Ɩzayi 14:23 - A SƐB-SÕW

²³ Ɩ̃ na ɩ na a Babɩlɔn tẽw lɩɛbɩ bà-ƴɔrɛ, zɔ̃põ kpɛb zie. Ɩ̃ na pɩɩr'ʋ na nɩ saar na pɩɩrɛ cãlãcãlã a, a Sore, a kpɛnʋ-za-sob'ʋ yere.»

Ɩzayi 14:23 Referans Kwoze

Sofoni 2:14

Dʋn na kpɩɛr'ɩ a tẽw sɔwlɩsɔw. Dʋ̃-bʋʋrɛ za: a vìí nɩ a vii-kpãakpul na ganɛ nɩ a ʋ kpule saa-zu a tɩ̃ɩsɔw. Bɛ na mɩ́ wone nɩ a lili kon, a yie tokori vɛɛ ƴãw. Fʋ na mɩ́ kpɩɛr'a wa báarɛ, ɛ́ nyɛ̃ a dacine na lo lo a, nɩ a sɛɛdɩr tɩɛ wɛwr na sãá sãá a.

Yel-wula 14:8

Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»

1 Na-mɩnɛ 14:10

Alɛ n'a so ɩ̃ na ɩ a yel-faa páw a fʋ yir, ɩ̃ na kʋ n a fʋ yir dɛbr za pàw pɛr, a gbãgbaar nɩ a nɩbɛ na so bɛ tʋɔra a a Ɩsɩrayɛl tẽw pʋɔ. Ɩ̃ na ɩ na a fʋ yir nɩbɛ baarɩ cɔ̃cɔ̃cɔ̃, mɛ̃ sagɛ bɛ na pɩɩrɩ wob yi n bɛr a baarɩ a.

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

2 Na-mɩnɛ 21:13

Ɩ̃ na sãw nɩ a Zerizalɛm bɛr, mɛ̃ a lɛ ɩ̃ na sãw a Samaari nɩ a Akab yir bɛr a. Ɩ̃ na pɩɩrɩ nɩ a Zerizalɛm ʋ yi cãlãcãlã, mɛ̃ laa bɛ na cɩ̃ɩnɩ lɩɛbɩ vɔblɩ a.

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 13:20

Nɩr kʋ̃ lɛb kpɛ ʋ towtow ɛ, ʋ na gã nɩ zawla a yome yome za. A wɛja-kpalɛ nɩ-yʋɔrɩ tɛɛ za kʋ̃ lɛb maalɩ a bɛ pɛnɛ-sɛwr a be ɩ, dʋ̃-cɩɩnbɛ kʋ̃ lɛb tɛw àr a be ɩ.

Ɩzayi 21:1

Ƴɛ̀rʋ na ƴɛ̀r a «Wɛja-kpalɛ na pɩɛlɩ a kʋ̃ɔ-kpɛ̃ɛ a» ƴãw a. Mɛ̃ a lɛ a sɛsɛb-pɩlɛ na mɩ́ fu n fãw tɔl a Negɛɛvʋ tẽw a, a dɔ̃ sob yi n a wɛja-kpalɛ pʋɔ waar, tẽw na ɩrɛ dɛ̃bɩ̃ɛ a.

Zeremi 50:3

Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Zeremi 50:26

Nyɩ yi ziir za wa a tẽ-kpɛ̃ɛ ŋa pʋɔ! Nyɩ yuori a ʋ boge, nyɩ wob a ʋ na-bome ɓã ɓã taa, ɛ́ sãw ʋ bɛr! Bom za taa cɩ́ɛr ɛ.

Zeremi 51:62

Al pùorí, fʋ na yel'a: “Sore e, fʋ̃ʋ mɩŋa n'ʋ yel k'aa tẽ-kpɛ̃ɛ ŋa na sãw na, kɛ́ nɩsaal nɩ dʋ̃w za kʋ̃ cãà kpɩɛr a ʋ pʋɔ ɩ, k'ʋʋ na lɩɛb'ɩ wɛja-kpalɛ na ɩrɛ nɩbaalʋ kʋralɛ a.”