Ɩzayi 13:18 - A SƐB-SÕW

¹⁸ A bɛ pime tɛbr'ɩ a pɔlbili lɔbr, bɛ bɛ jɩɩrɛ a bi-pɩɩlɛ bɛrɛ ɩ, bɛ bɛ zɔrɛ a bibiir nɩbaalʋ ɛ.»

Ɩzayi 13:18 Referans Kwoze

2 Na-mɩnɛ 8:12

A Hazayɛl tɩ sowr'a: «Ɩ̃ sore e, bʋ̃ʋ n'ʋ so fʋ kone?» A Elize sɔw: «Ɩ̃ na bãw a dɔwrʋ fʋ na na dɔwrɩ a Ɩsɩrayɛl nɩbɛ a, alɛ n'a so ɩ̃ kone. Fʋ na nyɩw nɩ a bɛ zɛbr-yir-kpɛn kpɛn bɛr, fʋ na kʋ n a bɛ pɔ́lɛ́ a zɛbr zie, fʋ na ƴɛ́r'ɩ a bɛ bibi-pʋrpʋr ŋmɛr, ɛ́ wɛr a bɛ pɔw-pée.»

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Ezekɩɛl 9:10

A na ɩ à ŋá a, mãa a, ɩ̃ kʋ̃ tɛr mimi-baalʋ a bɛ ƴãw ɛ, ɩ̃ kʋ̃ zɔ nɩbaalʋ ɛ. Ɩ̃ na ɩ n a faa bɛ na maalɩ a, a lɛb lo a bɛ zu.»

Ɩzayi 13:16

Bɛ na ƴɛ́r'ɩ a bɛ bi-cãpʋrmɛ ŋmɛr a bɛ mimié, bɛ na za n a bɛ yie, ɛ́ fɛr a bɛ pɔwbɛ gã nɩ.

Nahum 3:10

Ɛcɛ bɛ mɩ̀ tɩ diw nɩ a Tɛb tẽw dem cen nɩ gbãgbaalʋ pʋɔ, tẽ-yũo. Bɛ mɩ̀ tɩ kʋ n a ʋ bibiir a sɔ-carɩ za pʋɔ. Bɛ tɩ ƴãw nɩ a ʋ nɩ-bɛrɛ za bamɛ, bɛ tɩ ŋmɛ n gbãw põ a ʋ nɩ-yée.

Nahum 2:1

Zuda tẽw dem i, nyɩ nyɛ̃ yel-nʋ̃ɔ̀ yere na be a tan zu waar a: ƴã-ɓaarʋ n'a ʋ yere! Nyɩ maalɛ a nyɩ cuwr, nyɩ ír a nɛ́ɛ nyɩ na kõ kʋ̀ a Naaŋmɩn a. A zi-sãwnɛ kʋ̃ lɛb kpɛ a nyɩ tẽw pʋɔ ɩ, a ʋ fãw baar'a.

Sɛb-sõw yielu 127:3

Nyɛ̃, a bibiir ɩ n naalʋ a Sore mɩ́ tɩr, ɛ́ a dɔwfʋ ɩ maalʋ.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Ɩzayi 47:9

A yele ayi á ŋá na ùr'a ta fʋ bibi-been yõ: a fʋ bibiir na bɛ cãà be a nɩ a pɔw-kʋɔlʋ mɩ̀. A na ta b'a, a fʋ sɔ-yele nɩ a fʋ kalibawli saa yãwmɛ tɩ gãw a.

Zeremi 5:16

A bɛ pime mɩ́ gaalɛ nɩ a kũuni bɛrɛ, bɛ za ɩ n soja-gãdaar.

Zeremi 6:23

A ʋ zɛbr-nɩbɛ zɛw nɩ tamɛ nɩ kafin-ŋmali, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a. Bɛ zɔm'ɩ wie, bɛ pɩɛr'ɩ nɩ vla vla kɛ́ bɛ zɛb'ɩ fʋ, Sɩyɔ̃ tẽw i!»

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 50:30

«Alɛ n'a so, a ʋlɩ bibir nɛ a, a ʋ soja-pɔlɛ na lo n a ʋ nɩbɛ tuor-taa ziir, ɛ́ a ʋ zɛbr-nɩbɛ kpi bɛ za.» À à ŋá n'a a Sore yel.

Zeremi 50:42

A bɛ zɛbr-nɩbɛ tɛrɩ tamɛ nɩ kafine, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ gɔmɛ a. Bɛ zɔm'ɩ wie, bɛ pɩɛrɩ na tu taa vla vla kɛ́ bɛ zɛb'ɩ fʋ, Babɩlɔn i.

Zeremi 51:22

Fʋ̃ʋ n'ʋ ɩ̃ pɔb'ɩ dɛbr nɩ pɔwbɛ tʋ̃ɔ́ pelẽpelẽ, dɛb-nyamɛ nɩ pɔlbili, dɛbli nɩ powli.