Ɩzayi 12:2 - A SƐB-SÕW

² Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 12:2 Referans Kwoze

Eziptɩ tẽw yib 15:2

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

Sɛb-sõw yielu 27:1

Daviir so ʋ. A Sore n'ɩ a ɩ̃ cãà nɩ a ɩ̃ faarɛ, ãa dɛ̃bɩ̃ɛ n'a ɩ̃ na zɔrɛ? A Sore n'ʋ gùre a ɩ̃ nyɔ-vʋʋrʋ, ãa niŋé n'a ɩ̃ na màwr?

Sɛb-sõw yielu 118:14

A Sore n'ɩ a ɩ̃ fãw, ɩ̃ yiele na danɛ nɩ ʋ, ʋlɛ n'ʋ wa ɩ a ɩ̃ faarɛ.

Yel-wula 7:10

Bɛ tɩ cɩɩrɛ nɩ kpɛ̃w za yere: «A faafʋ yi n a tɩ Naaŋmɩn na zɩ̃ a naalʋ-dà-kɔw zu a zie, nɩ a Pele zie!»

Zonasɩ 2:9

A bɛlɩ dem na zɔrɛ tuur a ŋmɩn-bɛlɛbɛlɛ a, bɛ mɩ́ zawrɛ nɩ a bɛ faafʋ bɛrɛ.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Zeremi 3:23

Yel-mɩŋa sɩza, a gɔmɛ á ŋá za na ɩrɛ a tan zu a, a maalʋ á ŋá za na maalɛ a tãli zu a, a bɛ̀lɛ nɩ a nɩbɛ. Yel-mɩŋa sɩza, a Sore tɩ Naaŋmɩn zie n'a a Ɩsɩrayɛl páwr a faafʋ.

Sɛb-sõw yielu 83:18

A bɛ yúor, ʋ sãw, dɛ̃bɩ̃ɛ, a ɩrɛ bɛ kʋralɛ! Vĩ, a nyɔw bɛ bɛ kpi!

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

A naaŋmɩn-ƴèr-manɛ Oze sɛbɛ 1:7

Ɛcɛ a Zuda yir nɩbɛ a, ɩ̃ na nɔnɛ bɛ na. A mãa Sore bɛ Naaŋmɩn, ɩ̃ na faa bɛ na, ɛ́ a bɛ faafʋ ƴãw a, ɩ̃ kʋ̃ tɛr tam nɩ zɛbr-sɔ-kpɛ̃ɛ yel-ɩra ɩ, ɩ̃ kʋ̃ tɛr zɛbr nɩ wie nɩ wi-zɔmnbɛ yel-ɩra ɩ.»

Ɩzayi 62:11

A Sore ɩ na bɛ wõ a ʋ kɔkɔr tɩ tɔ a tẽw baarʋ zie. Nyɩ yel a Sɩyɔ̃ tẽ-kpɛ̃ɛ: «A fʋ Faarɛ tarɛ na. Ʋ tɛr'ɩ a nɩbɛ ʋ na páw a lɛb waar'ɩ, ʋ lɛb'a waar'ɩ a ʋ tuo bom.»

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

1 Samɩɛl 2:1

A Ana tɩ puor'a yel à ŋá: «A Sore n'ʋ so nʋ̃ɔ̀ ɩrɛ mɛ̃ yaga. A Sore n'ʋ so ɩ̃ zɛw zu, ɩ̃ na tʋ̃ɔ́ na ɩrɛ a ɩ̃ dɔ̃ dem laar. Ɩ̃ cɩlɛ na: a Naaŋmɩn sõw mɛ̃ na.

A Zɔb sɛbɛ 13:16

Alɛ n'a na faa mɛ̃, bʋ̃ʋ n'ʋ vɛ̃, nɩ-faa bɛ àrɛ a ʋ niŋé ɩ.

Sɛb-sõw yielu 112:8

Ʋ kpɛmɛ nɩ socir, ʋ bɛ zɔrɛ bom za ɩ, ɛ́ gù ʋ wa tɩ nyɛ̃ a ʋ dɔ̃ dem vĩ.

Ɩzayi 10:24

A lɛ so, à ŋá n'a a Sore Naaŋmɩn, a kpɛnʋ-za-sob, ƴɛ̀rɛ: «Ɩ̃ nɩbɛ ɛ, nyɩɩm na kpɩɛr a Sɩyɔ̃ a, nyɩ ta zɔrɛ a Asiiri tẽw na ŋmɩɛr'ɩ nyɩ a ʋ dakpuli-ŋmãa ɛ́ mɩ́ zɛw a ʋ dabɔl a nyɩ ƴãw mɛ̃ a Eziptɩ tẽw dem a koro za a ɩ.

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 27:5

Ɛcɛ sob nɛ na na zɔ kpɛ a ɩ̃ naayir a, ʋ na ɩ na ƴã-ɓaarʋ be mãa nɩ a ʋl zie, ʋ na ɩ na ƴã-ɓaarʋ be be.»

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 65:18

Nʋ̃ɔ̀, a paalɩ nyɩ laarɩ, nyɩ cɩlɛ kʋralɛ a ʋlɩ bom nɛ ɩ̃ na na ír a ƴãw. Ɩ̃ na ɩ na a Zerizalɛm ɩ tẽ-kpɛ̃ɛ nʋ̃ɔ̀ na paalɩ a, ɛ́ a ʋ nɩbɛ ɩ nɩ-bʋʋrɛ cɩlʋ na tɛr a.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Habakukɩ 3:18

Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

2 Samɩɛl 7:24

Fʋ ɩ na bɛ lɩɛbɩ a fʋ nɩ-bʋʋrɛ kʋralɛ, ɛ́ fʋ̃ʋ, Sore e, fʋ lɩɛb'ɩ a bɛ Naaŋmɩn.

Sɛb-sõw yielu 65:6

Naaŋmɩn tɩ Faarɛ ɛ, fʋ ŋmɛ̃ n fʋ ŋmɛ̃a, fʋ mɩ́ maal'ɩ nɔ-ɓãa-yele sɔw nɩ tɩ, fʋ̃ʋ a tẽw baarʋ zie nɩbɛ, nɩ a kʋ̃ɔ-kpɛ̃ɛ-sɔgɔ-ten na zãá a nɩbɛ na tɩɛrɛ a.

Sɛb-sõw yielu 68:20

A Sore tɛr'ɩ puoru bibir za. A Naaŋmɩn tɩ Faarɛ kaarɛ nɩ tɩ zie. Tɛw-àrʋ

Sɛb-sõw yielu 68:21

A Naaŋmɩn ɩ n Naaŋmɩn na faarɛ tɩ a. A Sore Naaŋmɩn zũú n'a tɩ na tʋ̃ɔ́ cɩ̃ɛ.

Sɛb-sõw yielu 118:21

Ɩ̃ na puore fʋ nɩ yãanɩ, Sore e, fʋ na sɔw mɛ̃, ɛ́ faa mɛ̃ a ƴãw.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 38:20

Sore e, fʋ faa mɛ̃ na. Tɩ na ŋmɛ n a tɩ bʋ̃-ŋmɩɛrɩ a tɩ nyɔ-vʋʋrʋ bibi-vɩɛrɩ za, a fʋ yir pʋɔ, Sore e.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?