Ɩzayi 11:14 - A SƐB-SÕW

¹⁴ Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

Ɩzayi 11:14 Referans Kwoze

Zeremi 49:28

À ŋá n'a a Sore yere a Kedaar tẽw, nɩ a Hasɔɔr naalʋ-ten a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ a, ƴãw: «Nyɩ ìr! Nyɩ cen tɩ zɛb'ɩ a Kedaar tẽw! Nyɩ sãw bom za bɛr a wɛja-kpalɛ nɩbɛ zie!

Ɩzayi 25:10

A Sore nũu na ɩ nũ-vla a na gù n a tãw ŋa.» Ɛcɛ bɛ ƴɛ́r'ɩ a Mowab ŋmɛr bɛr ʋ gã, mɛ̃ mɔ̃-kon bɛ na nɛb kʋ̀rkʋr pʋɔrʋ bɔw pʋɔ a.

Amɔsɩ 9:12

Lɛ n'a a Ɩsɩrayɛl nɩbɛ na so a Edɔm tẽw na cɛ a, nɩ a nɩ-bʋʋr-yoru ten al za ɩ̃ na so a. A Sore n'ʋ yere à à ŋá, ʋl na na tu à à ŋá ʋ na yel a.»

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Sofoni 2:5

Baw-bio dem n'ɩ nyɩ, nyɩɩm na yi a Kafɩtɔɔr wa a, nyɩɩm na kpɩɛr a kʋ̃ɔ-kpɛ̃ɛ nʋɔr a! A Sore ƴɛ̀rɛ nɩ ƴɛ̀rʋ ŋa cáarɛ nɩ nyɩ: «Kanãa, Filisɩtɛ̃ mɩnɛ tẽw i, ɩ̃ na sãw fʋ na bɛr, fʋ kʋ̃ cãà tɛr nɩbɛ ɩ.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Ɩzayi 16:14

Ɛcɛ ƴɛrɛŋa a, a Sore yere na: «Ka nɩ yome ata gbàgbàgbà, a Mowab nɩ-yée nɩ a ʋ zu-sɛbla na bɛ dɩ vuo a kʋ̃ cãà saalɩ ɛ. A bɛl na na cɛ a na ɩ n zaa pʋrɩ, bɛ kʋ̃ cãà tɛr pɛr ɛ.»

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Ɩzayi 14:29

Nyɩɩm, Filisɩtɛ̃ mɩnɛ za a, nyɩ ta cɩlɛ a dabɔl na tɩ ŋmɩɛr nyɩ a na kar a ƴãw ɛ. Bʋ̃ʋ n'ʋ vɛ̃, dɔpan na yi n a wa-kũu pʋɔ, ɛ́ wa-bɩɛ, na mɩ́ ƴaw a, yi a dɔpan pʋɔ.

Ɩzayi 15:1

Ƴɛ̀rʋ na ƴɛ̀r a Mowab tẽw ƴãw a. A Aar-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ. A Kɩɩr-Mowab tẽw sãw nɩ ʋ za tɩ̃ɩsɔw-been, damnʋ za bɛ cãà damnɛ a ʋ pʋɔ ɛ.

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Zeremi 40:11

Lɛ mɩ̀ n'a, a Zuda tẽw nɩbɛ na tɩ be a Mowab, a Amɔ̃, a Edɔm ten pʋɔ nɩ a ziir za a, tɩ wõ na k'aa Babɩlɔn tẽw nãà tɩ bɛr'ɩ nɩbɛ ŋmãa a Zuda tẽw, ɛ́ ƴãw Ahikam bidɛb, Gedalɩasɩ, na ɩ Safan yãw a, ʋ kaarɛ a bɛ zie.

Zeremi 48:40

À ŋá n'a a Sore yere: «A ɩ na mɛ̃ sidum yɛ̀r'ɩ a ʋ pɩgɛ laarɛ nɩ a Mowab tẽw zu-sɔw a.»

Zeremi 49:22

A dɔ̃ sob ɩ na mɛ̃ sidum na ƴaw do saa, ɛ́ tɩ yɛ́r a ʋ pɩgɛ laarɛ nɩ a Bɔsɩra tẽw zu-sɔw a. A ʋlɩ bibir nɛ a, a Edɔm tẽw zɛbr-nɩbɛ bɛl na kpɛ socir a, na tɛr'ɩ dɛ̃bɩ̃ɛ, mɛ̃ pɔw na dɔwr a.

Ezekɩɛl 25:14

Ɩ̃ na bɛr'ɩ a ɩ̃ nɩ-bʋʋrɛ Ɩsɩrayɛl bɛ yáa a ɩ̃ san a Edɔm tẽw dem zie. A Ɩsɩrayɛl nɩbɛ na ɩ bɛ na mɛ̃ a lɛ a ɩ̃ su-tʋlʋ kpãkpã na bɔbr a. Lɛ n'a bɛ na bãw kɛ́ a ɩ-sãw-mɛ̃ 'wɔbr'a. A mãa Sore Naaŋmɩn n'ʋ yere.»

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Sofoni 2:9

A na ɩ à ŋá a, mãa bɛ wa be a n'a, alɛ bɛ ɩ lɛ, ɩ̃ yere na, a mãa, a tẽ-daa za Sore, a Ɩsɩrayɛl Naaŋmɩn: a Mowab nɩ a Amɔ̃ ten na sãw nɩ a za, mɛ̃ a Sodɔm nɩ a Gomɔɔr ten a. A bɛ zie nɩr za na kʋ̃ cãà kpɩɛr a, na ɩ n gʋʋr nɩ nyaarʋ bɔwrɩ tɛwr. A ɩ̃ nɩbɛ na cɛ a na wa na wa fa bɛ, ɛ́ de a bɛ tẽw.»

Ƴɛ̀r-dɩrbɛ 6:3

Kʋrakʋralɛ, a Ɩsɩrayɛl nɩbɛ na mɩ́ tɩ bʋ̀r a bɛ póru a, a Madian tẽw dem nɩ a Amalesitɩ mɩnɛ nɩ a Saa-pɛrɩ́ nɩ-yʋɔrɩ bɛ mɩnɛ kãw mɩ́ tɩ wa na wa ŋmãa nɩ bɛ a zɛbr.

Zeremi 49:2

Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.