Ɩzayi 15:3 - A SƐB-SÕW

³ A tẽ-bɛrɛ sɛ́ɛ pʋɔ a, vʋɔrɩ kparɩ n'a a nɩbɛ su. A gàrɛ zu nɩ a nɩ-yaga tuor-taa ziir a, bɛ za ŋmaarɛ nɩ lãw-mʋɔlɛ kone cire nɩ mʋta-kʋ̃ɔ.

Ɩzayi 15:3 Referans Kwoze

Matie 11:21

«We ãɩ, Korazin i! We ãɩ, Bɛtɩsayida a! A nɔ-ɓãa-yele na sɩrɩ maalɩ a nyɩ zie a, alɛ tɩ maalɩ Tɩ́ɩ̀r nɩ Sɩdɔ̃ a, koro za n'a a bɛ nɩbɛ nãá lɩɛbɩ a bɛ ɩb, su vʋɔrɩ kparɩ ŋmɛ n tãpɛlʋ.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

2 Na-mɩnɛ 6:30

A nãà na tɩ wõ a pɔw ŋa ƴɛ̀rʋ a, ʋ taw nɩ a ʋ kparɩ cɩɛrɩ. Ʋʋ na tɩ lʋɔrɛ a dacin a, a nɩbɛ tɩ nyɛ̃ na ʋ na su vʋɔra kparʋ, ɛ́ su a ʋ kparɩ pàw a.

2 Samɩɛl 3:31

A Daviir tɩ yel'ɩ a Zowab nɩ a nɩbɛ na tɩ bɩɛlɛ ʋ a: «Nyɩ taw a nyɩ kparɩ cɩɛrɩ, nyɩ su vʋɔrɩ kparɩ, maal'ɩ a Avɩnɛɛr kuor.» A nãà Daviir tɔr za tɩ tuur'ɩ a Avɩnɛɛr kũu.

Wulu-ayi-sob 22:8

Nyɩmɛ wa ŋmaarɛ yir-paala a, nyɩ na vibl'ɩ a gàr dacine, kɛ̀ nyɩ taa wa so nɩr na yi a gàrʋ́ lo a kũu ɛ.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!

1 Samɩɛl 5:12

Mãsuur tɩ nyɔw nɩ a bɛlɩ dem na bɛ tɩ kpi a, a kpɩɛrʋ cɛlsɩ bɛ na lɔbr a do tɩ tɔ a salom.

Ɩzayi 3:24

Pʋɔrʋ nyũu na lɩɛr'ɩ a parfɛ̃ nyũu, miwr na lɩɛr'ɩ a kpàwr. Zu bɛ na fɔr'a na lɩɛr'ɩ a zu bɛ na pàl tɩ ƴãw kpɛ̃kpɛrsɩ a. Vʋɔra pɛn gãw na lɩɛr'ɩ a dɛpaal bʋ̃-suuri. Ƴã-ganɩ́ bãwfʋ na ɩrɛ vĩ a na lɩɛr'ɩ a vɩɛlʋ bãwfʋ.

Zeremi 48:37

A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ.

A Lãw-mʋɔlɛ 2:10

A Sɩyɔ̃ tẽ-kpɛ̃ɛ nɩ-kore zɩ̃ n gbili gbili a tẽw. Bɛ 'wɔ̃w nɩ tanɛ ƴãw a zurú, bɛ su n vʋɔrɩ kparɩ. A Zerizalɛm pɔwsɩrali su n zuru.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.