Ɩzayi 14:4 - A SƐB-SÕW

⁴ fʋ na cɛ n a yielu ŋa, kɛ́ fʋ ɩ a Babɩlɔn tẽw nãà la: Ŋmɩŋmɩn za n'a a tʋ̃ɔ́ ɩ? A nɩ-dɔwrɛ baarʋ n'a, a po-to-fãw-ɩb baarʋ n'a!

Ɩzayi 14:4 Referans Kwoze

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 18:16

bɛ na yere na: «Zu-bio! Nyɛ̃ zu-bio na páw a tẽ-kpɛ̃ɛ a! Ʋ mɩ́ tɩ su n pɛn-pɛlɛ saalɩ fɔbr, pɛn-zɩɩr nɩ pɛn-zɩɩr-ɓõɓõ fɔbr, ʋ mɩ́ tɩ ƴãw nɩ salm-zɩɛ, kʋsɛ-bi-nyɩlɩ nɩ lɛgɛ pɩ̃ɛmɛ.

Yel-wula 17:6

Ɩ̃ tɩ nyɛ̃ nɩ a pɔw ŋa ʋ nyũ a Naaŋmɩn nɩbɛ nɩ a Yeezu dãsɩɛ dɩrbɛ zɩ̃ɩ kuoli. Ɩ̃ na tɩ nyɛ̃ ʋ a, nʋɔr tɩ ɓãá mɛ̃ nɩ yaga.

Habakukɩ 2:17

A yele nyɩ na sãw a Libã tẽw a, na lɛb'a lo a nyɩ zu. Nyɩ sãw nɩ dʋn faa faa, dʋn mɩ̀ na ƴãw nyɩ nɩ pʋl-vʋ̃ɔ! À á ŋá za na ta na, a nɩsaalɛ zɩ̃ɩ nyɩ na cir a ƴãw, nɩ a po-to-fãw-ɩb nyɩ na ɩ a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Ezekɩɛl 5:15

Ɩ̃ na tu n a lɛ ɩ̃ na dɩ a ƴɛ̀rʋ bin a fʋ ƴãw nɩ su-tʋlʋ a, ɩ̃ɩ na yel fʋ nɩ yaga. Lɛ n'a a nɩ-bʋʋrɛ na be a kõkowe ƴãw a na de a tẽ-kpɛ̃ɛ ŋa ʋ ɩ bʋ̃-ɩ-laara nɩ zʋmɛ bom. Ɛcɛ a tẽ-kpɛ̃ɛ ŋa mɩ̀ na ɩ n kpaalʋ nɩ dɛ̃bɩ̃-kpɛ̃ɛ bom a bɛ zie. A mãa Sore n'ʋ ƴɛ̀rɛ a nyɩ zie.

A Lãw-mʋɔlɛ 4:1

'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son yàar'a pàw a ziir za!

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Ɩzayi 51:23

Ɩ̃ na ƴãw ʋ nɩ a bɛlɩ dem na dɔwrɛ fʋ a nuru pʋɔ, bɛl na tɩ yere a fʋ zie: “Gã vɔblɩ muru tɩ tɔl a fʋ zu” a! Lɛ n'a fʋ tɩ ɩ a fʋ zikur ʋ lɩɛbɩ tẽsɔw, ʋ lɩɛbɩ sɔ́r a sɔr-tɔlbɛ ƴãw.»

Ɩzayi 47:5

Zɩ̃ gbili, Babɩlɔn tẽw dem tẽ-kpɛ̃ɛ ɛ, sɔwlɩ a lige pʋɔ. Bʋ̃ʋ n'ʋ vɛ̃, bɛ kʋ̃ lɛb bʋɔlɩ fʋ “Naalʋ-ten Pɔw-nãà” towtow ɛ.

Ɩzayi 14:17

Ʋlɛ sɩrɩ n'ʋ mɩ́ tɩ ɩ a tẽ-daa ʋ lɩɛbɩ wɛja-kpalɛ, mɩ́ tɩ sãw a tẽ-bɛrɛ bɛr, ɛ́ bɛ sàw na lɛb bɛr a zɛbr nɩ-nyɔwrɩ ɛ?»

Ɩzayi 14:6

na tɩ ŋmɩɛr a nɩbɛ kʋralɛ ŋmɛ-tʋlʋ tʋlʋ a, na mɩ́ tɩ tʋ̃ɔ́ a nɩ-bʋʋr-yoru nɩ suur a, ɛ́ dɔwrɛ bɛ bɛ zʋmnɛ nɩ a.

Ɩzayi 13:19

A Babɩlɔn tẽw, a naalʋ-tẽw tẽ-kpɛ̃ɛ na vɩɛl zuo a za a, a Babɩlɔn tẽw dem pɩ̃ɛmɛ na tɛr yúor a, na ɩ na mɛ̃ a Sodɔm nɩ a Gomɔɔr ten a Naaŋmɩn na sãw bɛr a.

2 Bibie za yel-manɩ 36:18

Ʋ tɩ wob'ɩ a Ŋmɩn-yir-kpɛ̃ɛ pʋɔ bome za, a bɛrɛ nɩ a pʋrmɛ, lãwnɩ a Ŋmɩn-yir-kpɛ̃ɛ bʋ̃-vɩɛlɩ, a nãà nɩ a tõ-tõ-bi-bɛrɛ bʋ̃-vɩɛlɩ, ʋ tɩ wob'ɩ a za cen nɩ a Babɩlɔn.

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Ɩzayi 13:1

Ƴɛ̀rʋ na càarɩ a Babɩlɔn tẽw bɛ ƴɛ̀r kʋ̀ Amɔtɩsɩ bidɛb, Ɩzayi, yel-nyɛra pʋɔ a.

Ɩzayi 14:5

A Sore sãw nɩ a nɩ-faar kpɛnʋ bɛr, ʋ kár'ɩ a po-to-fãw sob dabɔl bɛr

Ɩzayi 16:4

Bɛr a tɩ nɩbɛ na zɔ a, bɛ kpɩɛr a fʋ zie, kʋ̀ bɛ sɔwlʋ zie a zi-sãwnɛ niŋé. A fɛrʋ bɛ wa cãà be a, a zie sãwfʋ wa baar'a, a zi-sãwnɛ bɛ wa cãà a tẽw pʋɔ a,

Ɩzayi 51:13

Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Ɩzayi 21:2

— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»

Zeremi 48:17

Nyɩ puor'ʋ a ʋ wahala, nyɩɩm nɩ-bʋʋrɛ za na kpɩɛr pɩɛl'ʋ ɛ́ bãw ʋ vla vla a. Nyɩ yel: «Ŋmɩŋmɩn za n'a a fãw-kpɛ̃ɛ ŋa, a kpɛnʋ na vɩɛl vɩɛl a, wa tɩ baarɩ?»