Ɩzayi 11:11 - A SƐB-SÕW

¹¹ A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 11:11 Referans Kwoze

Mise 7:12

A ʋlɩ bibir nɛ a, a nyɩ tẽ-bi-taabɛ na be a voru á ŋá pʋɔ a: Asiiri tɩ tɔ a Eziptɩ, Eziptɩ tɩ tɔ Efaratɩ man, kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw, bɛ na yi n a be lɛb wa a nyɩ zie.

Ʋrɔm 11:26

Ɛ́ à à ŋá n'a a Ɩsɩrayɛl nɩbɛ za na nyɛ̃ a faafʋ, mɛ̃ à ŋá a Sɛb-sõw na yere a: «Sɩyɔ̃ tẽw n'a a Faarɛ na yi wa, ʋ na ɩ na a Naaŋmɩn bɛ-ƴãwfʋ ɩ-ɩrɩ baarɩ a Zakɔb bʋʋrɛ zie.

Ɩzayi 10:20

A ʋlɩ bibir nɛ a, a Ɩsɩrayɛl nɩbɛ na cɛ a, a Zakɔb nɩbɛ bɛl na cɩ̃ɛ a, kʋ̃ cãà bɔbr tɩɛrɛ a sob nɛ na ŋmɩɛr bɛ a zie ɩ. A Sore, a Ɩsɩrayɛl Naaŋmɩn na ɩ sõw a n'ʋ, bɛ na sɩrɩ de, ʋ ɩ a bɛ tɩɛrɛ.

A naaŋmɩn-ƴèr-manɛ Oze sɛbɛ 11:11

Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Ɩzayi 24:15

«Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ɩzayi 10:9

Ɩ̃ bɛ ɩ a Kalno tẽ-kpɛ̃ɛ mɛ̃ a lɛ ɩ̃ na ɩ a Karkemisɩ tẽ-kpɛ̃ɛ a ɩ? Ɩ̃ bɛ ɩ a Hamatɩ tẽ-kpɛ̃ɛ mɛ̃ a lɛ ɩ̃ na ɩ a Arpadɩ tẽ-kpɛ̃ɛ a ɩ? Ɩ a Samaari mɛ̃ a lɛ ɩ̃ na ɩ a Damasɩ a ɩ?

Yele-za-pɛr-tib 11:2

Zɩ̃ k'aa nɩsaalbɛ na tɩ cere a saa-pɛrɩ́ lowr a, bɛ tɩ nyɛ̃ nɩ zi-tɩ̃tal Mezopotami tẽw, zɩ̃ a be.

Yele-za-pɛr-tib 10:22

Sɛ́m bidɛbr'ɩ bɛ ŋa: Elam, Asuur, Arpakisadɩ, Ludɩ nɩ Aram.

Yele-za-pɛr-tib 10:10

A ʋ naalʋ-tẽw tẽ-bɛrɛ n'ɩ á ŋá: Babɛl, Ɛrɛkɩ, Akadɩ nɩ Kaline na be a Mezopotami tẽw a.

2 Korɛ̃tɩ 3:16

A fʋ na lɩɛbɩ a fʋ ɩb tu a Sore a pʋɔ n'a bɛ mɩ́ ír a pɛn ŋa bɛr.

Ʋrɔm 11:15

A bɛ vɩrɩ-bɛrʋ wa ɩ a Naaŋmɩn nɩ a tẽ-daa lɛb kpɛ taa a, a pãa na ŋmɛ̃ n ŋmɩn a lɛn daar ʋ nãà wa lɛb de bɛ a? A na sɩrɩ na ɩ kũu pʋɔ bɛ na yi kpɛ nyɔ-vʋʋrʋ pʋɔ a!

Zakari 9:2

Ʋ mɩ̀ ƴɛ̀rɛ nɩ a Hamatɩ tẽw zie na pɩɛlɩ a Damasɩ tẽw a, nɩ a Tɩ́ɩ̀r nɩ a Sɩdɔ̃ tẽ-bɛrɛ na bãw tome yaga za a.

Zakari 5:11

Ʋ sɔw: «Mezopotami vuo pʋɔ n'a. Bɛ na tɩ ŋmãa nɩ ŋmɩn-yir kʋ̀ ʋ a be, ɛ́ mɛ kpul dɔwlɩ ʋ.»

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Ezekɩɛl 30:14

Ɩ̃ na sãw nɩ a Eziptɩ tẽw saa-pɛrɩ́-dʋrʋ-lowr bɛr, ɩ̃ na nyɩw nɩ a Tanisɩ tẽ-kpɛ̃ɛ bɛr, ɛ́ ɩ a lɛ ɩ̃ na dɩ a ƴɛ̀rʋ yel a, a Tɛb tẽ-kpɛ̃ɛ ƴãw.

Ezekɩɛl 27:6

Bɛ cɛ n Basan tẽw sɛn tɩɩr kɛ́ bɛ maal'ɩ a fʋ vue. Bɛ maal'ɩ a fʋ gàr nɩ sɛɛdɩr tɩɩr na yi Gɩrɛkɩ mɩnɛ kʋ̃ɔ-kpɛ̃ɛ-sɔgɔ-ten, ɛ́ bɛ ƴãw wɔb nyɩmɛ pɩ̃ɛmɛ a.

Zeremi 49:23

Ƴɛ̀rʋ na ƴɛ̀r càar'ɩ a Damasɩ tẽw a. «Vĩ nyɔw nɩ a Hamatɩ nɩ a Arpadɩ ten, bʋ̃ʋ n'ʋ vɛ̃, a wõ n yel na bɛ vɩɛl a. A yel ŋa damnɛ a na mɛ̃ a kʋ̃ɔ-kpɛ̃ɛ na damnɛ ɛ́ kʋ̃ tʋ̃ɔ́ gã zoom a.

Zeremi 44:1

A Sore tɩ ƴɛ̀r'ɩ a Zeremi zie. A ƴɛ̀rʋ tɩ càar'ɩ a Zuda nɩbɛ za na tɩ kpɩɛr a Eziptɩ tẽw, a Migɩdɔl, a Dafine, a Mɛmfisɩ tẽ-bɛrɛ pʋɔ, nɩ a Patʋrɔsɩ vuo pʋɔ a. A Zeremi tɩ yel bɛ na:

Zeremi 31:10

Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 25:25

- a Zimiri nɩ Elam ten na-mɩnɛ za, nɩ a Mɛdɩ mɩnɛ na-mɩnɛ za,

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 42:12

A nɩ-bʋʋrɛ na zãá a, bɛ manɛ a Sore yúor-vɩɛlʋ-danʋ, bɛ yiele kpɛ̃w kpɛ̃w za danɛ nɩ ʋ!

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 11:16

Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.

Sɛb-sõw yielu 68:22

Ɛcɛ Naaŋmɩn na ŋmɛr'ɩ a ʋ dɔ̃ dem zuru, ʋ na ŋmɛr'ɩ a zukɔbr-zãkʋrmɛ dem zuŋmamɛ, bɛl na nɔnɛ a ɩ-faar a.

Yele-za-pɛr-tib 14:1

A ʋlɩ daar nɛ, Mezopotami nãà Amirafɛl, Elasaar nãà Ariyɔkɩ, Elam nãà Kedoor-Lawomɛɛr nɩ Goyim nãà Tidal

Ɩzayi 1:9

A Sore, a kpɛnʋ-za-sob, bɛ tɩ bɛr tɩ nɩbɛ blã bɛ cɩ̃ɛ a, tɩ nãà ɩ na mɛ̃ a Sodɔm tẽ-kpɛ̃ɛ a, tɩ nãà ŋmɛ̃ na taa nɩ Gomɔɔr.

Ɩzayi 19:21

A Sore na ɩ na a Eziptɩ tẽw dem bãw ʋ, ɛ́ a ʋlɩ bibir nɛ a, a Eziptɩ tẽw dem na bãw nɩ a Sore. Bɛ na tɛr'ɩ a bàwr-maal-tome nɩ a de-kʋ̀b bome tome a ʋ zie. Bɛ na kone nɩ nɛ́ɛ a Sore zie ɛ́ íre a.

Ɩzayi 19:22

A Sore na ŋmɛ n a Eziptɩ tẽw dem, ʋ na ŋmɛ bɛ na, ɛcɛ ʋ na sanɩ bɛ na. Bɛ na lɛb'a wa a Sore zie, ʋʋ na bɛr'a wõ a bɛ zɛlʋ ɛ́ sanɩ bɛ.

Ɩzayi 37:31

A Zuda naalʋ-tẽw nɩbɛ bɛl na na cãà vʋʋrɛ a, na lɛb'a ɩ mɛ̃ tɩɛ na tɛ nyɩgɛ kpɛ tẽw ɛ́ a wuli tɛr wɔmɛ a.

Ezekɩɛl 29:14

Ɩ̃ na ɩ n a gaso-biir lɛb wa, ɩ̃ na ɩ na bɛ lɛb wa a Eziptɩ tẽw saa-pɛrɩ́-dʋrʋ-lowr, a bɛ tẽ-dɔwra pʋɔ. A be a, bɛ na ɩ n naalʋ-tẽ-cãpile

Ezekɩɛl 32:24

A Elam tẽw nãà be n ka nɩ a ʋ zɛbr-nɩbɛ. A ʋ sojarɩ yarʋ viir'a koli ʋ. Bɛ kʋ n bɛ za a zɛbr zie. A yɔ-ɓile dem bɛ ŋa na tɩ ɩrɛ a nɩ-vʋʋrɩ tẽw màwr dɛ̃bɩ̃-mawfʋ a, bɛ siw nɩ a tẽsɔw pʋ̃ɔmɩ. Ƴɛrɛŋa a, vĩ nyɔw bɛ na lãwnɩ a bɛl za na be a kũuni zie a.

Ezekɩɛl 38:8

Ka nɩ yome yaga, a na na cɛlɩ cɛlɩ a, ɩ̃ na ɩ na fʋ cen tɩ zɛb'ɩ a Ɩsɩrayɛl tẽw. A lɛn daar a, a bɛlɩ dem na kpɩɛr a ʋ pʋɔ a na cɩ̃ɛ nɩ a zɛbr zie. Bɛ na yi n a ten al bɛ na tɩ kpɩɛr a pʋɔ. Bɛ na ɓã n taa a Ɩsɩrayɛl tẽw tan zu nɩbɛ na bɛ tɩ kpɩɛr a daar zãá a. Bɛlɛ wa yi a nɩ-bʋʋr-yoru zie a, bɛ za na vʋʋrɛ na nɩ ƴã-ɓaarʋ.

Yele-za-pɛr-tib 2:13

A man-gbɛ́ɛ ayi sob tɩ dɩ na kɛ́ Gihon. Ʋlɛ n'ʋ cen viiri koli a Kusɩ tẽw.

Wulu-ayi-sob 9:29

Ɛcɛ, Sore e, a fʋ nɩ-bʋʋrɛ nɛbɛ, fʋ̃ʋ so bɛ. A fʋ fãw na ɩ kpɛ̃ɛ a, nɩ a fʋ kpɛnʋ na bɛ tɛr tʋ̃ɔ́fʋ a zũú n'a fʋ faa bɛ.»

2 Na-mɩnɛ 17:24

A Asiiri tẽw nãà tɩ ƴãw na nɩbɛ yi Babɩlɔn, Kutɩ, Awa, Hamatɩ nɩ Sefarwayim, ɛ́ wa zɩ̃ a Samaari tẽw tẽ-bɛrɛ pʋɔ, lɩɛrɩ a Ɩsɩrayɛl nɩbɛ bɛ na tɩ diw cen nɩ zi-yoru a. A nɩbɛ bɛ ŋa tɩ de nɩ a zie só ʋ, ɛ́ kpɩɛr a tẽ-bɛrɛ pʋɔ.

Ɩzayi 21:2

— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»

Ɩzayi 22:6

A Elam tẽw zɛbr-nɩbɛ tɛr'ɩ tamɛ nɩ lɔwr. Nɩbɛ be n a zɛbr-torkori zu, wi-zɔmnbɛ be n be. A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

Zakari 8:7

Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.