Ɩzayi 16:4 - A SƐB-SÕW

⁴ Bɛr a tɩ nɩbɛ na zɔ a, bɛ kpɩɛr a fʋ zie, kʋ̀ bɛ sɔwlʋ zie a zi-sãwnɛ niŋé. A fɛrʋ bɛ wa cãà be a, a zie sãwfʋ wa baar'a, a zi-sãwnɛ bɛ wa cãà a tẽw pʋɔ a,

Ɩzayi 16:4 Referans Kwoze

Ɩzayi 14:4

fʋ na cɛ n a yielu ŋa, kɛ́ fʋ ɩ a Babɩlɔn tẽw nãà la: Ŋmɩŋmɩn za n'a a tʋ̃ɔ́ ɩ? A nɩ-dɔwrɛ baarʋ n'a, a po-to-fãw-ɩb baarʋ n'a!

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Yel-wula 11:2

Ɛcɛ, bɛr a Ŋmɩn-yir yẽw davʋra. Taa manɛ ʋ ɛ, bʋ̃ʋ n'ʋ vɛ̃, bɛ bɛr ʋ na kʋ̀ a nɩ-bʋʋr-yoru, bɛ na nɛb a tẽ-sõw tɩ ta cuwr lɩz'a ayi nɩ ayi.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.

Zeremi 48:18

Divon tẽw nɩbɛ ɛ, nyɩ siw a nyɩ da-kɔw-yúor zu, nyɩ zɩ̃ a sagɛ pʋɔ. Bʋ̃ʋ n'ʋ vɛ̃, a sob nɛ na sãwnɛ a Mowab tẽw a, waar'ɩ a nyɩ ƴãw. Ʋ darɛ nɩ a nyɩ zɛbr-yir-kpɛn lɔbr.

Zeremi 48:8

A zi-sãwnɛ na lʋɔr'ɩ a tẽ-bɛrɛ za, tẽ-kpɛ̃ɛ kãw za kʋ̃ cɛ ɩ. A fʋɔla na bɔr'a, ɛ́ a tã-sɛr sãw.» À ŋá n'a a Sore yel.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Ɩzayi 25:10

A Sore nũu na ɩ nũ-vla a na gù n a tãw ŋa.» Ɛcɛ bɛ ƴɛ́r'ɩ a Mowab ŋmɛr bɛr ʋ gã, mɛ̃ mɔ̃-kon bɛ na nɛb kʋ̀rkʋr pʋɔrʋ bɔw pʋɔ a.

Ɩzayi 15:6

A Nimirim kʋ̃ɔnɩ zie lɩɛb'ɩ wɛja-kpalɛ na ɩrɛ nɩbaalʋ a. A mʋ̃ɔ ko na, a bɛ cãà bule ɩ, va-ɓaar za bɛ cãà be ɩ.

Wulu-ayi-sob 24:14

Nyɩ taa nɛbr tõ-tõ-bie na ɩ bãbàal ɛ́ ɩ nã́w sob a ɩ, a nyɩ Ɩsɩrayɛl nɩ-tɔ n'ʋ bɩɩ nʋʋra na kpɩɛr a nyɩ tẽw tẽ-kpɛ̃ɛ kãw pʋɔ a saa n'ʋ a.

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

Zakari 9:8

Ɩ̃ na gù n a ɩ̃ tẽw a lõboge za, tʋ̃ɔ́ faa ʋ a zɛbr-nɩbɛ na tɔlɛ a ƴãw, nɩr za kʋ̃ mɩ́ lɛb wa dɔwrɩ a ɩ̃ nɩ-bʋʋrɛ ɩ, bʋ̃ʋ n'ʋ vɛ̃, ƴɛrɛŋa a, ɩ̃ kaarɛ nɩ a bɛ zie.»

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Ɩzayi 58:7

Ʋlɛ n'ɩ kɛ́ fʋ mɩ́ ɩ a fʋ bʋ̃-dɩra kʋ̀ a kɔ̃ sob, kɛ́ fʋ mɩ́ tɛr a nan dem na bɛ tɛr kpɛb zie a, kpɛ n a fʋ yir, kɛ́ fʋ mɩ́ kʋ̀ bʋ̃-suuri a bɛlɩ dem na bɛ tɛr a a, ɛ́ taa lɩɛbɛ kpaar cɔwr a fʋ yɛb ɛ.

Zeremi 40:11

Lɛ mɩ̀ n'a, a Zuda tẽw nɩbɛ na tɩ be a Mowab, a Amɔ̃, a Edɔm ten pʋɔ nɩ a ziir za a, tɩ wõ na k'aa Babɩlɔn tẽw nãà tɩ bɛr'ɩ nɩbɛ ŋmãa a Zuda tẽw, ɛ́ ƴãw Ahikam bidɛb, Gedalɩasɩ, na ɩ Safan yãw a, ʋ kaarɛ a bɛ zie.

Abɩdɩasɩ 1:14

A bɛ tɩ sɛw kɛ́ fʋ àr gù a sɔ-carɩ pʋɔ, kɛ́ fʋ kʋ a bɛlɩ dem na zɔrɛ cɩ̃ɛnɛ a, ɛ́ nyɔw a ŋmaarɛ bɛl na cɛ a ƴãw a dɔ̃ sob nuru pʋɔ, a kpɩɛrʋ nɛ daar ɛ.