Ɩzayi 17:3 - A SƐB-SÕW

³ Zɛbr-yir-kpɛ̃w kʋ̃ cãà a Efarayim tẽw ɛ, nãà kʋ̃ cãà a Damasɩ ɛ. A Siiri tẽw dem na na cɛ a kʋ̃ sa a Ɩsɩrayɛl nɩbɛ ɩ. À à ŋá n'a a Sore, a kpɛnʋ-za-sob, yere.

Ɩzayi 17:3 Referans Kwoze

A naaŋmɩn-ƴèr-manɛ Oze sɛbɛ 9:11

A Efarayim yúor na yi a na tɔl'a mɛ̃ lile na ƴaw cen a: bie kʋ̃ lɛb dɔw ɛ, pʋɔ kʋ̃ lɛb tɛr ɛ, sɩɛ kʋ̃ lɛb ŋmãa a ɩ.

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

Ɩzayi 7:16

A bie kʋ̃ bãw a faa zawr-bɛrʋ nɩ a vla kaa-íru sɛr ɛ, ɛ́ a nɩbɛ bɛr a tẽw a na-mɩnɛ ayi na ɩrɛ fʋ dɛ̃bɩ̃ɛ a, ʋ gã.

Ɩzayi 7:8

Bʋ̃ʋ n'ʋ vɛ̃, a Siiri tẽw tẽ-kpɛ̃ɛ n'ɩ Damasɩ, ɛ́ a Damasɩ tɛwr'a a Eresin ɩ a nɩ-kpɛ̃ɛ. Yome lɩz'a ata nɩ a nũu n'a cãà cɛ, ɛ́ a Efarayim bʋʋrɛ kʋ̃ cãà ɩ. Bʋ̃ʋ n'ʋ vɛ̃, Samaari n'ɩ a Efarayim tẽw tẽ-kpɛ̃ɛ ɛ́ a Samaari tɛwr'a a Peka ɩ a nɩ-kpɛ̃ɛ. Nyɩmɛ bɛ wa sàw de a, nyɩ kʋ̃ cãà be ɩ.”»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

A naaŋmɩn-ƴèr-manɛ Oze sɛbɛ 10:14

Alɛ so zɛbr gɔmɛ ìre dúor a fʋ nɩ-bʋʋrɛ sɔgɔ, ɛ́ bɛ na sãw a fʋ tẽ-kpɛn kpɛn za bɛr. A na ɩ na mɛ̃ a nãà Salman na tɩ sãw a Bɛtɩ-Arvɛl tẽw bɛr a. A zɛbr ʋl pʋɔ a, ʋ tɩ kʋ n a mã mɩnɛ lãwnɩ a bɛ bibiir.

A naaŋmɩn-ƴèr-manɛ Oze sɛbɛ 8:8

Bɛ vɔl'ɩ a Ɩsɩrayɛl. Ʋlɛ n'ɩ ŋan a nɩ-bʋʋr-yoru sɔgɔ mɛ̃ bom na bɛ tɛr pɛr a.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

A naaŋmɩn-ƴèr-manɛ Oze sɛbɛ 1:6

A Gomɛɛr tɩ lɛb'a tɛr pʋɔ dɔw powle, ɛ́ a Sore tɩ yel a Oze: «Por ʋ a yúor kɛ́ Lo-Uruhama, a pɛr lɛ kɛ́: Ɩ̃ bɛ nɔ̃w ʋ ɛ. Bʋ̃ʋ n'ʋ vɛ̃, ɩ̃ kʋ̃ lɛb wul a ɩ̃ nɔ̃wfʋ a Ɩsɩrayɛl yir nɩbɛ ɩ. Ɩ̃ kʋ̃ lɛb nɔ̃w bɛ towtow ɛ.

A naaŋmɩn-ƴèr-manɛ Oze sɛbɛ 1:4

ɛ́ a Sore tɩ yel a Oze: «Por ʋ a yúor kɛ́ Izireyɛl, bʋ̃ʋ n'ʋ vɛ̃, ka nɩ blã a, ɩ̃ na wa n a Zeyi yir dem ƴãw, a nɩbɛ bɛ na kʋ a Izireyɛl a ƴãw. Ɩ̃ na ɩ na a Ɩsɩrayɛl yir naalʋ-dɩb nʋɔr kʋ.

Ɩzayi 17:4

A ʋlɩ bibir nɛ a, a Ɩsɩrayɛl tɩbrʋ na siwri na, a ʋ po-bɛrʋ na ŋmɛr a.

Ɩzayi 16:14

Ɛcɛ ƴɛrɛŋa a, a Sore yere na: «Ka nɩ yome ata gbàgbàgbà, a Mowab nɩ-yée nɩ a ʋ zu-sɛbla na bɛ dɩ vuo a kʋ̃ cãà saalɩ ɛ. A bɛl na na cɛ a na ɩ n zaa pʋrɩ, bɛ kʋ̃ cãà tɛr pɛr ɛ.»

Ɩzayi 10:9

Ɩ̃ bɛ ɩ a Kalno tẽ-kpɛ̃ɛ mɛ̃ a lɛ ɩ̃ na ɩ a Karkemisɩ tẽ-kpɛ̃ɛ a ɩ? Ɩ̃ bɛ ɩ a Hamatɩ tẽ-kpɛ̃ɛ mɛ̃ a lɛ ɩ̃ na ɩ a Arpadɩ tẽ-kpɛ̃ɛ a ɩ? Ɩ a Samaari mɛ̃ a lɛ ɩ̃ na ɩ a Damasɩ a ɩ?

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

2 Na-mɩnɛ 16:9

A Asiiri tẽw nãà tɩ ɩ n a lɛ a Akaazɩ na zɛlɩ ʋ a. Ʋ tɩ cen na tɩ zɛb'ɩ a Damasɩ tẽw, zɛb de ʋ, ír a ʋ nɩbɛ cen nɩ Kɩ́ɩ̀r, ɛ́ ƴãw bɛ kʋ a Eresin.

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.