Ɩzayi 17:8 - A SƐB-SÕW

⁸ Ʋ kʋ̃ lɛb jɩ́r a bàwr-maal-kube na ɩ a ʋ nuru bʋ̃-maalɩ a ɩ, ʋ kʋ̃ lɛb nyɛ̃ a alɩ bome nɛ a ʋ nobie pie na maalɩ a ɩ: a dà-barɩ nɩ a parfɛ̃ bʋ̃-nyɩwrɩ.

Ɩzayi 17:8 Referans Kwoze

Ɩzayi 30:22

A nyɩ dàar bɩɩ kure tɩbɛ bɛ na nyɩl salm-pla nɩ salm-zɩɛ pàw a, nyɩ na nyɛ̃ a na a ɩ dɛwr. Nyɩ na lɔb a na bɛr mɛ̃ bʋ̃-dɛgɛ a, ɛ́ nyɩ na yel a na: «Nyɩ yi a ka!»

Ɩzayi 27:9

Nyɛ̃ a lɛ a Zakɔb sãwna na na baarɩ a, nyɛ̃ a ʋlɩ bom nɛ a ʋ yel-bier suur páwfʋ na na wa n a: bɛ na ƴɛ́r'ɩ a bàwr-maal-kube kʋsɛbɛ za a ɩ mɛ̃ tã-zɔ̃ a. A dà-barɩ nɩ a parfɛ̃ bʋ̃-nyɩwrɩ kʋ̃ cãà bà àr ɛ.

Ɩzayi 2:8

A bɛ tẽw paal'ɩ tɩbɛ: bɛ gbine nɩ dume a bɛ nuru bʋ̃-maalɩ niŋé, bome nɩsaalbɛ na maalɩ a.

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Sofoni 1:3

Ɩ̃ na kʋ n a nɩsaalbɛ nɩ a dʋn pàw pɛr, a saa-zu lili nɩ a zʋ́mɛ́, ɩ̃ na kʋ n a nɩ-faar nɩ a bɛ tõ-faar na ɩrɛ a nɩbɛ bɛ lore a. Ɩ̃ na kʋ n a nɩsaalbɛ za pàw pɛr a tẽw zu.»

A naaŋmɩn-ƴèr-manɛ Oze sɛbɛ 14:8

A nɩbɛ na tɩ kpɩɛr a ʋ ɓaarʋ́ a na lɛb'a wa. Bɛ na lɛb'a kʋ́ɔr ble, bɛ na mɩ́ pu na mɛ̃ divɛ̃ tɩɩr púo a, bɛ na tɛr'ɩ yúor mɛ̃ Libã tẽw divɛ̃ a.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Ɩzayi 44:15

A dàar na tɛr'ɩ yel-ɩra a nɩsaalbɛ zie, a vũu gbɔwfʋ ƴãw. A nɩbɛ mɩ́ de a na gbɔw nɩ vũu kɛ́ bɛ ʋʋrɩ, bɩɩ kɛ́ bɛ dʋw nɩ a bʋ̃-dɩrɩ. Bɩɩ bɛ mɩ́ cãà na maal'ɩ ŋmɩn, lore gbine dume a ʋ pile, bɛ mɩ́ maal'ɩ tɩɩb gũune a ʋ niŋé.

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

2 Bibie za yel-manɩ 34:4

Bɛ tɩ ŋmɛr'ɩ a Báàl bàwr-maal-kube a ʋ niŋé, ɛ́ mɩ̀ da parfɛ̃ nyɩwfʋ zie na tɩ be a bàwr-maal-kube zu a lɔb, ɛ́ cɛ a dà-barɩ lɔb ɛ́ ŋmɛr ŋmɛr a tɩbɛ bɛr. Bɛ tɩ ƴɛ́r a na ŋmɛr, yaarɩ a zɔ̃ ƴãw a bɛlɩ dem na tɩ maalɩ a bagɛ á ŋá a yarʋ zu.

2 Bibie za yel-manɩ 14:5

Ʋ tɩ mɛ n tẽ-kpɛn kpɛn a Zuda tẽw, a tẽw na bɛ tɩ bãw damnʋ a ƴãw. A alɩ yome nɛ pʋɔ a, nɩr za bɛ tɩ zɛb'ɩ ʋ ɛ, bʋ̃ʋ n'ʋ vɛ̃, a Sore tɩ kʋ̀ ʋ nɩ ƴã-ɓaarʋ.

Eziptɩ tẽw yib 34:13

Nyɩ na nɩ̃ɛ na mɩ́ ŋmɛr a bɛ bàwr-maal-kube bɛr, ŋmɛ a bɛ kʋsɛ-teli kar, ɛ́ cɛ̀ a bɛ dà-barɩ ŋma.

Wulu-ayi-sob 7:5

Nɩ̃ɛ nyɛ̃ a lɛ nyɩ na na ɩ a nɩ-bʋʋrɛ bɛ ŋa a: nyɩ na ŋmɛr'ɩ a bɛ bàwr-maal-kube bɛr, nyɩ na ŋmɛ n a bɛ kʋsɛ-teli kár, nyɩ na cɛ n a bɛ dà-barɩ lɔb, ɛ́ nyɩw a bɛ tɩbɛ bɛr.

2 Samɩɛl 22:42

Bɛ cɩɩrɛ na, ɛ́ faarɛ bɛ ka be ɩ, a Sore n'ʋ bɛ cɩɩrɛ bʋɔlɛ, ʋʋ bɛ sɔwr ɛ.

Ɩzayi 10:20

A ʋlɩ bibir nɛ a, a Ɩsɩrayɛl nɩbɛ na cɛ a, a Zakɔb nɩbɛ bɛl na cɩ̃ɛ a, kʋ̃ cãà bɔbr tɩɛrɛ a sob nɛ na ŋmɩɛr bɛ a zie ɩ. A Sore, a Ɩsɩrayɛl Naaŋmɩn na ɩ sõw a n'ʋ, bɛ na sɩrɩ de, ʋ ɩ a bɛ tɩɛrɛ.

Ɩzayi 17:9

A ʋlɩ bibir nɛ a, a nɩbɛ na zɔ na kɛ́ bɛr a Ɩsɩrayɛl tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, mɛ̃ a koro za a nɩbɛ na tɩ zɔ kɛ́ bɛr a Hivitɩ mɩnɛ nɩ a Amoritɩ mɩnɛ tẽ-bɛrɛ, a lɛn daar a Ɩsɩrayɛl biir na tɩ tarɛ a. Wɛja-kpal-faa n'ʋ na cɛ gã.

Ɩzayi 37:19

Bɛ lɔb'ɩ a bɛ ŋmɩmɛ ƴãw vũumí. A na bɛ tɩ ɩ a Naaŋmɩn a ƴãw, ɛ́ ɩ nɩsaalbɛ nuru bʋ̃-maalɩ, dàar nɩ kʋsɛbɛ a, alɛ n'a so a Asiiri tẽw na-mɩnɛ sãw a bɛr.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

Zeremi 17:2

Bɛ mɩ́ tɩɛrɛ nɩ a bɛ bàwr-maal-kube, a bɛ dà-barɩ nɩ a tɩ-zimpiri zimpiri a tãli-kɛrɩ zu, mɛ̃ a lɛ bɛ na mɩ́ tɩɛrɛ a bɛ bibiir a.

2 Bibie za yel-manɩ 31:1

À á ŋá za na wa baarɩ a, a Ɩsɩrayɛl nɩbɛ za na tɩ be a be a tɩ cen nɩ a Zuda tẽ-bɛrɛ pʋɔ, tɩ ŋmɛr ŋmɛr a kʋsɛ-teli, cɛ cɛ a dà-barɩ lɔb, ɛ́ sãw sãw a maalʋ-ziir nɩ a bàwr-maal-kube bɛr, a Zuda naalʋ-tẽw za pʋɔ, a Bɛ̃zamɛ, a Efarayim nɩ a Manase dɔwlʋ pʋɔ. Al pùorí, ŋa za tɩ lɛb'a kul a ʋ tẽ-kpɛ̃ɛ pʋɔ a ʋ yir.

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»