Ɩzayi 19:2 - A SƐB-SÕW

² A Sore yere na: «Ɩ̃ na ƴãw nɩ a Eziptɩ tẽw dem tãá, bɛ na zɛbr'ɩ taa a bɛ cara pʋɔ, yɛb nɩ yɛb, tɔ nɩ tɔ, tẽ-kpɛ̃ɛ nɩ tẽ-kpɛ̃ɛ naalʋ-tẽw nɩ naalʋ-tẽw.

Ɩzayi 19:2 Referans Kwoze

Ƴɛ̀r-dɩrbɛ 7:22

A nɩbɛ kɔbr ata (300) na tɩ pɛblɛ a wɩ́ɛ a lɛn daar a, a Sore tɩ ɩ na a Madian tẽw dem lɛb ŋmɛlɩ cɔ̀rɛ taa kʋrɛ a laɩ za pʋɔ. A bɛl na wa cɛ a tɩ zɔ na tɩ ta Bɛtɩ-Sɩta, Serera lowr, ɛ́ tɩ ta Avɛl-Mehola tẽw na pɩɛlɩ Tabatɩ a.

1 Samɩɛl 14:20

A Sawul nɩ a ʋ zɛbr-nɩbɛ za tɩ ɓã n taa cen tɩ ta a zɛbr zie. Bɛ tɩ nyɛ̃ nɩ a Filisɩtɛ̃ mɩnɛ bɛ lɛb ŋmɛlɩ cɔ̀rɛ taa kʋrɛ, a dɛ tɩ bʋnɩ ɩ nyãbʋnʋʋlɛ.

Matie 10:36

A nɩsaal dɔ̃ dem na mɩ́ ɩ n a ʋ yir dem tɛɛ za.

Matie 12:25

Ɛcɛ a Yeezu na tɩ bãw a bɛ tɩɛrʋ á ŋá a, ʋ tɩ yel'a: «Naalʋ tẽw za a nɩbɛ na bʋ́r zɛbr taa a kʋ̃ tʋ̃ɔ́ àr ɛ. Tẽw za bɩɩ yir za a nɩbɛ na bʋ́r zɛbr taa a kʋ̃ tʋ̃ɔ́ àr ɛ.

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Ezekɩɛl 38:21

A ɩ̃ tan za zu a, ɩ̃ na zɛb'ɩ fʋ na, Gɔgɩ i, a mãa Sore Naaŋmɩn n'ʋ yere. A fʋ sojarɩ na lɛb'a ŋmɛlɩ kʋ taa.

1 Samɩɛl 14:16

A Sawul zi-piwrbɛ tɩ be n a Bɛ̃zamɛ tẽw Givea ɛ́ jɩ́rɛ. Bɛ tɩ nyɛ̃ nɩ a nɩbɛ na zɔ tu a ziir za a.

Ƴɛ̀r-dɩrbɛ 9:23

Al pùorí, a Naaŋmɩn tɩ ƴãw nɩ bʋ́r-taa yã a Abimelɛkɩ nɩ a Sɩsɛm ziir dem cara pʋɔ. A Sɩsɛm ziir dem bɛ tɩ cãà tu a Abimelɛkɩ ɛ.

Matie 24:7

Tẽw ŋa na mɩ́ ŋmãa nɩ nɩ tẽw ŋa zɛbr, nãà ŋa na mɩ́ ír'a taw tuori nãà ŋa. Kɔ̃ nɩ tẽsɔw kɔbr damnʋ na be n ziir a mɩnɛ.

Zeremi 46:12

A nɩ-bʋʋrɛ wõ n a fʋ vĩ, bʋ̃ʋ n'ʋ vɛ̃, a fʋ kon yi n a ziir za. A gãdaa zɔ na ŋmɛ gãdaa, bɛ dẽderi tɩ lo a bɛ za ayi.

Zeremi 51:46

Nyɩ taa wa sàw a nyɩ kanyir wa báarɛ ɩ! Nyɩ ta zɔrɛ dɛ̃bɩ̃ɛ a yele bɛ na yere a tẽw pʋɔ a ƴãw ɛ. Yũon ŋa, bɛ mɩ́ yel'ɩ à ŋá, yũon waar bɛ yel bʋ̃-yoru: po-to-fãw-ɩb tɛwr'a a tẽw pʋɔ, nɩ-kpɛ̃ɛ na dɩrɛ nɩ-kpɛ̃ɛnʋ mɛ̃ a lɛ ʋ na bɔbr a diw nɩ a ƴen sob...

Zakari 8:10

A koro za a, nɩr bɛ mɩ́ tɩ ya a nɩsaalbɛ ton nɩ a dʋn dem ɛ. A dɔ̃ dem ƴãw a, nɩr bɛ mɩ́ tɩ bɛr yã kɛ́ cere ɩ, bʋ̃ʋ n'ʋ vɛ̃, ɩ̃ tɩ bɛr'ɩ a nɩbɛ za bɛ dɔwrɛ taa.

1 Na-mɩnɛ 16:21

A Zimiri na wa kpi a, a Ɩsɩrayɛl nɩbɛ põ nɩ ziir ayi: a bɛ ŋmãa tɩ bɔbr'a kɛ́ bɛ kaa ír Ginatɩ bidɛb Tivini ʋ ɩ a nãà, ɛ́ ŋmãa bɔbr kɛ́ bɛ kaa ír Omiri.

2 Bibie za yel-manɩ 15:6

Tẽ-kpɛ̃ɛ ŋa mɩ́ tɩ ìr'a lo tẽ-kpɛ̃ɛ ŋa zu, tẽw ŋa ìr lo tẽw ŋa zu, bʋ̃ʋ n'ʋ vɛ̃, Naaŋmɩn tɩ dam bɛ na nɩ kpɩɛrʋ bʋʋrɛ bʋʋrɛ za.

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Markɩ 3:24

Tẽw kãw nãà nɩbɛ wa bʋ́r lɛb ŋmɛlɩ zɛbr taa a, a tẽw nɛ naalʋ na lo na.