Ɩzayi 11:5 - A SƐB-SÕW

⁵ A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Ɩzayi 11:5 Referans Kwoze

Efɛɛzɩ 6:14

A na ɩ lɛ a, nyɩ ìr cɔbrɩ gù: nyɩ de a yel-mɩŋa sɛ sɩɛmɩ́ mɛ̃ kpàwr a, ɛ́ su a mɩnʋ mɛ̃ zɛbr-nyãa-kpale a.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

Ɩzayi 59:17

Ʋ su n a mɩnʋ mɛ̃ zɛbr-nyãa-kpale a, ʋ vɔbl'ɩ a faafʋ kpawɔ-kpow a ʋ zũú. Ʋ su n a san-yaafʋ kparʋ. A tʋlʋ ʋ na tʋlɛ a zɛbr ƴãw a n'ɩ a kpar-kpɛ̃ɛ ʋ na vaarɩ pàw ʋ tʋɔra a.

Ɩzayi 25:1

Sore e, fʋ̃ʋ n'ɩ a ɩ̃ Naaŋmɩn, ɩ̃ zɛwr fʋ na ɛ́ íre a fʋ yúor. Bʋ̃ʋ n'ʋ vɛ̃, fʋ maal'ɩ a yel-vɩɛlɩ fʋ na tɩɛrɩ a. Koro za n'a fʋ tɩɛrɩ a, a gã na ɛ́ bɛ lɩɛbɛ ɩ.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 1:13

Nɩr kãw tɩ àr'ɩ a fɩ̃tɩlɩ sɔgɔ, ɩ mɛ̃ nɩsaal bie a. Ʋ tɩ su n kparʋ ʋ siw tɩ tɔ a gbɛ́ɛ, ʋʋ ŋmãa nɩ salm-zɩɛ kpàwr a nyãa zu.

1 Pɩɛr 4:1

A na ɩ à ŋá a Kɩrɩta wõ a tuo a ʋ ƴã-gan pʋɔ a, a nyɩɩm mɩ̀, nyɩ tɛr a tɩɛrʋ ŋa kpɛ̃w za mɛ̃ zɛbr bom a: nɩr na wõ tuo a ʋ ƴã-gan pʋɔ a, ʋ ír'ɩ nũu a yel-bier pʋɔ,

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Sɛb-sõw yielu 93:1

A Sore ɩ n nãà, ʋ dɩrɛ nɩ dɛpaalʋ. A ʋ kpɛnʋ pili na pàw ʋ mɛ̃ kpar-vla vla a, a tẽ-daa kpɛmɛ na àr, ʋ bɛ dam damnʋ ɛ.

Sɛb-sõw yielu 109:19

Ʋ pàw ʋ mɛ̃ kparʋ a, ʋ ɩ mɛ̃ kpàwr ʋ na sɛ kʋralɛ a!»

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Zakari 8:16

Nyɩ nyɛ̃ a lɛ a na fɛr kɛ́ nyɩ ɩrɛ a: Nyɩ yere a yel-mɩŋa kʋ̀rɛ taa. A nyɩ ƴɛ̀rʋ-dɩb ziir a, nyɩ mɩ́ dɩ a ƴɛ̀rʋ a tu yel-mɩŋa, ɛ́ wa n ƴã-ɓaarʋ!

Sɛb-sõw yielu 45:4

Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́, a fʋ vɩɛlʋ nɩ a fʋ dɛpaalʋ bãwfʋ n'ʋ,

Sɛb-sõw yielu 89:9

Sore Naaŋmɩn Kpɛnʋ-za-sob i, ãa n'ʋ ŋmɛ̃ mɛ̃ a fʋ̃ʋ a? Fãw nɩ fʋ na ŋmɛ̃ fʋ ŋmɛ̃a a viir'a koli fʋ.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.