Ɩzayi 13:21 - A SƐB-SÕW

²¹ Ɛcɛ a nyãanyũ-gaarɩ na kpɩɛr'ɩ a be, ɛ́ a vìíri paalɩ a yie. A kʋlãdisowli na kpɩɛr'ɩ a be, ɛ́ a bʋrali ƴáwr dɩ̃ɛnɛ a be.

Ɩzayi 13:21 Referans Kwoze

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Ɩzayi 23:13

Nyɛ̃ a Kalde tẽw dem tẽw a: a nɩbɛ bɛ ŋa bɛ cãà be ɩ. A Asiiri tẽw ɩ na k'ʋ lɩɛbɩ wɛ-dʋn tẽw. A nɩbɛ tɩ mɛ n yir-cõcowli a zie piwru ƴãw, cɔbrɩ zɛbr-yir-kpɛn, ɛ́ a Asiiri tẽw wa ɩ a lɩɛbɩ deboru gã.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Zeremi 50:39

Alɛ n'a so, a nyãanyũ-gaarɩ na lãw nɩ a jɩbʋrɩ kpɩɛr a Babɩlɔn tẽw pʋɔ, a Kʋlãdisowli na kpɩɛr'ɩ a be. Nɩr kʋ̃ lɛb kpɛ a be towtow ɛ, a tẽ-kpɛ̃ɛ ŋa na gã nɩ zawla yome yome za.

Mise 1:8

A mãa Mise a, ɩ̃ na kone na ŋmɩɛr'ɩ cɛlsɩ, ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol. Ɩ̃ na ùore na mɛ̃ a gbõgbo-cili a. Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.

Sofoni 2:14

Dʋn na kpɩɛr'ɩ a tẽw sɔwlɩsɔw. Dʋ̃-bʋʋrɛ za: a vìí nɩ a vii-kpãakpul na ganɛ nɩ a ʋ kpule saa-zu a tɩ̃ɩsɔw. Bɛ na mɩ́ wone nɩ a lili kon, a yie tokori vɛɛ ƴãw. Fʋ na mɩ́ kpɩɛr'a wa báarɛ, ɛ́ nyɛ̃ a dacine na lo lo a, nɩ a sɛɛdɩr tɩɛ wɛwr na sãá sãá a.

Levitɩ mɩnɛ 11:16

a kʋlãdisowle, a vìí-kpãakpul, a zʋm-yaarɛ, a sɩl-pɛ-bʋʋrɛ bʋʋrɛ,

Ɩzayi 14:23

Ɩ̃ na ɩ na a Babɩlɔn tẽw lɩɛbɩ bà-ƴɔrɛ, zɔ̃põ kpɛb zie. Ɩ̃ na pɩɩr'ʋ na nɩ saar na pɩɩrɛ cãlãcãlã a, a Sore, a kpɛnʋ-za-sob'ʋ yere.»

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.