Ɩzayi 14:6 - A SƐB-SÕW

⁶ na tɩ ŋmɩɛr a nɩbɛ kʋralɛ ŋmɛ-tʋlʋ tʋlʋ a, na mɩ́ tɩ tʋ̃ɔ́ a nɩ-bʋʋr-yoru nɩ suur a, ɛ́ dɔwrɛ bɛ bɛ zʋmnɛ nɩ a.

Ɩzayi 14:6 Referans Kwoze

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zeremi 50:31

«Pɔ̀lʋ sob Babɩlɔn i, mãa nɩ fʋ̃ʋ nɛbɛ! A Sore Naaŋmɩn, a kpɛnʋ-za-sob'ʋ yere. A fʋ bibir vɩɛ na, a daar ʋl ɩ̃ na na sowri fʋ bom a ta na.

Zeremi 25:26

- a saa-pɛrɩ́-gʋba-lowr na-mɩnɛ za, a bɛl na pɩɛlɩ nɩ a bɛl na zãá a. A tɩ fɛr'a k'aa tẽ-daa naalʋ-ten al za na be a tẽw zu ziir za a, nyũ a koli-nyúura ŋa pʋɔ tu taa, ɛ́ a Sesakɩ tẽw nãà nyũ a bɛ za pùorí.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Ɩzayi 10:14

Ɩ̃ de nɩ a nɩ-bʋʋrɛ na-bome mɛ̃ lili-cow fʋ na ír a. Ɩ̃ de nɩ bom za a tẽw zu, mɛ̃ jɛlɛ na gã fʋ wob a, ɛ́ nɩr za bɛ dam dam ɛ, bɛ háa nʋɔr kõ ɩ.»

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

A Zɔb sɛbɛ 9:13

Naaŋmɩn bɛ nyɔwr a ʋ suur ɛ. A kʋ̃ɔ-kpɛ̃ɛ pʋɔ dʋ̃-bɩɩr, a Arahab nɩ a ʋ kpɛ-ta-dem gã nɩ a ʋ pile.

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Ɩzayi 14:5

A Sore sãw nɩ a nɩ-faar kpɛnʋ bɛr, ʋ kár'ɩ a po-to-fãw sob dabɔl bɛr

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

Habakukɩ 1:17

A ɩ à ŋá, bɛ kʋ̃ bɛr a bɛ zɛbr-sɔ-bɛrɛ vɔb towtow, bɛ na mɩ́ vɔnɛ kʋrɛ nɩ a nɩ-bʋʋr-yoru, ɛ́ bɛ zɔrɛ nɩbaalʋ ʋ?

Zʋkpaɩ 28:15

Nɩ-kpɛ̃ɛ-po-to-sob na dɔwrɛ nɩbɛ na ɩ bãbàalbɛ a ŋmɛ̃ na mɛ̃ gbẽw na ùore a, mɛ̃ wɛ-dʋ̃-faa bɛ na bʋɔlɛ ursɩ a na ƴaw yi a.

Zeremi 48:17

Nyɩ puor'ʋ a ʋ wahala, nyɩɩm nɩ-bʋʋrɛ za na kpɩɛr pɩɛl'ʋ ɛ́ bãw ʋ vla vla a. Nyɩ yel: «Ŋmɩŋmɩn za n'a a fãw-kpɛ̃ɛ ŋa, a kpɛnʋ na vɩɛl vɩɛl a, wa tɩ baarɩ?»

Habakukɩ 2:5

Sɩza n'a, a tɛra bɛ vɩɛl ɛ, a pɔ̀lʋ dem bɛ bãw pɩ̃ɛnʋ towtow ɛ, bɛ dɩrɛ nɩ gbogbo mɛ̃ a kpɩmɛ tẽw a, bɛ bɛ tɛr sɛwfʋ ɛ, mɛ̃ a kũu a, bɛ zɛbr'a dier a ten za, bɛ so nɩ a nɩ-bʋʋrɛ za.