Ɩzayi 17:14 - A SƐB-SÕW

¹⁴ A zaanʋɔra a, a mɩ́ ɩ n a pʋl-vʋ̃ɔ, ɛ́ a biɓaara bɛ mɩ́ ta sɛr ɛ, ɛ́ bom bɛ cãà be ɩ. A bɛlɩ dem na dier a tɩ bome za a dem'ɩ à á ŋá, a bɛlɩ dem na fárɛ a tɩ bome a, à ŋá n'a a na ŋmɛ̃ bɛ.

Ɩzayi 17:14 Referans Kwoze

2 Na-mɩnɛ 19:35

A ʋlɩ tɩ̃ɩsɔw nɛ a, a Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

Zʋkpaɩ 22:23

Bʋ̃ʋ n'ʋ vɛ̃, a Sore na ƴɛ̀r'a kpɛ bɛ. Ʋ na de nɩ a bɛlɩ dem za nãà wa fa a bɛ bʋ̃-tɛrɩ za a nyɔ-vʋʋrʋ.

Ezekɩɛl 39:10

A nɩbɛ kʋ̃ cãà wobr dàar a wɩ̀ɛ pʋɔ ɛ́ kʋ̃ cɩɛr a a tuwe pʋɔ ɩ, bʋ̃ʋ n'ʋ vɛ̃, a zɛbr bome á ŋá n'a bɛ na mɩ́ gbɔw nɩ a vũu. Bɛ na zu n a bɛlɩ dem na zu bɛ a, a bɛlɩ dem na za a bɛ bome a, bɛ mɩ̀ na za n a bɛ bome. A mãa Sore Naaŋmɩn n'ʋ yel.

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Zeremi 2:3

Ɩsɩrayɛl i, mãa yõ tɩ so b mɛ̃ a bʋ̃-dieri bʋ̃-dan a. Bɛlɩ dem za na mɩ́ tɩ tʋɔr fʋ a, mãa nɩ bɛl mɩ́ tɩ nɛbɛ! Faa mɩ́ tɩ páw bɛ nɩ daadaalɛ. À à ŋá n'a a Sore yel.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Sɛb-sõw yielu 37:36

Ɩ̃ lɛb'a tu tɔl a be: nɩr zaa yee! Ɩ̃ bɔ ʋ na, ɛ́ bɔ gù.

A Zɔb sɛbɛ 20:29

Á ŋá n'a a Naaŋmɩn cɔbrɩ gùre nɩ a ɩ-fa-maalɛ, a ʋ dem n'ɩ à á ŋá a Naaŋmɩn na cɛlɛ nɩ ʋ a.

2 Na-mɩnɛ 19:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ tɩ yel kʋ̀ a naaŋmɩn-ƴɛ̀r-manɛ: «A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib, ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ƴɛ̀r-dɩrbɛ 5:31

Sore e, a fʋ dɔ̃ dem za, bɛ kpi, mɛ̃ a lɛ a Sɩsera na kpi a! Ɛcɛ a fʋ nɩ-nɔnɩ ɩ mɛ̃ a mʋ̃tɔ̃w na mɩ́ wa pur nyɩwrɛ ʋ za a!» Ɛ́ a tẽw tɩ tɛr'ɩ ƴã-ɓaarʋ yome lɩz'a ayi.

Ɩzayi 10:25

Bʋ̃ʋ n'ʋ vɛ̃, blã n'a cãà cɛ, zaa pʋrɩlɛ n'a cãà cɛ, ɛ́ a ɩ̃ suur a nyɩ ƴãw na baar'a, ʋ na baar'ɩ pelẽpelẽ.»

Ɩzayi 29:5

A fʋ dɔ̃ dem yaga yaga ɩ na mɛ̃ uuru zũzuwr'a, a po-to-fãw dem na zɛbr'ɩ fʋ a ɩ na mɛ̃ sagɛ sɛsɛb na fu a ìr do a.» Ɛ́ wa bere

Ɩzayi 29:7

Arɩɛl i, a nɩ-bʋʋr-yaga yaga na tɩ ŋmãa nɩ fʋ a zɛbr a, a bɛl na tɩ zɛbr'ɩ fʋ a, na tɩ cɔbrɩ ziir bɛ na mɩ́ pĩ kɛ́ zɛbr jil koli fʋ, ɛ́ tɩ dɔwrɛ fʋ a, bɛ bɔr'ɩ bɛ za mɛ̃ zánʋ a, mɛ̃ tɩ̃ɩsɔw yel-nyɛra a.

Ɩzayi 33:18

Fʋ na tɩɛr'ɩ a ʋlɩ bom nɛ na tɩ ɩrɛ fʋ dɛ̃bɩ̃ɛ a, ɛ́ fʋ na sowre na: «Nyɩnɛ n'a a bɛlɩ dem na sɔrɛ ɛ́ jiele a zuru-yar a be? Nyɩnɛ n'a a bɛlɩ dem na jɩ́rɛ a ziir na cɔbrɩ kpɛmɛ a zɛbr ƴãw a be?»

Ɩzayi 34:17

Ʋ lɔb'ɩ a bie, mɩ́ ír ŋa dem kʋ̀ ʋ, ʋ de nɩ a ʋ miw-máná põ nɩ a tẽw kʋ̀ a. A na so ʋ nɩ kʋralɛ, a na kpɩɛr ʋ nɩ yome yome za.

Ɩzayi 41:12

Fʋ na bɔ n a bɛlɩ dem na zɛbr'ɩ fʋ a, ɛ́ kʋ̃ nyɛ̃ bɛ ɩ. A nɩbɛ na ŋmaarɛ nɩ fʋ a zɛbr a kʋ̃ cãà ɩ bom za ɩ.

Zeremi 49:10

Mãa n'ʋ na de a nyɩ bome za, Ezawu bʋʋrɛ ɛ. Ɩ̃ na ɩ na bɛ bãw a nyɩ sɔwlʋ ziir, nyɩ kʋ̃ lɛb tʋ̃ɔ́ sɔwlɩ ɛ. A nyɩ bibiir, a nyɩ yɛbr nɩ a nyɩ sɩman dem za na baar'a. Nɩr kʋ̃ be be yel nyɩ:

Ɩzayi 21:12

A zi-gùre sɔw: «A biɓaara tarɛ na, al pùorí a tɩ̃ɩsɔw lɛb waar. Nyɩmɛ wa bɔbr kɛ́ nyɩ lɛb sowri a, nyɩ sowri, ɛ́ a pùorí nyɩ lɛb wa daar kãw.»

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Ɩzayi 30:28

a ʋ nʋɔr pɩɛlʋ ɩ n fʋɔla kʋ̃ɔ na tuore bom za tɔlɛ nɩ a. Ʋ waar'a k'ʋʋ wa tɛwtɛw a nɩ-bʋʋr-yoru a kpɩɛrʋ zɛla pʋɔ, ɛ́ ƴãw nɔ-bãw a bɛ nɩbɛ kokamɩ́, tɛr bɛ cen nɩ a be bɛ na bɛ bɔbr a.

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.