Ɩzayi 11:2 - A SƐB-SÕW

² A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ.

Ɩzayi 11:2 Referans Kwoze

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

2 Timote 1:7

Bʋ̃ʋ n'ʋ vɛ̃, dɛ̃bɩ̃ɛ vʋʋrʋ bɛ n'ʋ a Naaŋmɩn kʋ̀ tɩ ɛ, fãw nɩ nɔ̃wfʋ nɩ tʋɔra-nyɔwfʋ vʋʋrʋ n'ʋ.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Matie 3:16

A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Zã 14:17

A yel-mɩŋa Vʋʋrʋ n'ʋ, a ʋl a tẽ-daa na kʋ̃ tʋ̃ɔ́ sàw de a, ʋ na bɛ mɩ́ nyɛ̃ ʋ, ɛ́ mɩ̀ bɛ bãw ʋ a ƴãw. Nyɩɩm bãw ʋ na, ʋ na kpɩɛr a nyɩ zie ɛ́ be a nyɩ pʋɔ a.

Ɩzayi 48:16

Nyɩ taw pɩɛlɩ mɛ̃ bɛr wõ: a pɛr-tib daar za a, ɩ̃ bɛ dãw sɔwlɩ ƴɛ̀r ɛ. A daar ʋl a yele á ŋá na ɩ a, ɩ̃ tɩ be n be. — Ɛ́ ƴɛrɛŋa a, a Sore Naaŋmɩn n'ʋ tone mɛ̃ ɛ́ kʋ̀rɛ mɛ̃ a ʋ Vʋʋrʋ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Wulu-ayi-sob 34:9

Yã-bãwfʋ vʋʋrʋ tɩ paal'ɩ a Nun bidɛb Zozue, a Moyiir na tɩ ír nuru dɔwlɩ a ʋ zu a ƴãw. A Ɩsɩrayɛl nɩbɛ tɩ wone nɩ a ʋ ƴɛ̀rʋ, tuur a lɛ a Sore na tɩ ƴãw a Moyiir yel a.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Zã 15:26

Ɩ̃ na kʋ̀ nyɩ nɩ Gùre na na yi a ɩ̃ Sãà zie a. Ʋlɛ n'ɩ a yel-mɩŋa Vʋʋrʋ na yi a ɩ̃ Sãà zie a. Ʋlɛ wa wa a, ʋl mɩŋa na dɩ n a ɩ̃ dãsɩɛ.

Yel-wula 1:4

Mãa Zã, mãa n'ʋ puore a Lãw-yie ayopõi na be a Azi tẽw vuo pʋɔ a nɩbɛ: a Naaŋmɩn na be, dãw be ɛ́ waar a, ʋ kʋ̀ nyɩ a maalʋ nɩ a ƴã-ɓaarʋ. A vʋʋrʋ ayopõi na be a ʋ naalʋ-dà-kɔw niŋé a, a kʋ̀ nyɩ a maalʋ nɩ a ƴã-ɓaarʋ.

Eziptɩ tẽw yib 28:3

A lɛ pʋɔ a, fʋ na ƴɛ̀r'ɩ a nuru-tõ-tonbɛ za ɩ̃ na kʋ̀ bãwfʋ yaga a zie, ɛ́ bɛ na sɛ n a kparɩ a Aarɔ̃ na na su a ʋ nũu-ka-ƴãwfʋ daar, nɩ a lɛn daar ʋ nãà mɩ́ wa tone a ʋ bàwr-maalɛ tome a.

Sɛb-sõw yielu 72:2

Ʋ mɩ́ dɩ a ƴɛ̀rʋ nɩ mɩnʋ kʋ̀ a fʋ nɩ-bʋʋrɛ, ʋ mɩ́ dɩ a ƴɛ̀rʋ kʋ̀ a fʋ bãbàalbɛ a tu sɔ́r.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Ɩzayi 28:6

Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.

Ɩzayi 32:15

Bibir kãw, a Sore na cir'ɩ a ʋ Vʋʋrʋ ƴãw a tɩ zu. Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

2 Samɩɛl 23:3

A Ɩsɩrayɛl Naaŋmɩn ƴɛ̀r'a, a Sob nɛ na piw a Ɩsɩrayɛl tɛr a yel mɛ̃ na: «A nãà ʋl na kaarɛ a nɩbɛ nɩ mɩnʋ, ɛ́ sàwr a Naaŋmɩn nʋɔr a ʋ nɩbɛ kaafʋ pʋɔ a,