pùr caalɩ a zie.


À ŋá n'a, cuw-paala za nɩ pɩ̃ɛnʋ-bibir za, a nɩbɛ za na mɩ́ wa wa gbĩ dume a ɩ̃ niŋé.


Swiv nou:

Piblisite


Piblisite