Ɩzayi 19:16 - A SƐB-SÕW

¹⁶ Bibir kãw, a Eziptɩ tẽw dem na ɩ na mɛ̃ pɔwbɛ a. Dɛ̃bɩ̃ɛ na mɩ́ ɩrɛ bɛ na bɛ màwr, a lɛn daar a Sore, a kpɛnʋ-za-sob, nãà mɩ́ wa zɛw a nũu a bɛ ƴãw a.

Ɩzayi 19:16 Referans Kwoze

Nahum 3:13

A fʋ zɛbr-nɩbɛ ɩ na mɛ̃ pɔwbɛ na bɛ tɛr fãw a, a fʋ tẽw dɩ̃dɛɛ yuo nɩ 'he'hee a fʋ dɔ̃ dem niŋé: vũu dɩ n a fʋ dà-jɩ̀rɩ́.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Zeremi 50:37

Zɛbr, a lo a bɛ wie nɩ a bɛ zɛbr-torkori zu, a lo a nɩbɛ na jɛr-taa ɛ́ zɛbr a ʋ ƴãw a zu! Bɛ lɩɛbɩ pɔwbɛ na bɛ tɛr fãw a! Zɛbr, a lo a bɛ na-bome zu, bɛ zá a.

Ɩzayi 11:15

A Sore na ɩ na a Eziptɩ tẽw kʋ̃ɔ-kpɛ̃ɛ gbɛ́r kò. Ʋ na vɛlɩ nɩ nũu cɔw a Efaratɩ man. A ʋ pɩɛlʋ fãw na ɩ na ʋ bʋ́r ɩ bà-gbɛ́ɛ ayopõi, bɛ na na tʋ̃ɔ́ mɩ́ ƴãw nafawr-ɓɛwlɩkɛl gãw nɩ a.

Zakari 2:9

À ŋá n'a a Sore yel a yel ŋa ƴãw: “Mãa mɩŋa, ɩ̃ na be n be, ɩ mɛ̃ vũu dacin na viiri koli ʋ a, ɩ̃ɩ na ɩ n a ʋ yúor-vɩɛlʋ-danʋ a ʋ pʋɔ.”»

Ɩzayi 10:32

A ʋlɩ bibir nɛ a, a dɔ̃ sob na tɛw nɩ Nɔvʋ tẽw. Ʋ vɛlɛ nɩ nũu cɔwr a Sɩyɔ̃ tãw, a Zerizalɛm tãle.

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Ɩzayi 30:17

Dɔ̃ sob been yõ na fuw nɩ a nyɩ nɩbɛ túr. Dɔ̃ dem anũu na fuw nyɩ na, nyɩ zɔ nyɩ za ɛ́ tɩ cɛ ɩ mɛ̃ bãwfʋ na be tã-kpɛ̃ɛ nyʋɔrɩ́ a, mɛ̃ dɩrapo na bà tãle zu a.

Sɛb-sõw yielu 48:6

Bɛ tɩ nyɛrɛ ʋ na wa báarɛ nʋɔr ɓãá bɛ, pʋl-vʋ̃ɔ tɩ nyɔw bɛ na, bɛ lɩɛb zɔ.

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

2 Korɛ̃tɩ 5:11

A na ɩ à ŋá tɩ bãw ʋlɩ bom nɛ na n'ɩ a zɔrɛ-a-Sore a, tɩ bɔbr'a kɛ́ tɩ ɩ a nɩsaalbɛ za sàw kɛ́ sɩza n'a. Naaŋmɩn bãw tɩ na tɩ tɔ, ɩ̃ɩ tɩɛr kɛ́ nyɩ mɩ̀ bãw mɛ̃ na nɩ a nyɩ pʋɔ tɩ tɔ.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Eziptɩ tẽw yib 11:6

Lɛ n'a a na ɩ cɛlsɩ lawlaw a Eziptɩ tẽw za pʋɔ, mɛ̃ bɛ na bɛ dãw wõ, ɛ́ kʋ̃ lɛb wõ a towtow a.

Abɩdɩasɩ 1:9

Teman tẽw i, pʋl-vʋ̃ɔ na tɛr'ɩ a fʋ zɛbr-nɩbɛ, ɛ́ bɛ na kʋ n a tẽw dem za.»

Zakari 2:13

Sɩza, ɩ̃ na wa n a nɩ-bʋʋr-yoru ƴãw: a bɛ gbãgbaar mɩ̀ na fá n a bɛ bome.» A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.

Zakari 10:11

Bɛ na lo na gãw a Kpɩɛrʋ kʋ̃ɔ-kpɛ̃ɛ, a mãa, a Sore, ɩ̃ na ŋmɛ n a kʋ̃ɔ-mie siwri, a Nɩl bà-dĩo tɔr za na ko na. A Asiiri na ɩrɛ pɔ̀lʋ a na lo na, ɛ́ a Eziptɩ naalʋ-dɩb za na baar'a.