Ɩzayi 17:4 - A SƐB-SÕW

⁴ A ʋlɩ bibir nɛ a, a Ɩsɩrayɛl tɩbrʋ na siwri na, a ʋ po-bɛrʋ na ŋmɛr a.

Ɩzayi 17:4 Referans Kwoze

Ɩzayi 10:16

Alɛ so a Sore Naaŋmɩn, a kpɛnʋ-za-sob na ɩ a Asiiri tẽw ziir al na tɛr a a na-bome siwri. Bɛ na tõ n vũu ƴãw a vɩɛlʋ na sãá a ƴãw, a dɩrɛ mɛ̃ vũu-kpɛ̃ɛ na nyɔw dɩrɛ a.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Ezekɩɛl 34:20

Alɛ n'a so a mãa Sore Naaŋmɩn yere kʋ̀rɛ nyɩ, mãa mɩŋa na ɩ n ƴɛ̀r-dɩrɛ a ɩ̃ dʋn pʋɔ, a pí-kòn nɩ a pí-'wɔɩ cará.

Ɩzayi 24:16

Tɩ wone yielu ŋa na yire a tẽw baarʋ zie a: «A Naaŋmɩn na ɩ mɩŋa sob a so yúor-vɩɛlʋ-danʋ!» Ɛcɛ mãa yere na: «Ɩ̃ wɛ na, ɩ̃ wɛ na! Baw-bio páw mɛ̃ na!» A mɩlmɩlbɛ mɩl'a. Mɩlʋ wɛ! A mɩlmɩlbɛ mɩlɛ na.

Ɩzayi 24:13

Yel-mɩŋa, a nɩ-bʋʋrɛ sɔgɔ a tẽw zu a, a na ɩ na mɛ̃ olivʋ tɩ-wɔmɛ bɛ na pɔr baarɩ ɛ́ yiire nɩ lãwgola a, mɛ̃ divɛ̃ tɩ-wɔmɛ bɛ na pɔr baarɩ ɛ́ yiire a wɔ̃-beƴeni na cɛ a.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 9:8

A nɩbɛ za bãwnɩ a na, a Efarayim naalʋ-tẽw za nɩ a Samaari tẽw dem. A nɩbɛ bɛ ŋa tɩ ɩ n nyʋ̀ʋ́r nɩ pɔ̀lʋ tɛwr yere nɩ:

Yele-za-pɛr-tib 41:3

Al pùorí, na-faar kòn kòn ayopõi mɩ̀ yi a Nɩl pʋɔ do, cen tɩ páw a dãw niwn dem a man nʋɔr.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 17:3

Zɛbr-yir-kpɛ̃w kʋ̃ cãà a Efarayim tẽw ɛ, nãà kʋ̃ cãà a Damasɩ ɛ. A Siiri tẽw dem na na cɛ a kʋ̃ sa a Ɩsɩrayɛl nɩbɛ ɩ. À à ŋá n'a a Sore, a kpɛnʋ-za-sob, yere.

2 Na-mɩnɛ 17:3

A Asiiri tẽw nãà, Salmanasaar, tɩ wa na wa zɛb'ɩ a Oze. A tɩ fɛr'a a Oze sàw ʋ na tʋ̃ɔ́ ʋ a, ɛ́ yarɛ yar kʋ̀rɛ ʋ yũon za.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

Amɔsɩ 3:12

À ŋá n'a a Sore yere: «Mɛ̃ a lɛ a dʋ̃-cɩ̃ɩnɛ na mɩ́ faa a dʋ̃w gbɛ́ɛ ayi bɩɩ a dʋ̃w to-ŋmãa a gbẽw nʋɔrɩ́ a, lɛ n'a bɛ mɩ́ na faa a Ɩsɩrayɛl bibiir na kpɩɛr a Samaari a, bɛl na gã dà-kɔw-vɩɛlɩ pʋɔ nɩ gado-nʋmnʋm zu a.»