Ɩzayi 19:19 - A SƐB-SÕW

¹⁹ Bibir kãw, bàwr-maal-kuur na be n a Eziptɩ tẽw sɔwlɩsɔw a Sore ƴãw, ɛ́ kʋsɛ-tela be a ʋ ƴãw a tẽw tʋr-bɔw ƴãw.

Ɩzayi 19:19 Referans Kwoze

Yele-za-pɛr-tib 28:18

A Zakɔb tɩ dãwnɩ nɩ ìru, de a kʋsɩɛr ʋ na kɔw nɩ a zu a bin teli ɛ́ cir kãá ƴãw a nyʋɔrɩ́, ʋ ɩ kʋsɛ-tela.

Zozue 22:10

Bɛ na tɩ ta a Zurdɛ̃ nʋɔr ɛ́ cãà be a Kanãa tẽw a, bɛ tɩ mɛ n bàwr-maal-kuur na ɩ kpɛ̃ɛ sãá a, pɩɛlɩ a man.

Zozue 22:26

Lɛ so tɩ tɩɛrɩ tɩ pʋɔ à ŋá: “A fɛr'a kɛ́ tɩ mɛ a bàwr-maal-kuur ŋa, ʋʋ ta ɩ nyɩw-a-za-bàwr nɩ bàwr kãw za ƴãw ɩ,

Eziptɩ tẽw yib 24:4

A Moyiir tɩ sɛb'ɩ a Sore ƴɛ̀rʋ za. Ɛ́ a bio daarɩ́ ʋ dãwnɩ ìru, mɛ bàwr-maal-kuur a tãw sɩ̃ɛ́, ɛ́ mɩ̀ bin kʋsɛbɛ pie nɩ ayi teli teli, a Ɩsɩrayɛl nɩbɛ dɔwlʋ pie nɩ ayi ƴãw.

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Ɩzayi 66:23

À ŋá n'a, cuw-paala za nɩ pɩ̃ɛnʋ-bibir za, a nɩbɛ za na mɩ́ wa wa gbĩ dume a ɩ̃ niŋé.

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Ebre 13:10

Tɩ tɛr'ɩ bàwr-maal-kuur, a pɛn-sɛw pʋɔ bàwr-maalbɛ na bɛ tɛr sɔ́r na dɩ bom na dɔwlɩ a ʋ zu a ɩ.

Sɛb-sõw yielu 68:31

Be a be, ɛ́ tanɩ a bàa-kɛkɛɛ pʋɔ dʋ̃w, a nadɛr-yaga yaga nɩ a bili na tɛr salm-zɩɛ libie wa lo gbĩ n dume a fʋ niŋé a. Diw a nɩ-bʋʋrɛ na nɔnɛ a zɛbr a yaarɩ.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Ɩzayi 60:7

A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Zozue 22:27

ɛcɛ, ʋ ɩ dãsɩɛ bom, tɩɩm nɩ a nyɩɩm nɩ a tɩ bʋ̃-dɔwrɩ cará, a na fɛr kɛ́ tɩ maalɛ a Sore nɩ a tɩ nyɩw-a-za-bagɛ nɩ a tɩ ƴã-ɓaarʋ bagɛ, kɛ̀ bio a nyɩ bibiir taa yere a tɩ dem kɛ́: Nyɩ bɛ dɩ a Sore san ɛ.”

Zozue 22:28

Tɩ tɩ tɩɛr'ɩ tɩ pʋɔ à ŋá: “Bio bɛlɛ wa ƴɛ̀rɛ à ŋá tɩɩm nɩ a tɩ bʋ̃-dɔwrɩ zie a, tɩ na yel a: Nyɩ nyɛ̃, a tɩ sãàkʋm-kore mɛ n a bàwr-maal-kuur ŋa, ʋ ŋmɛ̃ mɛ̃ a Sore bàwr-maal-kuur tɔr za a. Ɛcɛ, bɛ bɛ mɛ ʋ nyɩw-a-za-bagɛ nɩ bagɛ a mɩnɛ kãw za ƴãw ɩ, bɛ mɛ ʋ na k'ʋʋ ɩ dãsɩɛ bom tɩɩm nɩ a nyɩɩm cara pʋɔ!”

Zozue 22:34

Lɛ n'a a Urubɛn nɩbɛ nɩ a Gadɩ nɩbɛ tɩ yel à ŋá: «A bàwr-maal-kuur ŋa dɩ n dãsɩɛ a tɩ za zie k'aa Sore ɩ n Naaŋmɩn!» Bɛ tɩ por'ɩ a bàwr-maal-kuur yúor kɛ́: “Dãsɩɛ bom.”

Zeremi 46:2

Ƴɛ̀rʋ na càarɩ a Eziptɩ tẽw nɩ a Eziptɩ tẽw nãà, Faarawɔ̃ Neko, zɛbr-nɩbɛ a. A Eziptɩ tẽw nãà tɩ be n a Efaratɩ man nʋɔr a Karkemisɩ, a lɛn daar a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ ʋ a. A tɩ ɩ n a Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb, yome anaar sob.

Ezekɩɛl 29:1

A diw-cenu pùorí yome pie sob, a cuwr pie sob bibie pie nɩ ayi sob daar, a Sore tɩ ƴɛ̀r'ɩ a ɩ̃ zie:

Ezekɩɛl 30:1

A Sore tɩ lɛb'a yel mɛ̃:

Ezekɩɛl 31:1

A diw-cenu pùorí yome pie nɩ been sob, a cuwr ata sob bibi-dãw-niwn sob daar, a Sore tɩ yel mɛ̃ na:

Ezekɩɛl 32:1

A diw-cenu pùorí yome pie nɩ ayi sob, a cuwr pie nɩ ayi sob bibi-dãw-niwn sob daar, a Sore tɩ ƴɛ̀r'ɩ a ɩ̃ zie à ŋá: