Ɩzayi 16:2 - A SƐB-SÕW

² A Arnon bàa gãwfʋ ziir a, a Mowab tẽw pɔwbɛ ɩ na mɛ̃ lili bɛ na diw a cowr pʋɔ a ƴawrɩ yi cere a.

Ɩzayi 16:2 Referans Kwoze

Zʋkpaɩ 27:8

A lile na mɩ́ bʋnɩ ƴaw viire zãá nɩ a ʋ cow a, lɛ n'a a nɩr na mɩ́ bʋnɩ cɔlɛ zãá nɩ a ʋ tẽw a ŋmɛ̃.

Ƴɛ̀r-dɩrbɛ 11:18

Al pùorí, bɛ tɩ cãà na lo a sɔ́r a wɛja-kpalɛ pʋɔ cere tɩ dɛ a Edɔm nɩ a Mowab ten viiri koli, ɛ́ ta a Mowab tẽw saa-pɛrɩ́. Bɛ tɩ maal'ɩ a bɛ laɩ a Arnon bàa gãwn ŋa lowr, ɛ́ bɛ kpɛ a Mowab tẽw pʋɔ ɩ, bʋ̃ʋ n'ʋ vɛ̃, a Arnon n'ʋ tɩ ɩ a tẽw ŋa tʋr-bɔw.

Zeremi 48:20

Bɛ na sɔw na: «A Mowab tẽw lo n ʋ za, vĩ nyɔw ʋ na!» Nyɩ cɩɩrɛ, nyɩ kone bɔbr'ɩ sõwfʋ! Nyɩ yel a Arnon man nʋɔr, k'aa Mowab tẽw sãw na!

Ɩzayi 13:14

Lɛ n'a ŋa za na mɩ́ lɛb tɩ páw a ʋ bʋʋrɛ, ŋa za na mɩ́ lɛb zɔ tu a ʋ tẽw lowr, mɛ̃ mɔlʋ bɛ na diwr a, mɛ̃ píir nɩr za na bɛ kparɛ ɓanɛ taa a.

Zozue 13:16

Bɛ tɩ páw nɩ zie, a saa-pɛrɩ́-dʋrʋ-lowr tʋr-bɔw na tɩ n'ɩ a Arowɛɛr tẽ-kpɛ̃ɛ na be a Arnon fʋɔla nʋɔr a, nɩ a tẽ-kpɛ̃ɛ ʋl na be a Arnon fʋɔla pʋɔ a. A zie nɛ tɩ n'ɩ a tã-sɛr na jil koli a Medeva a,

Wulu-ayi-sob 3:12

A ʋlɩ daar nɛ a, tɩ tɩ zɛb'a de a tẽw ʋl za na be a Arowɛɛr tẽ-kpɛ̃ɛ saa-pɛrɩ́-gʋba-lowr a, a Arowɛɛr na be a Arnon nʋɔr a. Ɩ̃ tɩ kʋ̀ n a Galaadɩ tan vuo ŋmãa a Urubɛn nɩ a Gadɩ bʋʋrɛ, lãwnɩ a tẽ-bɛrɛ al na tɩ be be a,

Wulu-ayi-sob 3:8

À à ŋá n'a, a lɛn daar, tɩ tɩ zɛb de a Amoritɩ mɩnɛ na-mɩnɛ ayi na be a Zurdɛ̃ saa-pɛrɩ́ a tẽw na tɩ be a Arnon fʋɔla nɩ a Hɛrmɔ̃ tãw cara pʋɔ a.

Wulu-ayi-sob 2:36

A na tĩ a Arowɛɛr tẽ-kpɛ̃ɛ na be a Arnon nʋɔr a, nɩ a tẽ-kpɛ̃ɛ ʋl na be a fʋɔla pʋɔ a, ɛ́ tɩ tɔ a Galaadɩ tẽw a, tẽ-kpɛ̃ɛ bɛ ka be tɩ bɛ tʋ̃ɔ́ zɛb de ɩ. A Sore tɩ Naaŋmɩn tɩ de nɩ a tẽ-bɛrɛ á ŋá za kʋ̀ tɩ.

Sɔr-nɛ́ɛ 21:29

Baw-bio wɛ, Mowab i! Nyɩ wɛ na, nyɩɩm Kemɔsɩ puor-puorbɛ ɛ! A dɛbr na bɛ tʋ̃ɔ́ kpi a, nɩ a pɔwbɛ a, gaso nɩbɛ n'ɩ bɛ za, bɛ nyɔw tɩ kʋ̀ a Amoritɩ mɩnɛ nãà Sihon.

2 Na-mɩnɛ 3:4

A Mowab tẽw nãà, Mesa, tɩ tɛr'ɩ píir. Yũon za a, a mɩ́ tɩ fɛr'a ʋ ya a san a Ɩsɩrayɛl tẽw nãà na ŋmãa kʋ̀ ʋ a: péli tùr-kʋba (100 000) nɩ píir tùr-kʋba (100 000) lãwnɩ a kɔblʋ.

Zʋkpaɩ 26:2

A lɛ a bɛlaarɛkule na mɩ́ tɔl, nɩ a lɛ a lile na mɩ́ ƴaw tɔl a, lɛ mɩ̀ n'a a ŋmɛ-ƴãw na bɛ tu sɔ́r a bɛ páwr nɩr ɛ.

Zeremi 48:9

Nyɩ kʋ̀ pɩgɛ a Mowab, bʋ̃ʋ n'ʋ vɛ̃, ʋ bɔbr'a k'ʋʋ ƴaw cen! A ʋ tẽ-bɛrɛ lɩɛb'ɩ ziir na sãw gã a, a bɛ cãà tɛr a nɩbɛ ɩ.

Zeremi 48:46

Nyɛ̃ kpɩɛrʋ na páw fʋ a, Mowab i! Ŋmɩn Kemɔsɩ nɩbɛ ɛ, nyɩ wɛ na! Bʋ̃ʋ n'ʋ vɛ̃, bɛ nyɔw nɩ a nyɩ bidɛbr nɩ a nyɩ pɔwyaar cen nɩ, bɛ ɩ nɩ-pàwrɩ.»