Ɩzayi 12:5 - A SƐB-SÕW

⁵ Nyɩ yiele a Sore ƴãw, bʋ̃ʋ n'ʋ vɛ̃, ʋ maal'ɩ yel-bɛrɛ. Nyɩ ɩ a tẽ-daa za bãw a!»

Ɩzayi 12:5 Referans Kwoze

Sɛb-sõw yielu 98:1

Sɛb-sõw yielu. Nyɩ yieli yiel-paala danɩ nɩ a Sore, ʋ sɩrɩ na maalɩ nɔ-ɓãa-yele. A ʋ dʋrʋ nũu nɩ a ʋ kpãkpãw-sõw n'a ʋ zɛb'ɩ tʋ̃ɔ́.

Eziptɩ tẽw yib 15:1

Lɛ n'a a Moyiir nɩ a Ɩsɩrayɛl nɩbɛ tɩ yieli a danʋ yielu ŋa a Sore ƴãw: Ɩ̃ na yiele nɩ a Sore ƴãw. Ʋ dɩ n dɛblʋ! A wie nɩ a wi-zɔmnbɛ za a, ʋ lɔb bɛ na ƴãw a kʋ̃ɔ-kpɛ̃ɛ pʋɔ.

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Ɩzayi 40:9

Zerizalɛm i, do tãw na kɛrɩ a zu, Sɩyɔ̃ i, cɩɩrɛ nɩ a fʋ fãw za. Fʋ̃ʋ na waar'ɩ yel-nʋ̃ɔ̀ a, zɛw a kɔkɔr, ta zɔrɛ dɛ̃bɩ̃ɛ ɩ. Yel a Zuda tẽw tẽ-bɛrɛ: «Nyɩ nyɛ̃ a nyɩ Naaŋmɩn!

Eziptɩ tẽw yib 15:21

A Miriyam tɩ cɛ na ƴãw bɛ à ŋá: Nyɩ yiele danɛ nɩ a Sore: ʋ dɩ n dɛblʋ, ʋ lɔb'ɩ a wie nɩ a wi-zɔmnbɛ za ƴãw a kʋ̃ɔ-kpɛ̃ɛ pʋɔ!

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Sɛb-sõw yielu 105:2

Nyɩ yiele a ʋ ƴãw, nyɩ yiele ŋmɩɛr'ɩ bʋ̃-ŋmɩɛrɩ a ʋ ƴãw, nyɩ lɛb manɩ a ʋ nɔ-ɓãa-yele za.

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Ɩzayi 24:14

A bɛlɩ dem na cɩ̃ɛ a cɩɛr'ɩ yielu, bɛ cáarɛ na yere nɩ a Sore na ɩ kpɛ̃ɛ a. Bɛ lɔbr'ɩ nʋ̃ɔ̀ cɛlsɩ à ŋá yi n a mʋ̃tɔ̃w-kpɛb-lowr ten pʋɔ waar'ɩ:

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:11

A nɩbɛ, bɛ cɛ yielu a wɛja-kpalɛ tẽ-bɛrɛ pʋɔ, a Kedaar laɩ pʋɔ! A nɩbɛ na kpɩɛr a Pìir zu a, bɛ lɔbr nʋ̃ɔ̀ cɛlsɩ, bɛ cáarɛ a tan zu!

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.