Ɩzayi 19:22 - A SƐB-SÕW

²² A Sore na ŋmɛ n a Eziptɩ tẽw dem, ʋ na ŋmɛ bɛ na, ɛcɛ ʋ na sanɩ bɛ na. Bɛ na lɛb'a wa a Sore zie, ʋʋ na bɛr'a wõ a bɛ zɛlʋ ɛ́ sanɩ bɛ.

Ɩzayi 19:22 Referans Kwoze

Ebre 12:11

Kpãàfʋ za a ʋlɩ pɛr nɛ pʋɔ bɛ mɩ́ sãá ɩ nʋ̃ɔ̀ yel ɛ, pʋ-sãwna mɩ́ n'a. Ɛcɛ a pùorí a, a mɩ́ ɩ n ƴã-ɓaarʋ nɩ mɩnʋ a bɛlɩ dem na nyɛ̃ a kpãàfʋ a zie.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

A naaŋmɩn-ƴèr-manɛ Oze sɛbɛ 6:2

ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

A Zɔb sɛbɛ 5:18

Naaŋmɩn n'ʋ mɩ́ ƴãw a natɩr ɛ́ lɛb 'lẽ, a ʋ nũu n'ʋ mɩ́ ŋmɛ ƴãw a bàalʋ ɛ́ lɛb sanɩ.

A Zɔb sɛbɛ 22:23

Fʋ̃ʋ wa lɛb wa a Kpɛnʋ-za-sob zie a, ʋ na lɛb'a maalɩ fʋ ƴãw. Taa pɩɛlɛ faalʋ kãw za ɩ.

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 57:18

Ɩ̃ nyɛ̃ nɩ a ʋ ɩb vla vla, ɛcɛ ɩ̃ na sanɩ ʋ na. Ɩ̃ na wul ʋ nɩ a sɔ́r, ɩ̃ na mɔwl'ʋ na. A bɛlɩ dem za na be wahala pʋɔ a,

Ezekɩɛl 29:13

Sɩza, a mãa Sore Naaŋmɩn yere na: Yome lɩz'a ayi pùorí a, ɩ̃ na ɩ n a Eziptɩ tẽw dem yi a nɩ-bʋʋr-yoru sɔgɔ bɛ na tɩ yaarɩ be a, lɛb wa ɓã taa.

Eziptɩ tẽw yib 8:4

A Faarawɔ̃ tɩ bʋɔl'ɩ a Moyiir nɩ a Aarɔ̃ wa yel bɛ: «Nyɩ zɛlɩ a Sore ʋ diw a lɔn á ŋá bɛr mãa nɩ a ɩ̃ nɩbɛ, ɩ̃ɩ na bɛr'ɩ a Ɩsɩrayɛl nɩbɛ bɛ cen tɩ maalɩ a bàwr kʋ̀ ʋ.»

2 Na-mɩnɛ 20:5

k'ʋʋ lɛb cen a Naaŋmɩn nɩ-bʋʋrɛ nɩ-kpɛ̃ɛ, Ezekɩasɩ zie, tɩ yel ʋ: «À ŋá n'a a Sore, a fʋ sãàkʋm-kʋra Daviir Naaŋmɩn, yere: “Ɩ̃ wõ n a fʋ puoru ɛ́ nyɛ̃ a fʋ mʋta-kʋ̃ɔ. Ɩ̃ na sanɩ fʋ na. Ka nɩ bibie ata a, fʋ na tʋ̃ɔ́ na mɩ́ lɛb cen a Sore Ŋmɩn-yir-kpɛ̃ɛ́.