Ɩzayi 16:11 - A SƐB-SÕW

¹¹ Alɛ so a ɩ̃ pʋsabɛ damnɛ a Mowab ƴãw mɛ̃ korijom fomie a, ɛ́ a ɩ̃ socir màwr a Kɩɩr-Hɛrɛsɩ ƴãw.

Ɩzayi 16:11 Referans Kwoze

Ɩzayi 15:5

Ɩ̃ kone nɩ a Mowab ƴãw. A ʋ nɩbɛ na zɔrɛ a zɔ na tɩ sãá Sowaar, tɩ sãá Egilatɩ-Selisiya. A nɩbɛ dúor'ɩ a Luhitɩ dob zie kone nɩ, bɛ ŋmɩɛr'ɩ cɛlsɩ na ɩrɛ nɩbaalʋ a, a Horonayim sɔ́r zu.

Filib 2:1

A na ɩ à ŋá a, nyɩmɛ wa sɩrɩ mɔwlɛ taa nyɩmɛ nɩ a Kɩrɩta na lãw taa a zũú a, nyɩmɛ wa kpaalɛ taa a nɔ̃wfʋ pʋɔ a, lãw-taa wa be be a Vʋʋrʋ Sõw pʋɔ a, nɔ̃wfʋ nɩ nɩbaal-zɔba wa be be a,

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

Zeremi 48:36

Alɛ n'a so ɩ̃ kone a Mowab nɩ Kɩɩr-Hɛrɛsɩ ten dem. A ɩ̃ kon ɩ na mɛ̃ wele kɔkɔr na yere: a na-bome bɛ na bɔ gbõ taa a, bɔr'a.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Ɩzayi 21:3

Alɛ n'a so a ɩ̃ pʋsabɛ za màwr. 'Wɔbrʋ 'wɔbr mɛ̃ na, mɛ̃ pɔw na dɔwr a 'wɔbrʋ a. A damnʋ dam mɛ̃ na zuo ɩ̃ kʋ̃ tʋ̃ɔ́ wõ bom ɛ, pʋl-vʋ̃ɔ tɛr mɛ̃ na zuo ɩ̃ kʋ̃ tʋ̃ɔ́ nyɛ̃ bom ɛ.

Zeremi 48:31

Alɛ n'a so ɩ̃ ùore a Mowab tẽw ƴãw, ɩ̃ lɔbr cɛlsɩ a Mowab tẽw za ƴãw, ɛ́ kone a 'woi 'woi a Kɩɩr-Hɛrɛsɩ tẽw dem ƴãw.

A Lãw-mʋɔlɛ 1:20

Sore e, nyɛ̃ a ɩ̃ kpɩɛrʋ a! A ɩ̃ pʋɔ 'lere mɛ̃ na! A ɩ̃ tɩɛrʋ za dam'a, bʋ̃ʋ n'ʋ vɛ̃, ɩ̃ sɩrɩ na ɩ nɩsaal-gaara! A sɛ́ɛ pʋɔ a, a zɛbr-sɔ-kpɛ̃ɛ kʋ n a ɩ̃ bibiir. A yir a, fʋ mɩ́ manɛ kɛ́ a kũuni tẽw n'a.