Ɩzayi 13:6 - A SƐB-SÕW

⁶ Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 13:6 Referans Kwoze

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Amɔsɩ 5:18

Zu-bio dem'ɩ a bɛlɩ dem na ƴãw a bɛ tɩɛrʋ za a Sore waa bibir ƴãw a! A Sore bibir ŋa wa vɩɛ a, bʋ̃ʋ n'ʋ nyɩ na páw? A bibir ŋa na ɩ n lige bibir, ʋ kʋ̃ ɩ cãà bibir ɛ.

Ɩzayi 13:9

A Sore bibir'ɩ ŋan tarɛ, bibir nɩbaalʋ zɔba na bɛ ka be a, su-tʋlʋ kpãkpã bibir tɛwr na na ɩ a tẽw lɩɛbɩ wɛja-kpalɛ ɩrɛ nɩbaalʋ, ɛ́ ɩ a yel-bebe dem kpi pàw pɛr a ʋ pʋɔ a.

Yel-wula 18:10

Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Zeremi 51:8

Bɛ wa bere na a Babɩlɔn lo, lo ŋmɛr yàarɩ. «Nyɩ kone ʋ! Nyɩ ɩ kãá sɔ a ʋ natɩɛ, kapaw ʋ na sanɩ na.»

Ɩzayi 34:8

Bʋ̃ʋ n'ʋ vɛ̃, a Sore zie a, a san yaafʋ bibir'ʋ, a yũon ʋl a Sɩyɔ̃ gùre na sowre a samɛ a n'ʋ.

Ɩzayi 2:12

A Sore, a kpɛnʋ-za-sob, tɛr'ɩ bibir ʋ na na ìr bom za na ɩrɛ pɔ̀lʋ a ƴãw, bom za na zɛwr ʋ tʋɔra ɛ́ tɩɛrɛ k'ʋʋ zuo nɩ za a ƴãw k'ʋʋ siwri ʋ.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!

Sofoni 1:14

A Sore bibi-kpɛ̃ɛ pɩɛl'a, ʋ pɩɛl'a, ʋ páwr'a tarɛ, a ʋ vɩɛfʋ na ɩ n cɛlsɩ lawlawlaw! A gãdaar tɛɛ za na bʋɔlɛ na kɛ́ bɛ wa faa bɛ.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:5

Dã-kuolbɛ ɛ, nyɩ ìr kone, nyɩɩm divɛ̃ nyúurbɛ za a, nyɩ tuo nuru zũú kone nɩ: a divɛ̃ tɩ-wɔmɛ na bɛ ka be a, nyɩ kʋ̃ lɛm divɛ̃-paala ɩ.

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.

A Zɔb sɛbɛ 31:23

Bʋ̃ʋ n'ʋ vɛ̃ a Naaŋmɩn dɔwrʋ tɩ n'ɩ a bom na ɩrɛ mɛ̃ dɛ̃bɩ̃ɛ a, a bɛ tɩ tɛr mɛ̃ ɩb za a ʋ niŋé ɩ, ʋl na ɩ kpɛ̃ɛ bɛ pɩɛl a.

Zowɛl 1:11

A ka-kʋ́ɔrbɛ bɛ bãw lɛ n za n'a na ɩ, a divɛ̃ tɩɩr po-kʋ́ɔrbɛ kone nɩ a bɛ loba, a ble nɩ a ɔɔzʋ za sãw na, a bʋ̃-kʋ́ɔrɩ za wɛ na.

Ezekɩɛl 21:12

Bɛlɛ wa sowre fʋ, ɛ́ bʋ̃ʋ n'ʋ so fʋ kone a 'woi 'woi a, fʋ na sɔw bɛ na: ɩ̃ wõ n yel-faa na waar a. A soci-pʋra na baar'a, a nuru kʋ̃ lɛb tʋ̃ɔ́ bom za tɛr ɛ, a dume na màwr'a ŋmɩɛr taa, a nɩbɛ za kanyir na baar'a. A daar ta na! A na tu n a ƴɛrɛŋa.» À ŋá n'a a Sore Naaŋmɩn yel.

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.

Ɩzayi 65:14

A ɩ̃ tõ-tõ-biir na mɩ́ cáarɛ na, ɛ́ nʋ̃ɔ̀ paalɩ a bɛ socie! Ɛcɛ a nyɩɩm a, 'wɔbrʋ n'a na mɩ́ 'wɔbr nyɩ nyɩ cɩɩrɛ, ɛ́ a nyɩ socie paalɩ kpɩɛrʋ. Nyɩ na mɩ́ 'huore na, ɛ́ a tɩɛrʋ sãw ʋ za!

Ɩzayi 52:5

Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ.

Ɩzayi 23:1

Ƴɛ̀rʋ na ƴɛ̀r Tɩ́ɩ̀r ƴãw a. «Nyɩ ŋmɩɛr kuor cɛlsɩ, nyɩɩm gbor-bɛrɛ na mɩ́ cen tẽ-zãánɩ a, bʋ̃ʋ n'ʋ vɛ̃, a zie za sãw na, a yie bɛ cãà be ɩ.» Gbor-bɛrɛ na yi a kʋ̃ɔ-kpɛ̃ɛ-sɔgɔ-tẽw, Sɩɩpʋr, wa ta a n'a wõ a yel ŋa.

Zeremi 25:34

Nyɩ kone lãw-mʋɔlɛ, nyɩ lɔbr cɛlsɩ, nyɩɩm nɩbɛ nɩ-bɛrɛ ɛ, nyɩ bile tẽsɔw, nyɩɩm dʋn dem i. Bʋ̃ʋ n'ʋ vɛ̃, a nyɩ kɔkɛɛ ŋmab daar ta na. Nyɩ na lo na ŋmɛr mɛ̃ la-vla vla a.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 10:25

Bʋ̃ʋ n'ʋ vɛ̃, blã n'a cãà cɛ, zaa pʋrɩlɛ n'a cãà cɛ, ɛ́ a ɩ̃ suur a nyɩ ƴãw na baar'a, ʋ na baar'ɩ pelẽpelẽ.»

Ɩzayi 14:23

Ɩ̃ na ɩ na a Babɩlɔn tẽw lɩɛbɩ bà-ƴɔrɛ, zɔ̃põ kpɛb zie. Ɩ̃ na pɩɩr'ʋ na nɩ saar na pɩɩrɛ cãlãcãlã a, a Sore, a kpɛnʋ-za-sob'ʋ yere.»

Ɩzayi 34:2

A Sore nyɛ̃ nɩ nɩ a nɩ-bʋʋrɛ za suur, ʋ nyɛ nɩ nɩ bɛ za na ɓã taa a suur. Ʋ yel'a kɛ́ bɛ na kʋ bɛ na pàw pɛr, bɛ na kʋ bɛ nɩ faa faa.

Ɩzayi 47:11

Baw-bio fʋ na kʋ̃ bãw ɩ ʋ ta páw fʋ a na páw fʋ na. Yel-faa fʋ na kʋ̃ tʋ̃ɔ́ nɩɩrɩ bɛr a na lo n a fʋ zu. Zie na sãw ʋ za fʋ na bɛ bãwnɩ a na ùr'a ta b.

Ɩzayi 61:2

Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

Ezekɩɛl 13:5

Bɛ bɛ cen tɩ fɔb a dacin vɛɛ ɩ. Bɛ bɛ ŋmãa dacin viiri koli piw nyɩ tɛr a zɛbr ƴãw a Sore bibir nãà wa vɩɛ a ɩ.

Zakari 14:1

A Sore bibir pɩɛl'a, Zerizalɛm nɩbɛ ɛ, a nyɩ mimirí n'a bɛ na pṍ a nyɩ bome.

Ɩzayi 63:4

Ɩ̃ tɩ tɛr'ɩ a san-yaafʋ tɩɛrʋ, a ɩ̃ nɩ-bʋʋrɛ ya-deb yũon tɩ vɩɛ na.

Zowɛl 2:1

Nyɩ pɛblɩ wɩ́ɛ a Sɩyɔ̃ tẽw, nyɩ lɔb cɛl a Naaŋmɩn tã-sõw zu. A tẽw dem za, bɛ màwr, a Sore bibir tarɛ na, ʋ pɩɛl'a.