Ɩzayi 17:10 - A SƐB-SÕW

¹⁰ Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 17:10 Referans Kwoze

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Ɩzayi 26:4

Nyɩ ƴãw a nyɩ tɩɛrʋ a Sore ƴãw kʋralɛ, ʋ̃ʋ, a Sore ƴãw, ʋl na ɩ a Pìir na be kʋralɛ a.

Wulu-ayi-sob 32:18

Yel-mɩŋa za, Ɩsɩrayɛl i, fʋ bɛr'ɩ a fʋ pì-kpɛ̃w, a ʋl na dɔw fʋ a, fʋ yiir'ɩ a Naaŋmɩn na kʋ̀ fʋ a nyɔ-vʋʋrʋ a bɛr!

Sɛb-sõw yielu 106:21

Bɛ tɩ yiir'ɩ a Naaŋmɩn, bɛ faarɛ, bɛr, ʋl na tɩ maalɩ yel-bɛrɛ a Eziptɩ tẽw a,

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Sɛb-sõw yielu 106:13

Ɛcɛ bɛ tɩ yiir'ɩ a ʋ tome bɛr fɔ̃wlɛ, bɛ bɛ tɩ gù ʋ maalɩ a lɛ ʋ na tɩɛrɩ a yele bin a baarɩ ɛ.

Sɛb-sõw yielu 85:4

Fʋ nyɔw nɩ a fʋ suur, fʋ bɛr'ɩ a fʋ su-tʋlʋ kpãkpã.

Wulu-ayi-sob 32:31

Ɛcɛ a bɛ dɔ̃ dem tɛɛ za bãwnɩ a na, k'aa bɛ ŋmɩn na gùre bɛ a, bɛ ta a Ɩsɩrayɛl Naaŋmɩn ɛ.

Sɛb-sõw yielu 79:9

Naaŋmɩn tɩ faarɛ ɛ, wa sõw tɩ, a fʋ yúor-vɩɛlʋ-danʋ zũú. Faa tɩ ɛ́ dɩ a tɩ yel-bebe suur kʋ̀ tɩ, a fʋ yúor zũú.

1 Bibie za yel-manɩ 16:35

Nyɩ yel ʋ: «Naaŋmɩn tɩ Faarɛ ɛ, faa tɩ, bʋɔlɩ tɩ ɓã taa ɛ́ faa tɩ a nɩ-bʋʋr-yoru nuru pʋɔ! A fʋ yúor ɩ n sõw. Lɛ n'a tɩ na tʋ̃ɔ́ puore fʋ yãanɩ, ɛ́ nyʋʋr tɩ na danɛ fʋ a.»

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Wulu-ayi-sob 28:30

A nyɩ kãw wa ƴãw nɩ powle yúor a, nɩ-yũo n'ʋ na gã nɩ ʋ. A kãw wa ŋmãa yir a, ʋ kʋ̃ kpɛ ʋ ɛ. Kãw wa sɛl divɛ̃ tɩɩr púo a, ʋ kʋ̃ pɔr a divɛ̃ tɩɩr wɔ̃-dan ɛ.

Wulu-ayi-sob 8:19

Nyɩmɛ wa yiiri a Sore nyɩ Naaŋmɩn bɛr a, nyɩmɛ wa tuur ŋmɩn-yoru pùor, tone a, ɛ́ lore gbine a niŋé a, mãa n'ʋ yere kʋ̀rɛ nyɩ a dɩ̃a, nyɩ na baar'ɩ cɔ̃cɔ̃.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.

Wulu-ayi-sob 8:11

Ɛcɛ nyɩ gùre nyɩ tʋɔra vla taa yiire a Sore nyɩ Naaŋmɩn bɛrɛ, bɛ wa tuur a ʋ nɛ-ƴãwnɩ, a ʋ tub nɩ a ʋ wulu ɩ̃ na kʋ̀rɛ nyɩ a dɩ̃a a ɩ.

Wulu-ayi-sob 6:12

nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Levitɩ mɩnɛ 26:20

Nyɩ na mɩ́ bàl'ɩ nyɩ tʋɔra zawla: a tẽsɔw bʋ̃-kʋ́ɔrɩ za kʋ̃ mɩ́ lɛb maalɩ ɛ, ɛ́ a tẽw tɩɩr kʋ̃ cãà wɔnɛ ɩ.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Sofoni 1:13

A na ɩ à ŋá a, bɛ na za n a bɛ na-bome ɛ́ ŋmɛr a bɛ yie bɛr. Bɛ mɩɛr'ɩ yie ɛ́ kʋ̃ kpɛ a ɩ, bɛ kʋɔr'ɩ divɛ̃ tɩɩr póru ɛ́ kʋ̃ nyũ a divɛ̃ ɩ.»

Habakukɩ 3:18

Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Sɛb-sõw yielu 65:5

Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

Sɛb-sõw yielu 31:2

Sore e, a fʋ naayir'a ɩ̃ zɔrɛ kpɩɛr, taa sàw k'ɩ̃ wa nyɛrɛ vĩ towtow ɛ! Faa mɛ̃ a fʋ mɩnʋ zũú.

Sɛb-sõw yielu 18:2

Ʋ tɩ yel a: Sore e, ɩ̃ nɔnɛ fʋ na, fʋ̃ʋ n'ɩ a ɩ̃ fãw.

Sɛb-sõw yielu 9:17

A Sore ɩ na bɛ bãw ʋ, ʋ dɩ n a ƴɛ̀rʋ, a nɩ-faa lɛb'a kpɛ a ʋ mɩŋa bɛra pʋɔ. bàalʋ bàalʋ ŋmɛb Tɛw-àrʋ

Ɩzayi 17:9

A ʋlɩ bibir nɛ a, a nɩbɛ na zɔ na kɛ́ bɛr a Ɩsɩrayɛl tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, mɛ̃ a koro za a nɩbɛ na tɩ zɔ kɛ́ bɛr a Hivitɩ mɩnɛ nɩ a Amoritɩ mɩnɛ tẽ-bɛrɛ, a lɛn daar a Ɩsɩrayɛl biir na tɩ tarɛ a. Wɛja-kpal-faa n'ʋ na cɛ gã.

Ɩzayi 18:5

A wɔmɛ deb daar na bɛ mɩ́ ta sɛr a, a lɛn daar a divɛ̃ tɩɛ na mɩ́ pu a, a lɛn daar a puuru na mɩ́ lɩɛbɩ wɔ̃-cãacule mʋ̃ɔnɛ a, bɛ mɩ́ ŋma n a wuli-zawlɛ, a pɩrmɛ nɩ a váar bɛr, nɩ sɔ-nɔ-ɓãfaga.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 30:29

A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.

Ɩzayi 33:2

Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Ɩzayi 44:8

Nyɩɩm, ɩ̃ nɩ-bʋʋrɛ ɛ, nyɩ ta zɔrɛ dɛ̃bɩ̃ɛ màwr ɛ. Ɩ̃ bɛ yel a yel ŋa kʋ̀ nyɩ koro za ɛ́ ɩ nyɩ bãw ʋ ɛ? Nyɩmɛ bɛ n'ɩ a ɩ̃ dãsɩɛ dem ɛ? Mãa bɛ wa n'ʋ a, Naaŋmɩn lɛb'a be be e? Ʋ̃ʋ'hʋ̃, Pìir kãw bɛ lɛb ka be ɩ, ɩ̃ bɛ bãw a kãw za ɩ.»

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 62:11

A Sore ɩ na bɛ wõ a ʋ kɔkɔr tɩ tɔ a tẽw baarʋ zie. Nyɩ yel a Sɩyɔ̃ tẽ-kpɛ̃ɛ: «A fʋ Faarɛ tarɛ na. Ʋ tɛr'ɩ a nɩbɛ ʋ na páw a lɛb waar'ɩ, ʋ lɛb'a waar'ɩ a ʋ tuo bom.»

Zeremi 3:21

Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

Zowɛl 1:17

A bʋ̃-bie ko na gã a tã-dɛgɛ pile. Ble bɛ cãà be ɩ, alɛ so a bowe ɩ bow-zawlɛ, ɛ́ a bʋ̃-bini binu ziir sãw gã.

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.