Ɩzayi 19:3 - A SƐB-SÕW

³ A Eziptɩ tẽw dem yã na yi na, ɩ̃ na dam'ɩ a yele bɛ na tɩ́ɛrɩ bin a nyaw taa. Lɛ n'a bɛ na sowre a bɛ tɩbɛ, a tɩtɩlbɛ nɩ a bàwr-bʋwrbɛ.

Ɩzayi 19:3 Referans Kwoze

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

1 Bibie za yel-manɩ 10:13

A Sawul na bɛ tɩ tu a Sore a n'a so ʋ na kpi a: ʋ bɛ tɩ tu a lɛ a Sore na yel a ɩ, ɛ́ cen tɩ páw nɩr na sowre a kpɩmɛ a ƴãw pʋɔ,

Ezekɩɛl 22:14

Nyɩ na tɛr'ɩ kanyir nɩ fãw a sɛw a ʋlɩ bibir nɛ ɩ̃ nãà wa ìr a nyɩ ƴãw a a? A mãa Sore n'ʋ ƴɛ̀rɛ, ɛ́ tuur a lɛ ɩ̃ na yel a.

Ezekɩɛl 21:7

«A fʋ̃ʋ nɩsaal bie, lɩɛb a fʋ niwn cɔw a Zerizalɛm tẽ-kpɛ̃ɛ, zɛbr'ɩ a zi-son, a ɩ̃ yúor ƴãw, zɛbr'ɩ a Ɩsɩrayɛl tẽw.

Zeremi 46:15

Ɛ́ bʋnʋ yaa! A Apisɩ zɔrɛ na! A fʋ nadɛr bɛ bàrɛ gbɛ́r ɛ! A Sore dáa ʋ na.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ɩzayi 47:12

Cãà cere nɩ a fʋ sɔ-yele nɩ a fʋ tɩtɩblʋ ɩ-ɩrɩ za. A fʋ pɔ̀lʋ daarɩ́ za n'a fʋ tɩ zanɩ a hanɩ nɩ, tɩ́ɛrɛ nɩ kɛ́ fʋ na ír'ɩ tɔnɛ a pʋɔ, nɩ k'aa mɩnɛ kãw fʋ na ƴãw nɩ nɩ nɩbɛ dɛ̃bɩ̃ɛ.

Ɩzayi 44:25

Ƴɛrɛŋa a, ɩ̃ ɩrɛ na a bàwr-bʋwrbɛ ƴɛ̀rʋ bɛ cãà tɛr pɛr ɛ. Ɩ̃ ɩrɛ na a bɛlɩ dem na yere a nɩdaar yele a, bɛ bʋ̀nɛ ƴɛ̀rɛ. Ɩ̃ fɛrɛ nɩ a yã-bãwnbɛ bɛ lɛbr pùor, ɩ̃ mɩ́ wul'ɩ a lɛ a bɛ bãwfʋ na ɩ gẽgemi a.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Ɩzayi 14:27

A Sore, a kpɛnʋ-za-sob, wa yel k'ʋʋ na ɩ n bom, ãa n'ʋ na ɩ a bɛ tʋ̃ɔ́? Ʋlɛ wa zɛw a nũu a, ãa n'ʋ na ɩ ʋ lɛb bɛr?

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

Sɛb-sõw yielu 107:27

nĩw-viir tɩ nyɔw bɛ na, bɛ titibr mɛ̃ dã-kuolbɛ a. A bɛ bãwfʋ za tɩ baar'a.

Sɛb-sõw yielu 76:12

Nyɩ kõ nɛ́ɛ kʋ̀ a Sore nyɩ Naaŋmɩn, ɛ́ ír a. Nyɩɩm za na viiri koli ʋ a, nyɩ wa n bome wa kʋ̀ a Naaŋmɩn na bɛ tɛr dɩ̃ɛnʋ a.

2 Samɩɛl 17:23

A Ahitofɛl na wa nyɛ̃ bɛ bɛ tu a ʋ yã ʋ na wul a, ʋ tɩ ƴãw nɩ a ʋ bõw a kɔw, yi lo n a sɔ́r kul'ɩ a ʋ tẽw. Ʋ tɩ tɩr'ɩ nɛ́ɛ kʋ̀ a ʋ yir, ɛ́ cen tɩ yawlɩ ʋ tʋɔra kpi. Bɛ tɩ de ʋ na tɩ ũù a ʋ sãà yaa pʋɔ.

2 Samɩɛl 17:14

A Abɩsalɔm nɩ a Ɩsɩrayɛl nɩbɛ tɩ yel'a: «A Arkitɩ dɔɔ, Husaɩ, yã vɩɛl a zuo a Ahitofɛl dem.» Bʋ̃ʋ n'ʋ vɛ̃, a Sore tɩ yel'a k'ʋʋ ŋmɛ a Ahitofɛl yã-vla lɔb, ɛ́ ɩ kpɩɛrʋ páw a Abɩsalɔm.

2 Samɩɛl 15:31

Nɩr kãw tɩ yel'a kʋ̀ a Daviir, k'aa Ahitofɛl pʋɔ nɩ a nɩbɛ na bʋ-taa a pʋɔ, a Abɩsalɔm zie. Lɛ n'a a Daviir tɩ yel: «Sore e, ɩ̃ zɛlɛ fʋ na, ɩ a yã a Ahitofɛl na wule a, ɩ dãbolu!»

1 Samɩɛl 25:37

A bio daarɩ́ biɓaara, a Naval dãa tɩ cɩ na, lɛ n'a a ʋ pɔw tɩ manɩ a ʋlɩ bom nɛ na ɩ a kʋ̀ ʋ. A Naval hel tɩ yi na, a ʋ ƴã-gan za kpi.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

2 Na-mɩnɛ 1:2

Bibir kãw, a Akazɩasɩ na tɩ be a ʋ nãà yir bɔwpɩɛ pʋɔ, a Samaari a, tɩ yi n a tokoro vʋɔrɩ́ lo, sãw zie faa faa. Lɛ n'a ʋ tɩ tõ nɩbɛ, ɛ́ yel bɛ à ŋá: «Nyɩ cen tɩ sowri a Ekiron tẽ-kpɛ̃ɛ ŋmɩn, Baal-Zebub, nyɛ̃, ɩ̃ na lɛb'a ìr a ɩ̃ bàalʋ ŋa pʋɔ bɩɩ.»