Ɩzayi 14:1 - A SƐB-SÕW

¹ A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 14:1 Referans Kwoze

Sɛb-sõw yielu 102:13

Ɛcɛ fʋ̃ʋ a, Sore e, fʋ ɩ n nãà kʋralɛ, ɛ́ a nɩbɛ na dɔwr lɩɛrɛ taa a, kʋ̃ yiiri a fʋ yele ɩ.

Zakari 1:17

Al pùorí a malkɩ tɩ yel'a k'ɩ̃ɩ lɛb hieri yel à ŋá: «Bʋ̃-vɩɛlɩ na lɛb'a paalɩ a ɩ̃ tẽ-bɛrɛ, a Sore Kpɛnʋ-za-sob n'ʋ yere, ɩ̃ na lɛb'a kaa ír a Zerizalɛm, ɩ̃ na lɛb'a mɔwlɩ a Sɩyɔ̃.»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Zeremi 50:33

À ŋá n'a a Sore, a kpɛnʋ-za-sob, yere: «Bɛ ɩrɛ nɩ po-to-fãw ɩb a Ɩsɩrayɛl nɩbɛ zie, ɛ́ lɛ mɩ̀ n'a a Zuda nɩbɛ zie. A bɛlɩ dem na tɩ diw bɛ cen nɩ a, tɛr bɛ na nɩ fãw. Bɛ bɛ sàwr na lɛb bɛr bɛ ɩ.

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 44:1

Ɛcɛ ƴɛrɛŋa a, bɛrɛ wone, ɩ̃ tõ-tõ-bie Zakɔb i, fʋ̃ʋ Ɩsɩrayɛl ɩ̃ na kaa ír a.

Ɩzayi 41:8

Ɛcɛ fʋ̃ʋ a, Ɩsɩrayɛl i, fʋ ɩ n a ɩ̃ tõ-tõ-bie, Zakɔb i, fʋ ɩ n a nɩ-bʋʋrɛ ɩ̃ na kaa ír a, a ɩ̃ bá Abraham bʋʋrɛ.

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Sɛb-sõw yielu 143:12

A fʋ nɔ̃wfʋ zũú a, kʋ a ɩ̃ dɔ̃ dem pàw pɛr. Ɩ a bɛlɩ dem za na dɔwrɛ mɛ̃ a bɛ kpi, ɩ̃ na ɩ a fʋ tõ-tõ-bie a ƴãw.

Sɛb-sõw yielu 98:3

Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a a Ɩsɩrayɛl nɩ-bʋʋrɛ ƴãw ɛ. A nɩbɛ nyɛ̃ na tɩ tɔ a tẽw baarʋ zie k'aa Naaŋmɩn faa tɩ na.

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Luka 1:54

Ʋ sõw nɩ a Ɩsɩrayɛl bʋʋrɛ, a ʋ tõ-tõ-biir: ʋ na lɛb bãwnɩ a ʋ nɔ̃wfʋ ɩb a,

Ɩzayi 41:9

Ɩ̃ cen nɩ a tẽw baarʋ zie tɩ tɛr fʋ wa n, ɩ̃ bʋɔlɩ fʋ nɩ a zi-zãánɩ za fʋ na tɩ be a. Ɩ̃ yel fʋ na: «A ɩ̃ tõ-tõ-bie a, fʋ̃ʋ n'ʋ, ɩ̃ kaa na ír fʋ, ɩ̃ bɛ jɛ b bɛr ɛ.»

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Ɩzayi 49:15

Ɛcɛ a Sore sɔwr'a: Pɔw mɩ́ yiir'ɩ a bie ʋ na ƴɛnɛ a bɛr ɩ? Ʋ mɩ́ yiir'a na tɛr nɔ̃wfʋ a ʋ pʋɔ bʋ̃-dɔwra ƴãw ɩ? Ʋlɛ saa na yiiri a, mãa kʋ̃ yiiri fʋ bɛr towtow ɛ.

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 54:3

Bʋ̃ʋ n'ʋ vɛ̃, fʋ na yɛ́r'a pàw a ziir za, a fʋ bibiir na so nɩ a tẽ-kpɔwlɩ, ɛ́ lɛb kpɩɛr a tẽ-bɛrɛ bɛ na bɛ tɩ cãà kpɩɛr a.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 56:3

A sãan na tu a Sore pùor a, ʋ ta yere: «A bɛ tɛr à ŋá ɩ, a Sore na ír mɛ̃ na bɛr a ʋ nɩbɛ pʋɔ» ɩ. A dɛ-vár, ʋ ta yere: «Mãa n'ɩ ŋan ɩ tɩ-kõw ɛ!»

Ɩzayi 60:10

A Sore yere nɩ a Zerizalɛm zie: Sãanbɛ nɛbɛ na lɛb mɛ a fʋ dacĩ-bɛrɛ, ɛ́ a bɛ na-mɩnɛ be a fʋ tome tob ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ suur, ŋmɛ b. Ɛcɛ ƴɛrɛŋa a ɩ̃ pʋ-pɩɛlʋ pʋɔ a, ɩ̃ lɛb'a wule fʋ a ɩ̃ nɔ̃wfʋ.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Ezekɩɛl 47:22

Nyɩ na ŋmɛ n gbãw põ ʋ nyɩɩm nɩ a nɩ-bʋʋr-yoru na kpɩɛr a nyɩ sɔgɔ ɛ́ dɔw bibiir a tẽw pʋɔ a. A fɛr'a kɛ́ nyɩ ɩrɛ a bɛ zie mɛ̃ Ɩsɩrayɛl nɩbɛ nɛbɛ a. Bɛ sɛw na kɛ́ bɛ páw a bɛ zie a Ɩsɩrayɛl dɔwlʋ pʋɔ.

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Ɩzayi 19:18

Bibir kãw, tẽ-bɛrɛ anũu na be n a Eziptɩ tẽw, bɛ ƴɛ̀rɛ ebre a be, ɛ́ a nɩbɛ mɩ́ pɔ yel k'aa Sore, a kpɛnʋ-za-sob, so bɛ. A tẽ-bɛrɛ á ŋá kãw yúor na dɩ na kɛ́ Mʋ̃tɔ̃w-tẽ-kpɛ̃ɛ.

Ɩzayi 21:1

Ƴɛ̀rʋ na ƴɛ̀r a «Wɛja-kpalɛ na pɩɛlɩ a kʋ̃ɔ-kpɛ̃ɛ a» ƴãw a. Mɛ̃ a lɛ a sɛsɛb-pɩlɛ na mɩ́ fu n fãw tɔl a Negɛɛvʋ tẽw a, a dɔ̃ sob yi n a wɛja-kpalɛ pʋɔ waar, tẽw na ɩrɛ dɛ̃bɩ̃ɛ a.

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Zeremi 16:15

Ɛcɛ bɛ na nɩ̃ɛ na mɩ́ yel: “Ɩ̃ pɔ n nɩ a Sore na vʋʋrɛ a, na ɩ a Ɩsɩrayɛl nɩbɛ yi a tẽw saa-pɛrɩ́-gʋba-lowr nɩ a ten al za pʋɔ ʋ na diw bɛ yaarɩ a!” Sɩza n'a, ɩ̃ na lɛb'a tɛr bɛ wa n a tẽsɔw ʋl ɩ̃ na tɩ kʋ̀ a bɛ sãàkʋm-kore a pʋɔ.»

Zeremi 30:8

«A daar wa ta a, a Sore, a kpɛnʋ-za-sob'ʋ yere, ɩ̃ na ír'ɩ a fãw ʋl na tɩ dĩ bɛ mɛ̃ a na-kʋ́ɔra-dàa a bɛr, ɩ̃ na ŋma n a bɛ mie bɛr. A lɛ pʋɔ a, bɛ kʋ̃ cãà ɩ sãanbɛ gbãgbaar ɛ.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 51:51

«Nʋ̃ɔ̀ bɛ mɩ́ tɩ ɩrɛ tɩ a zʋmɛ tɩ na mɩ́ tɩ wone a ƴãw ɛ. Vĩ tɩ nyɔw tɩ na a lɛn daar a nɩ-sãanbɛ na tɩ kpɛ a Sore zi-sõw pʋɔ a.»

Ezekɩɛl 16:60

Ɛcɛ mãa a, ɩ̃ na cãà na bãwnɩ a wõ-taa ɩ̃ na tɩ maal'ɩ fʋ a fʋ pɔ̀lʋ̀ daar a, ɩ̃ɩ na ɩ na ʋ lɩɛbɩ wõ-taa na be kʋralɛ a.