Ɩzayi 11:12 - A SƐB-SÕW

¹² Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Ɩzayi 11:12 Referans Kwoze

Sofoni 3:10

A ɩ̃ puor-puorbɛ na yaarɩ be a ten za pʋɔ a na mɩ́ yi n zie na zãá zuo a Etiopi mamɛ a, ɛ́ wa n a bɛ de-kʋ̀b bome wa kʋ̀ m.»

Ɩzayi 56:8

A Sore Naaŋmɩn yere na, ʋl na ɓã a Ɩsɩrayɛl nɩbɛ bɛ na diw cen nɩ a taa a: «Ɩ̃ ɓã n nɩbɛ taa baarɩ bɛ viiri koli bɛ, ɛ́ na lɛb ɓã bɛ mɩnɛ taa lãwnɩ bɛ.»

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Sɛb-sõw yielu 68:22

Ɛcɛ Naaŋmɩn na ŋmɛr'ɩ a ʋ dɔ̃ dem zuru, ʋ na ŋmɛr'ɩ a zukɔbr-zãkʋrmɛ dem zuŋmamɛ, bɛl na nɔnɛ a ɩ-faar a.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

Zã 7:35

A Zifʋ mɩnɛ tɩ sowre nɩ taa: «Nyɩnɛ n'a ʋ pãa na cen ɛ̀ tɩ bɔ ʋ gù a? Ʋ na cen na tɩ páw a Zifʋ mɩnɛ bɛl na zɔ yaarɩ be a Gɩrɛkɩ bʋʋrɛ pʋɔ a bɩɩ? Ʋ na cen na tɩ wule a Gɩrɛkɩ mɩnɛ bɩɩ?

Ɩzayi 62:10

Zerizalɛm tẽw dem i, nyɩ yi, nyɩ yi a tẽ-kpɛ̃ɛ pʋɔ fɔ̃w! Nyɩ puo a sɔ́r kʋ̀ a ɩ̃ nɩ-bʋʋrɛ. Nyɩ paalɩ a bɔwrɩ, nyɩ ír a kʋsɛbɛ bɛr, nyɩ bà bãwfʋ ʋ zɛw a nɩ-bʋʋrɛ ƴãw.

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Ɩzayi 18:3

Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

Wulu-ayi-sob 32:26

Ɩ̃ tɩ yel'a k'ɩ̃ɩ na kʋ bɛ na pàw pɛr, ɛ́ ɩ nɩr za ta cãà tɛr bɛ tɩɛrʋ a tẽw zu ɛ.

Yel-wula 7:1

À á ŋá pùorí, ɩ̃ tɩ nyɛ̃ nɩ malkɩ anaar bɛ àr a tẽw gõgone anaar ƴãw. Bɛ tɩ nyɔw nɩ a tẽw sɛsɛbr anaar tɛr, kɛ́ sɛsɛb za taa fure a tẽw zu, a kʋ̃ɔ-kpɛ̃ɛ zu nɩ tɩɛ kãw za zu ɛ.

Sɛb-sõw yielu 60:4

Fʋ dam'ɩ a tẽw, fʋ ɩ na k'ʋ pur pur, sanɩ a ʋ natɩɛ, ʋ bɛ cãà laar ɛ.

Sɛb-sõw yielu 107:3

a bɛl ʋ na lɛb tɛr a ten za pʋɔ wa ɓã taa a, a saa-pɛrɩ́ nɩ a mʋ̃tɔ̃w-kpɛb-lowr, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr a.

Ɩzayi 24:16

Tɩ wone yielu ŋa na yire a tẽw baarʋ zie a: «A Naaŋmɩn na ɩ mɩŋa sob a so yúor-vɩɛlʋ-danʋ!» Ɛcɛ mãa yere na: «Ɩ̃ wɛ na, ɩ̃ wɛ na! Baw-bio páw mɛ̃ na!» A mɩlmɩlbɛ mɩl'a. Mɩlʋ wɛ! A mɩlmɩlbɛ mɩlɛ na.

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 60:4

Dʋɔ a zu a ziir za ɛ́ nyɛ̃: bɛ za ɓanɛ nɩ taa, bɛ waar'ɩ a fʋ zie. A fʋ bidɛbr yi n zi-zãána tarɛ, ɛ́ nɩbɛ pɛ̀w pɛ̀w a fʋ pɔwyaar.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»

Zeremi 50:4

A Sore yere na: a lɛn daar a, a Ɩsɩrayɛl nɩbɛ nɩ a Zuda nɩbɛ na lãw na waar, bɛ na kone na cere nɩ, bɔbr'ɩ mɛ̃, a mãa, bɛ Naaŋmɩn.

Ezekɩɛl 28:25

A mãa Sore Naaŋmɩn yere na: Ɩ̃ na ɩ n a Ɩsɩrayɛl nɩbɛ bɛ yi a nɩ-bʋʋrɛ bɛl sɔgɔ ɩ̃ na diw bɛ yaarɩ a, lɛb wa ɓã taa, ɛ́ à à ŋá n'a ɩ̃ na wul a nɩ-bʋʋrɛ bɛl na cɛ a, kɛ́ mãa n'ɩ a Naaŋmɩn na ɩ sõw a. A Ɩsɩrayɛl nɩbɛ na kpɩɛr'ɩ a bɛ tẽw, a ʋl ɩ̃ na kʋ̀ a ɩ̃ tõ-tõ-bie Zakɔb a.

Zeremi 51:12

Nyɩ zɛw a dɩrapo a zɛbr tib ƴãw, a Babɩlɔn tẽw dacĩ-bɛrɛ ŋmɛr bɛ́rʋ ƴãw. Nyɩ ɩ a sojarɩ yãwmɛ dɔwlɩ, a ziir bɛ na gùre a pʋɔ. Nyɩ ƴãw zi-piwrbɛ! Nyɩ sɔwlɩ nɩbɛ a zɛbr ƴãw! À à ŋá n'a a Sore maalɛ a lɛ ʋ na tɩɛrɩ bin a, a ʋlɩ bom nɛ ʋ na yel a Babɩlɔn tẽw dem ƴãw a.

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

Zakari 8:7

Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.