Ɩzayi 2:11 - A SƐB-SÕW

¹¹ A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 2:11 Referans Kwoze

Sɛb-sõw yielu 18:27

Fʋ vɩɛl'ɩ parpar, nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Ɩzayi 2:17

A na fɛr'a pɔ̀lʋ sob za gũu zu, ɛ́ a bɛlɩ dem na ɩrɛ nyɔka-ɩb a siwri bɛ tʋɔra. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 24:21

A ʋlɩ bibir nɛ a, a Sore na ìr'ɩ a salom zu bʋ̃-nyɩwrɩ ƴãw a saa-zu, nɩ a tẽw na-mɩnɛ ƴãw a pile ka.

Ɩzayi 13:11

A Sore yere na: «Ɩ̃ na dɔwr'ɩ a tẽ-daa a ʋ faalʋ ƴãw, a nɩ-faar a bɛ ɩ-faar ƴãw. Ɩ̃ na ɩ na a pɔ̀lʋ dem nyɔka-ɩb baarɩ, ɩ̃ na siwr'ɩ a bɛlɩ dem na dɩrɛ gãda-nɩ-kpɛ̃ɛnʋ a pɔ̀l-ɩb.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

Mise 4:6

A Sore yere na: «A ʋlɩ bibir nɛ a, ɩ̃ na bʋɔl'ɩ a bɛl na cere cɛwrɛ a ɓã taa, a bɛl bɛ na diw cen nɩ gbãgbaalʋ pʋɔ tẽ-yoru a, ɩ̃ na ɓã bɛ nɩ taa, bɛl ɩ̃ na ɩ a kpɛ yaga za a.

A naaŋmɩn-ƴèr-manɛ Oze sɛbɛ 2:18

«A ʋlɩ bibir nɛ a, a Sore n'ʋ yere, ʋ na bʋɔlɛ mɛ̃ nɩ: “Ɩ̃ sɩr”, ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”

Ezekɩɛl 39:22

A na dɛ tĩ a ʋlɩ bibir nɛ a, a Ɩsɩrayɛl nɩbɛ na bãw na kɛ́ mãa n'ɩ a Sore, a bɛ Naaŋmɩn.»

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

2 Korɛ̃tɩ 10:17

Mɛ̃ a lɛ a Sɛb-sõw na yel a: «Ʋlɩ sob wa zɛwr ʋ tʋɔra a, ʋ zɛwr ʋ tʋɔra a Sore ƴãw.»

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Zakari 9:16

A lɛn daar a, a Sore Naaŋmɩn na faa nɩ a ʋ nɩ-bʋʋrɛ, mɛ̃ dʋ̃-cɩ̃ɩnɛ na mɩ́ faa a ʋ dʋn a. Bɛ na nyɩwrɛ nɩ a tẽw pʋɔ, ɩ mɛ̃ nãà-kpawʋɔ kʋsɛ-bi-nyɩlɩ a.

Sofoni 3:16

A ʋlɩ bibir nɛ a, bɛ na yel'ɩ a Zerizalɛm à ŋá: «Sɩyɔ̃ tẽw i, ta zɔrɛ dɛ̃bɩ̃ɛ ɩ, taa bàlɛ tɩɛrɛ bɛrɛ ɩ!

Sofoni 3:11

«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

Mise 5:10

Ɩ̃ na ŋmɛr'ɩ a nyɩ tẽw tẽ-bɛrɛ bɛr, ɩ̃ na dà n a nyɩ zɛbr-yir-kpɛn lɔb.

Abɩdɩasɩ 1:8

Sɩza n'a, a mãa Sore n'ʋ yere, a ɩ̃ suur bibir wa vɩɛ a, ɩ̃ na kʋ n a Edɔm tẽw yã-bãwnbɛ za pàw pɛr, ɩ̃ bɛ bɛrɛ nɩr kãw za na tɛr yã a, ʋ cãà bere a Ezawu tãw zu ɛ.

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

A naaŋmɩn-ƴèr-manɛ Oze sɛbɛ 2:21

Ɩsɩrayɛl ɩ, ɩ̃ na ƴãw nɩ fʋ nɩ yúor na bɛ tɛr lɩɛb-bɛrʋ a. Mɩnʋ nɩ yel-na-tu-sɔr-a pʋɔ n'a, ɩ̃ na ƴãw nɩ fʋ a yúor. Nɔ̃wfʋ nɩ su-ɓaarʋ pʋɔ n'a, ɩ̃ na ƴãw nɩ fʋ a yúor.

A naaŋmɩn-ƴèr-manɛ Oze sɛbɛ 2:16

Mãa n'ʋ na bɔ ʋ, ɩ̃ na lɛb'a tɛr ʋ kpɛ n a wɛja-kpalɛ pʋɔ tɩ ƴɛ̀r'ɩ ʋ.

Ezekɩɛl 39:11

A lɛn daar a, ɩ̃ na kʋ̀ n ũùfʋ zie a Gɔgɩ, a Ɩsɩrayɛl tẽw be. A na ɩ n a Sɔr-tɔlbɛ fʋɔla pʋɔ, a Kʋ̃ɔ-kpɛ̃ɛ-kũu saa-pɛrɩ́, ɛ́ a yaa ŋa na piw nɩ a sɔr-tɔlbɛ a sɔ́r. A be n'a bɛ na ũù a Gɔgɩ nɩ a ʋ zɛbr-nɩbɛ za. Bɛ na bʋɔlɛ nɩ a zie ŋa kɛ́: “Gɔgɩ Nɩ-yaga yaga Fʋɔla”.

Ezekɩɛl 38:19

A ɩ̃ su-tʋlʋ kpãkpã pʋɔ a, ɩ̃ pɔ na: a ʋlɩ bibir nɛ a, a tẽsɔw-kɔbr na dam'ɩ a Ɩsɩrayɛl tẽw.

Ezekɩɛl 38:14

A fʋ̃ʋ nɩsaal bie, ƴɛ̀r naaŋmɩn-ƴɛ̀r-manɛ ƴɛ̀rʋ a ɩ̃ yúor ƴãw kʋ̀ a Gɔgɩ: À ŋá n'a a Sore Naaŋmɩn ƴɛ̀rɛ: A lɛn daar a ɩ̃ nɩ-bʋʋrɛ Ɩsɩrayɛl nãà wa vʋʋrɛ nɩ ƴã-ɓaarʋ a, fʋ na ìr'a lo a sɔ́r.

Zeremi 9:24

A Sore yere na: Bibir na vɩɛ na ɩ̃ na ìr a bɛlɩ dem na ŋma a yɛɛ tɛwr a ƴãw,

Ɩzayi 52:6

Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»

Ɩzayi 37:23

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r ɛ́ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Ɩzayi 29:18

A ʋlɩ bibir a, a won na wone nɩ a lɛ bɛ na yel a sɛbɛ pʋɔ a. A zɔn na yi n a liw-varkpara pʋɔ nyɛrɛ.

Ɩzayi 28:5

A ʋlɩ bibir nɛ a, a Sore, a kpɛnʋ-za-sob, na ɩ n a ʋ nɩ-bʋʋrɛ na cɛ a nãà-kpawɔ-yúor nɩ kɔkɔrɩ́ bãzɔl-vla vla.

Ɩzayi 26:1

A ʋlɩ bibir nɛ a Zuda tẽw pʋɔ a, a nɩbɛ na yiele nɩ yielu ŋa: «Tɩ tɛr'ɩ tẽ-kpɛ̃ɛ na kpɛmɛ a. A ʋ gub ƴãw a, a Sore ƴãw nɩ dacine ayi viiri koli ʋ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 4:1

A ʋlɩ bibir nɛ a, pɔwbɛ ayopõi na mɩ́ nyɔw nɩ dɛb-been fɩɩrɩ tɛr ɛ́ yere: «Tɩ na kaarɛ nɩ a tɩ bʋ̃-dɩrɩ nɩ a tɩ bʋ̃-suuri zie. Sàw kɛ̀ tɩ ɩ a fʋ pɔwbɛ, fʋ ír a tɩ vĩ tɛwr bɛr tɩ!»

2 Tesalonikɩ 1:10

a lɛn daar ʋ na na lɛb wa wa nyɛ̃ yúor-vɩɛlʋ-danʋ a ʋ nɩ-son zie, ɛ́ a bɛlɩ dem za na sàw de ʋ a úore a ʋ niwn vɩɛlʋ a ʋlɩ bibir nɛ a. Ɛ́ a nyɩɩm a, nyɩ sàw na de a dãsɩɛ tɩ na dɩ a.

2 Samɩɛl 22:28

Fʋ̃ʋ n'ʋ mɩ́ faa a su-siwri dem, ɛ́ ɩ a pɔ̀lʋ dem su zuru.

Sɛb-sõw yielu 20:8

Bɛ mɩnɛ a, a bɛ zɛbr-torkori ƴãw n'a bɛ ɩrɛ ƴãwn, ɛ́ bɛ mɩnɛ ɩrɛ ƴãwn a bɛ wie ƴãw, ɛ́ a tɩɩm a, a Sore tɩ Naaŋmɩn ƴãw n'a tɩ ɩrɛ ƴãwn, a ʋ yúor'ʋ tɩ bʋɔlɛ.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Zʋkpaɩ 30:13

Nɩbɛ be n be ɩ pɔ̀lʋ tɛwr, mɩ́ jɩ́rɛ a bɛ taabɛ pɔ̀l-jɩ́rʋ.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Mise 2:3

Alɛ n'a so a Sore yere: «Ɩ̃ cɔbrɛ nɩ kpɩɛrʋ a nyɩɩm bɛ ŋa taabɛ ƴãw, nyɩ bɛ cɩ̃ɛnɛ ɩ, nyɩ kʋ̃ cãà mɩ̀ lɛb dʋɔ zu cere nɩ ɛ. Bʋ̃ʋ n'ʋ vɛ̃, a nɩdaar na waar a na ɩ n kpɩɛrʋ daar.»

Sɛb-sõw yielu 18:28

Fʋ̃ʋ n'ʋ mɩ́ faa a su-siwri dem, ɛ́ ɩ a pɔ̀lʋ dem su zuru.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 94:2

Tẽ-daa ƴɛ̀r-dɩrɛ ɛ, ìr, ya a pɔ̀lʋ dem a bɛ ɩ-ɩrɩ san.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Ɩzayi 10:12

A Sore wa tõ a ʋ ton baarɩ a Sɩyɔ̃ tãw zu nɩ a Zerizalɛm a, ʋ na ìr'ɩ a Asiiri tẽw nãà pɔ̀l-ɩb ƴãw nɩ a jɩ́rʋ ʋ na mɩ́ jɩ́r mɛ̃ nɩr bɛ lɛb ka be pʋɔ a ʋ ƴãw a.

Ɩzayi 14:15

Ɛcɛ a kpɩmɛ-tẽw n'a a wa fɛr fʋ siw, a bɔw-zulu pɛrɩ́.

Ɩzayi 40:23

Ʋ mɩ́ ɩ n a tẽ-daa ŋa na-mɩnɛ bɛ bɛ cãà ɩ bom za ɩ, ɩ a ʋ kaarbɛ bɛ ɩ bʋ̃-zawlɛ.

Zeremi 12:9

A na ɩ lɛ a, a bɛlɩ dem ɩ̃ na so a ɩ na mɛ̃ lili-kpɛrɛ kpɛrɛ sidume na diwr a ziir za a bɩɩ? Nyɩ bʋɔlɩ a wɛ-dʋn za ɓã taa! Nyɩ ƴãw a wa a dɩb ƴãw!