Ɩzayi 11:15 - A SƐB-SÕW

¹⁵ A Sore na ɩ na a Eziptɩ tẽw kʋ̃ɔ-kpɛ̃ɛ gbɛ́r kò. Ʋ na vɛlɩ nɩ nũu cɔw a Efaratɩ man. A ʋ pɩɛlʋ fãw na ɩ na ʋ bʋ́r ɩ bà-gbɛ́ɛ ayopõi, bɛ na na tʋ̃ɔ́ mɩ́ ƴãw nafawr-ɓɛwlɩkɛl gãw nɩ a.

Ɩzayi 11:15 Referans Kwoze

Zakari 10:11

Bɛ na lo na gãw a Kpɩɛrʋ kʋ̃ɔ-kpɛ̃ɛ, a mãa, a Sore, ɩ̃ na ŋmɛ n a kʋ̃ɔ-mie siwri, a Nɩl bà-dĩo tɔr za na ko na. A Asiiri na ɩrɛ pɔ̀lʋ a na lo na, ɛ́ a Eziptɩ naalʋ-dɩb za na baar'a.

Yel-wula 16:12

A malkɩ ayʋɔb sob tɩ cir'ɩ a ʋ dem ƴãw a Efaratɩ man-kpɛ̃ɛ pʋɔ. A kʋ̃ɔ tɩ sɩr a, puo sɔ́r kʋ̀ a na-mɩnɛ na tɩ yi a saa-pɛrɩ́ waar a.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Ɩzayi 19:16

Bibir kãw, a Eziptɩ tẽw dem na ɩ na mɛ̃ pɔwbɛ a. Dɛ̃bɩ̃ɛ na mɩ́ ɩrɛ bɛ na bɛ màwr, a lɛn daar a Sore, a kpɛnʋ-za-sob, nãà mɩ́ wa zɛw a nũu a bɛ ƴãw a.

Ezekɩɛl 30:12

Ɩ̃ na ɩ n a Nɩl bà-gbɛ́ɛ a sɩr, ɩ̃ɩ ƴãw a tẽw po-to-dem nuru pʋɔ. Ɩ̃ na ƴãw na nɩ-sãanbɛ sãw a tẽw nɩ a ʋ tɛra za bɛr. A mãa Sore Naaŋmɩn n'ʋ yel.

Ezekɩɛl 29:10

À á ŋá ƴãw a, ɩ̃ na ìr'ɩ fʋ̃ʋ nɩ a fʋ man ƴãw. Ɩ̃ na sãw nɩ a Eziptɩ tẽw bɛr, ɩ̃ na ɩ na ʋ ɩ wɛja-kpalɛ na tĩ a Migɩdɔl tẽ-kpɛ̃ɛ a saa-pɛrɩ́-gʋba-lowr tɩ tɔ a Asuã tẽ-kpɛ̃ɛ nɩ a Etiopi tʋr-bɔw a saa-pɛrɩ́-dʋrʋ-lowr a.

Ɩzayi 7:20

A ʋlɩ bibir a, a Sore na ya n bʋra ʋ na na tõ n ɛ́ lɛb tɩr a Efaratɩ man gãwn a —a Asiiri tẽw nãà n'ʋ—, ʋ na fɔr'ɩ nɩ a nyɩ zuru, ɛ́ põ a nyɩ ƴã-gamɛ kɔblʋ za, tɩ lãwnɩ a nyɩ tɩ̃ɛmɛ.

Eziptɩ tẽw yib 14:21

A Moyiir tɩ dɔl'ɩ a nũu a kʋ̃ɔ-kpɛ̃ɛ zu. Lɛ n'a a Sore tɩ ɩ saa-pɛrɩ́ sɛsɛb fu n fãw, da a kʋ̃ɔ-kpɛ̃ɛ kʋ̃ɔ cen nɩ, ɛ́ bɛr ʋ ʋ ko gã. A kʋ̃ɔnɩ tɩ bʋ́r'ɩ ziir ayi,

Eziptɩ tẽw yib 14:29

Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon: a kʋ̃ɔ tɩ ɩ na mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Ɩzayi 8:7

A lɛ n'a so ɩ̃ na ɩ a Efaratɩ man kʋ̃ɔ na yãwmɛ ɛ́ darɛ taa nɩ fãw a, a do wa páw bɛ, —a Asiiri tẽw nãà nɩ a ʋ fãw-kpɛ̃ɛ—. A Efaratɩ man na paal'ɩ a ʋ bà-dĩo a ziir za, paalɩ tɩ yi nɛ́ɛ.

Ɩzayi 43:16

À ŋá n'a a Sore yere, ʋl na tɩ puo sɔ́r a kʋ̃ɔ-kpɛ̃ɛ pʋɔ a, na tɩ ƴãw tɔlʋ zie a kʋ̃ɔ na damnɛ nɩ fãw a pʋɔ a.

Ɩzayi 44:27

Ɩ̃ yere nɩ a kʋ̃ɔ-kpɛ̃ɛ na zulme a: “Ko gã, ɩ̃ na ɩ n a fʋ mamɛ a sɩr”.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 63:12

A cenu daar a, ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w. Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé, k'ʋʋ tʋ̃ɔ́ páw yúor na be kʋralɛ a.

Eziptɩ tẽw yib 14:22

ɛ́ a Ɩsɩrayɛl nɩbɛ gãw a kʋ̃ɔ-kpɛ̃ɛ nɩ gbɛ-kon, a kʋ̃ɔ ɩ mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.