Ɩzayi 15:2 - A SƐB-SÕW

² A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Ɩzayi 15:2 Referans Kwoze

Zeremi 48:1

A Mowab tẽw ƴãw. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Nyɛ̃ kpɩɛrʋ na páw a Nebo tẽw a, bɛ sãw ʋ na bɛr! Nyɛ̃ vĩ na nyɔw a Kiriyatayim tẽ-kpɛ̃ɛ a, bɛ zɛb'a de ʋ! Nyɛ̃ vĩ na nyɔw a zɛbr-yir-kpɛ̃ɛ ŋa a, ʋ lo na!

Levitɩ mɩnɛ 21:5

«A bàwr-maalbɛ wa tɛr kuor a, bɛ bɛ fɔrɛ a bɛ zu-sɔwlɩsɔw bɛrɛ ɩ, bɛ bɛ pòne a bɛ tɩɛm kõkowe ɛ́ bɛ cɩ̀rɛ a bɛ ƴã-gamɛ ɩ.

Zeremi 48:18

Divon tẽw nɩbɛ ɛ, nyɩ siw a nyɩ da-kɔw-yúor zu, nyɩ zɩ̃ a sagɛ pʋɔ. Bʋ̃ʋ n'ʋ vɛ̃, a sob nɛ na sãwnɛ a Mowab tẽw a, waar'ɩ a nyɩ ƴãw. Ʋ darɛ nɩ a nyɩ zɛbr-yir-kpɛn lɔbr.

Ɩzayi 3:24

Pʋɔrʋ nyũu na lɩɛr'ɩ a parfɛ̃ nyũu, miwr na lɩɛr'ɩ a kpàwr. Zu bɛ na fɔr'a na lɩɛr'ɩ a zu bɛ na pàl tɩ ƴãw kpɛ̃kpɛrsɩ a. Vʋɔra pɛn gãw na lɩɛr'ɩ a dɛpaal bʋ̃-suuri. Ƴã-ganɩ́ bãwfʋ na ɩrɛ vĩ a na lɩɛr'ɩ a vɩɛlʋ bãwfʋ.

Wulu-ayi-sob 34:1

A Moyiir tɩ yi n a Mowab tɩ̃talɛ pʋɔ do a Nebo tãw zu, a Pisiga na tori a Zeriko a nyʋɔrɩ́. A Sore tɩ wul ʋ nɩ a tẽw za: a Galaadɩ vuo tɩ tɔ a Dan,

Sɔr-nɛ́ɛ 21:30

Ɛcɛ tɩ tɛ n a Amoritɩ mɩnɛ kʋ. Ƴɛrɛŋa a, Hɛsɩbon bɛ cãà be ɩ, ɛ́ a tẽw za sãw cen tɩ tɔ Divon. Tɩ sãw nɩ bom za tɩ sãá nɩ Nofa, tɩ sãá nɩ Medeva mɔ̃ mɩ̀.»

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Zeremi 48:31

Alɛ n'a so ɩ̃ ùore a Mowab tẽw ƴãw, ɩ̃ lɔbr cɛlsɩ a Mowab tẽw za ƴãw, ɛ́ kone a 'woi 'woi a Kɩɩr-Hɛrɛsɩ tẽw dem ƴãw.

Zeremi 47:5

A Gaza a, a nɩbɛ za zuru fɔr'a. A Asɩkalon a, a nɩbɛ za ɩ n gbili. A nyɩɩm na ɩ a nɩ-kɛrɩ jarmam jarmam na cãà vʋʋrɛ a, debor'a nyɩ na wɛr wɛr a nyɩ ƴã-gamɛ tɩ ta n?

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 16:12

Bɛ na nyɛ̃ nɩ a Mowab nɩbɛ bɛ bàlɛ bɛ tʋɔra dúor a maalʋ-ziir, bɛ cere a bɛ zi-sõw pʋɔ kɛ́ bɛ tɩ puori, ɛcɛ a na ɩ n zawla.

Ɩzayi 16:7

Ƴɛrɛŋa a, a Mowab tẽw dem kone na ƴãwn bɛ tʋɔra, bɛ za kone na tɩ́ɛrɛ nɩ a divɛ̃ tɩ-wɔmɛ gatori bɛ na mɩ́ tɩ maalɩ a Kɩɩr-Harɛsɛtɩ a. Bɛ kone na bɛ bãw ŋmɩŋmɩn za n'a ɩ.

Ɩzayi 15:3

A tẽ-bɛrɛ sɛ́ɛ pʋɔ a, vʋɔrɩ kparɩ n'a a nɩbɛ su. A gàrɛ zu nɩ a nɩ-yaga tuor-taa ziir a, bɛ za ŋmaarɛ nɩ lãw-mʋɔlɛ kone cire nɩ mʋta-kʋ̃ɔ.

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.

A Zɔb sɛbɛ 1:20

Lɛ n'a a Zɔb tɩ ìr, taw a ʋ kpar-kpɛ̃ɛ cɩɛrɩ ɛ́ fɔr a ʋ zu, ɛ́ gbĩ dume gũu tɩ tɔ tẽw

Wulu-ayi-sob 14:1

Nyɩ ɩ n a Sore nyɩ Naaŋmɩn bibiir. A na ɩ à à ŋá a, nyɩmɛ mɩ́ wa tɛr kuor a, nyɩ ta ƴãw bɛ wɛr wɛr nyɩ a ƴã-gan ɛ, ɛ́ ta põ a nyɩ zu a nisɔw ɛ.

Sɔr-nɛ́ɛ 32:38

Nebo, Baal-Mewon nɩ Sivima, ɛ́ por yo-paalɛ a tẽ-bɛrɛ a mɩnɛ bɛ na tɩ lɛb mɛ a.

Sɔr-nɛ́ɛ 32:3

«A tẽ-bɛrɛ á ŋá: Atarɔtɩ, Divon, Yazɛɛr, Nɩmɩra, Hɛsɩbon, Eleale, Sevam, Nebo nɩ Bewon pʋɔ nɩ a tẽw

Levitɩ mɩnɛ 13:40

«Nɩr zukɔbɛ wa kpa lo, ʋʋ ɩ zu-kpalɛ a, ʋ cãà na vɩɛl.

Sɔr-nɛ́ɛ 21:28

Vũu yi n a Hɛsɩbon pʋɔ, vũu-zɛl ɩ n pelem yi a Sihon tẽ-kpɛ̃ɛ pʋɔ. Ʋ dɩ n Aar, a Mowab tẽw pʋɔ, ɛ́ dɩ a Arnon tãli ŋmɩmɛ.

2 Samɩɛl 10:4

Lɛ n'a a Hanun tɩ ƴãw bɛ nyɔw a Daviir tõ-tõ-bi-bɛrɛ põ bɛ a tɩɛm lõbowr-gãwn, ŋma bɛ a bʋ̃-suuri a siw ƴãw bɛ a pebinyɛɛ ƴãw, ɛ́ bɛr bɛ bɛ kule.

Zeremi 3:21

Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Zeremi 47:2

À ŋá n'a a Sore yel: «Kʋ̃ɔnɩ na vʋnɛ a yi n saa-pɛrɩ́-gʋba-lowr waar, a lɩɛbɛ nɩ bàa, a kʋ̃ɔ na damnɛ nɩ fãw a, a paalɛ na pàwr a tẽw nɩ bom za na be a ʋ pʋɔ a: a tẽ-bɛrɛ nɩ a nɩbɛ na kpɩɛr a a. A nɩbɛ kone na zɛlɛ nɩ sõwfʋ, a tẽw nɩbɛ za ŋmɩɛr'ɩ cɛlsɩ.

Zeremi 48:35

«A mãa Sore, ɩ̃ yere na: Ɩ̃ na ɩ na a bɛlɩ dem na mɩ́ cen a maalʋ-ziir tɩ maalɩ bagɛ kʋ̀ a bɛ ŋmɩmɛ a, bɛ bɔr a Mowab tẽw pʋɔ.»

Ezekɩɛl 27:31

A fʋ̃ʋ ƴãw a, bɛ na fɔr'ɩ a zu, ɛ́ su ko-tuolu bʋ̃-suuri. Bɛ na kone na ƴãwn fʋ, bɛ na kone nɩ lãw-mʋɔl-tʋlʋ.

Ezekɩɛl 30:2

«A fʋ̃ʋ nɩsaal bie, ƴɛ̀r a ɩ̃ yúor ƴãw, yel: À ŋá n'a a Sore Naaŋmɩn yere: Nyɩ kone a kpɩɛrʋ bibir ŋa ƴãw.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

1 Bibie za yel-manɩ 19:4

Lɛ n'a a Hanun tɩ ƴãw bɛ nyɔw a Daviir tõ-tõ-biir, põ bɛ a tɩ̃ɛmɛ, ŋma bɛ a bʋ̃-suuri a ƴaw do ƴãw a bɛ pebinyɛɛ ƴãw, ɛ́ bɛ bɛr bɛ bɛ kule.

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.