Ɩzayi 17:1 - A SƐB-SÕW

¹ Ƴɛ̀rʋ na ƴɛ̀r a Damasɩ tẽw ƴãw a. A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ, ʋ na lɩɛb'ɩ tãdɛgɛ na gbõ taa a.

Ɩzayi 17:1 Referans Kwoze

Zakari 9:1

Sore ƴɛ̀rʋ. A ʋ ƴɛ̀rʋ tɩ ta n a Hadɩrakɩ tẽw vuo pʋɔ, ɛ́ tɛw àr a Damasɩ tẽw. Bʋ̃ʋ n'ʋ vɛ̃, a Sore bɛ jɩ́rɛ a Ɩsɩrayɛl dɔwlʋ tɛwr ɛ, ʋ mɩ̀ jɩ́rɛ nɩ a nɩsaalbɛ za.

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.

Nɩ-toni 9:2

ɛ́ ƴãw ʋ kʋ̀ ʋ sɛb-tʋɔlɩ a Damasɩ tẽw puoru-diru nɩ-bɛrɛ ƴãw, kɛ́ ʋlɛ wa tɩ nyɛ̃ nɩbɛ, dɛbr bɩɩ pɔwbɛ, bɛ tuur a Yeezu sɔ́r a, ʋʋ nyɔw bɛ ƴãw bamɛ wa n a Zerizalɛm.

Mise 1:6

À ŋá n'a a Sore yere: «Ɩ̃ na ɩ na a Samaari tẽw lɩɛbɩ deboru, ʋ lɩɛbɩ divɛ̃ tɩɩr tẽsɔw-kʋ́ɔra. Ɩ̃ na ɩ n a ʋ kʋsɛbɛ bili siw a fʋɔla pʋɔ, ɩ̃ na ɩ n a ʋ dacine pɛ́ɛ a sãá.

Zeremi 49:2

Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Ɩzayi 7:8

Bʋ̃ʋ n'ʋ vɛ̃, a Siiri tẽw tẽ-kpɛ̃ɛ n'ɩ Damasɩ, ɛ́ a Damasɩ tɛwr'a a Eresin ɩ a nɩ-kpɛ̃ɛ. Yome lɩz'a ata nɩ a nũu n'a cãà cɛ, ɛ́ a Efarayim bʋʋrɛ kʋ̃ cãà ɩ. Bʋ̃ʋ n'ʋ vɛ̃, Samaari n'ɩ a Efarayim tẽw tẽ-kpɛ̃ɛ ɛ́ a Samaari tɛwr'a a Peka ɩ a nɩ-kpɛ̃ɛ. Nyɩmɛ bɛ wa sàw de a, nyɩ kʋ̃ cãà be ɩ.”»

Yele-za-pɛr-tib 14:15

A Abram tɩ bʋ́r bʋ́r'ɩ a ʋ nɩbɛ tɩ lo n a ʋ dɔ̃ dem zu tɩ̃ɩsɔw. Ʋ tɩ pɔb bɛ na, ɛ́ diw bɛ tɩ ta n Hova na be a Damasɩ saa-pɛrɩ́-gʋba-lowr a.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Ɩzayi 37:26

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá koro kãw za, daar na bɛ gbʋ́r a n'a ɩ̃ tɩɛrɩ a bɛr, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ kɛ́ fʋ wa ɩ a tẽ-bɛrɛ bɛ na cɔbrɩ a kpɛmɛ a zɛbr ƴãw a, a lɩɛbɩ a deboru.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 15:1

Ƴɛ̀rʋ na ƴɛ̀r a Mowab tẽw ƴãw a. A Aar-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ. A Kɩɩr-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ.

Ɩzayi 13:1

Ƴɛ̀rʋ na càarɩ a Babɩlɔn tẽw bɛ ƴɛ̀r kʋ̀ Amɔtɩsɩ bidɛb, Ɩzayi, yel-nyɛra pʋɔ a.

Ɩzayi 10:9

Ɩ̃ bɛ ɩ a Kalno tẽ-kpɛ̃ɛ mɛ̃ a lɛ ɩ̃ na ɩ a Karkemisɩ tẽ-kpɛ̃ɛ a ɩ? Ɩ̃ bɛ ɩ a Hamatɩ tẽ-kpɛ̃ɛ mɛ̃ a lɛ ɩ̃ na ɩ a Arpadɩ tẽ-kpɛ̃ɛ a ɩ? Ɩ a Samaari mɛ̃ a lɛ ɩ̃ na ɩ a Damasɩ a ɩ?

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

2 Bibie za yel-manɩ 28:23

ʋ tɩ maal'ɩ bagɛ kʋ̀ a Damasɩ tẽw ŋmɩmɛ na tɩ zɛb tʋ̃ɔ́ ʋ a, ɛ́ yel: «A Asiiri tẽw na-mɩnɛ ŋmɩmɛ n'a sõwne bɛ. A na ɩ lɛ a, ɩ̃ mɩ̀ na maal'ɩ bagɛ kʋ̀ a, k'aa tʋ̃ɔ́ mɩ̀ sõw mɛ̃.» Ɛcɛ a ŋmɩmɛ á ŋá n'a nɩ̃ɛ ɩ ʋlɛ nɩ a Ɩsɩrayɛl nɩbɛ za lo.

2 Bibie za yel-manɩ 28:5

A Sore ʋ Naaŋmɩn tɩ de ʋ na ƴãw a Aram tẽw nãà nuru pʋɔ, ʋ zɛb tʋ̃ɔ́ ʋ, ɛ́ nyɔw a ʋ nɩbɛ yaga bɛ ɩ nɩ-pàwrɩ ʋ cen nɩ a Damasɩ. Ʋ mɩ̀ tɩ lo n a Ɩsɩrayɛl nãà, Peka na ɩ Eremalyahu bidɛb a nuru pʋɔ, ʋ zɛb tʋ̃ɔ́ ʋ pẽlẽpẽlẽ:

2 Na-mɩnɛ 16:9

A Asiiri tẽw nãà tɩ ɩ n a lɛ a Akaazɩ na zɛlɩ ʋ a. Ʋ tɩ cen na tɩ zɛb'ɩ a Damasɩ tẽw, zɛb de ʋ, ír a ʋ nɩbɛ cen nɩ Kɩ́ɩ̀r, ɛ́ ƴãw bɛ kʋ a Eresin.

Yele-za-pɛr-tib 15:2

A Abram tɩ sɔw na: «Sore Naaŋmɩn i, bʋnʋ ƴãw n'a fʋ na dɩ tuo kʋ̀rɛ mɛ̃ bom? Ɩ̃ kule na ɛ́ bɛ tɛr bie ɩ, ɛ́ Eliezɛɛr na yi Damasɩ a n'ʋ na so a ɩ̃ yir.»

1 Bibie za yel-manɩ 18:5

A Siiri tẽw dem na kpɩɛr a Damasɩ a tɩ wa na kɛ́ bɛ wa sõw a Sova tẽw nãà Hadadezɛɛr. A Daviir mɩ̀ tɩ zɛb'a tʋ̃ɔ́ bɛ, kʋ nɩbɛ tùr-lɩzɛr'ɩ ayi (22 000) a bɛ pʋɔ.

1 Na-mɩnɛ 11:24

A lɛn daar a Daviir na tɩ kʋ a Hadadezɛɛr sojarɩ faa faa a, a Erezon tɩ bʋɔl'ɩ nɩbɛ ɓã taa a ʋ zie, ɛ́ ɩ a bɛ nɩ-kpɛ̃ɛ. Bɛ tɩ cen nɩ Damasɩ tɩ zɩ̃ a be wa de a naalʋ.

Wulu-ayi-sob 13:16

nyɩ na kʋ n a tẽ-kpɛ̃ɛ nɛ dem za. Nyɩ mɩ̀ na kʋ n a dʋn za. Al pùorí, nyɩ na sãw nɩ a tẽw ʋ za bɛr, lãwnɩ a bome za na be a ʋ pʋɔ a.

Ɩzayi 7:16

A bie kʋ̃ bãw a faa zawr-bɛrʋ nɩ a vla kaa-íru sɛr ɛ, ɛ́ a nɩbɛ bɛr a tẽw a na-mɩnɛ ayi na ɩrɛ fʋ dɛ̃bɩ̃ɛ a, ʋ gã.