Ɩzayi 19:24 - A SƐB-SÕW

²⁴ Bibir kãw, a Sore na kʋ̀ n a ʋ maalʋ a tẽ-daa: a Ɩsɩrayɛl na ɩ n a ata sob na na páw a maalʋ lãwnɩ a Eziptɩ nɩ a Asiiri a.

Ɩzayi 19:24 Referans Kwoze

Ɩzayi 65:8

À ŋá n'a a Sore yere: Bɛlɛ wa nyɛ̃ divɛ̃ tɩ-wɔ̃-cãacul na mʋ̃ɔ̀ vla vla a, a nɩbɛ mɩ́ yere na: «Nyɩ ta sãw ʋ bɛr ɛ, ʋ nãà wa tɩr'ɩ divɛ̃-nʋ̃ɔ̀ nʋ̃ɔ̀.» «À à ŋá mɩ̀ n'a ɩ̃ na ɩ a bɛlɩ dem na tone a ɩ̃ tome a zũú. Ɩ̃ bɛ sãwnɛ a za bɛrɛ ɩ.

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Ʋrɔm 15:27

Bɛl mɩŋa nɛbɛ nyɛ̃ bɛ tʋɔra ɩ a lɛ, ɛcɛ yel-mɩŋa za, a tɩ fɛr'a kɛ́ bɛ sõw bɛ. Bʋ̃ʋ n'ʋ so, a Zifʋ kɩrɩta-nɩbɛ ɩ n a Naaŋmɩn maalʋ kʋ̀ a nɩ-bʋʋr-yoru. A na ɩ lɛ a, a fɛr'a k'aa nɩ-bʋʋr-yoru mɩ̀ sõw bɛ a bɛ ƴã-gamɛ yel-bɔbrɩ pʋɔ.

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Ezekɩɛl 34:26

Ɩ̃ na bɛr a na a vʋʋrɛ pɩɛlɩ a ɩ̃ tãw-sõw. Ɩ̃ na mɩ́ ɩ n a saa wa a ʋ daar, ɛ́ a kʋ̃ɔ á ŋá na mɩ́ maalɩ a nɩ vla.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Ɩzayi 65:22

Bɛ kʋ̃ lɛb ŋmarɛ yie nɩ-yoru kpɩɛr ɛ, bɛ kʋ̃ lɛb sɛlɛ divɛ̃ tɩɩr nɩ-yoru dɩrɛ a wɔmɛ ɩ. Bʋ̃ʋ n'ʋ vɛ̃, a ɩ̃ nɩbɛ na mɩ́ kòr'a mɛ̃ a tɩɩr a. A bɛlɩ dem ɩ̃ na kaa ír a na mɩ́ so nɩ a bɛ nuru bome dɩrɛ.

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Ɩzayi 19:23

Bibir kãw, sɔ́r na yi n a Eziptɩ tẽw ɛ́ cen a Asiiri tẽw. A Asiiri tẽw dem na mɩ́ cen nɩ a Eziptɩ tẽw, ɛ́ a Eziptɩ tẽw dem cen a Asiiri tẽw. Bɛ za na lãw na tone a Sore tome.

Ɩzayi 19:25

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.