A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.
Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»
A Ana tɩ puor'a yel à ŋá: «A Sore n'ʋ so nʋ̃ɔ̀ ɩrɛ mɛ̃ yaga. A Sore n'ʋ so ɩ̃ zɛw zu, ɩ̃ na tʋ̃ɔ́ na ɩrɛ a ɩ̃ dɔ̃ dem laar. Ɩ̃ cɩlɛ na: a Naaŋmɩn sõw mɛ̃ na.
Ɩ̃ na ɩ na mamɛ kʋ̃ɔ zɔrɛ a tã-kpalɩ zu, ɛ́ kʋ̃ɔnɩ bule yire a fʋɔlɩ sɔwlɩsɔw. Ɩ̃ na ɩ na a wɛja-kpalɛ lɩɛbɩ gbãtar, ɛ́ a tẽsɔw-kõw-welwel lɩɛbɩ bul-nɛ́ɛ zie.
Zie nɛ za a bàa ŋa na tuur tɔlɛ a, bʋ̃-vʋʋrɩ za na ƴɔ̃ƴɔ̃wn a na vʋʋrɛ na. Zʋ́mɛ́ na yãwmɛ na bɛ dɩ vuo ɩ, bʋ̃ʋ n'ʋ vɛ̃, a kʋ̃ɔ á ŋá mɩ́ ɩ n a kʋ̃ɔ-kpɛ̃ɛ kʋ̃ɔ a lɩɛbɩ, ɛ́ a nyɔ-vʋʋrʋ sãá zie nɛ za a bàa na tarɛ ɛ.
