Ɩzayi 10:6 - A SƐB-SÕW

⁶ Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 10:6 Referans Kwoze

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Ɩzayi 19:17

A Zuda tẽw tɩ́ɛrʋ na mɩ́ ɩ bɛ nɩ vĩ. Lɛn daar za bɛ nãà mɩ́ wa ƴɛ̀rɛ a ʋ ƴɛ̀rʋ a bɛ niŋé a, dɛ̃bɩ̃ɛ na mɩ́ ɩrɛ bɛ na, a lɛ a Sore, a kpɛnʋ-za-sob, na yel k'ʋʋ na ɩ bɛ na a ƴãw.

Matie 15:7

Nɩsaal-libelibe bɛ ŋa! A naaŋmɩn-ƴɛ̀r-manɛ Ɩzayi tɩ ƴɛ̀r'ɩ vla càar'ɩ nyɩ, a lɛn daar ʋ na tɩ ƴɛ̀r a ƴɛ̀r-bie á ŋá a:

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Ɩzayi 63:6

Ɩ̃ ƴɛ́r'ɩ nɩ-bʋʋrɛ ŋmɛr a ɩ̃ suur pʋɔ, ɩ̃ ɩ na a ɩ̃ su-yãyaar kuoli bɛ, ɛ́ ɩ a bɛ zɩ̃ɩ a cir tẽw.

Ɩzayi 63:3

Yel-mɩŋa n'a, ɩ̃ nɛb'ɩ a divɛ̃ tɩɩr wɔmɛ ɩ̃ yõ. A nɩ-bʋʋrɛ pʋɔ a, nɩr za bɛ tɩ lãw nɩ mɛ̃ ɩ. Lɛ n'a a ɩ̃ suur nɩ a ɩ̃ su-yãyaar pʋɔ ɩ̃ nɛb bɛ ŋmɛr, ɩ̃ nɛb'ɩ bɛ gbɛ́ɛ. A bɛ zɩ̃ɩ ƴaw na waarɩ a ɩ̃ kparɩ, a ɩ̃ bʋ̃-suuri mar a za.

Ɩzayi 41:25

A saa-pɛrɩ́-gʋba-lowr a, ɩ̃ ƴãw na nɩr yi, ɛ́ ʋlɛ n'ɩ ŋan waar. A be a mʋ̃tɔ̃w na mɩ́ pur a, ʋ wõ na bɛ bʋɔlɩ a ʋ yúor. Ʋ nɛbr'ɩ a na-kpɛ̃ɛ-lɩɛrbɛ mɛ̃ mɛ̃mɛrɛ bɛ na mɩ́ nɛbr a, bɩɩ mɛ̃ yawr-mɩɛrɛ na nɛbr a yawra nɩ a ʋ gbɛ́ɛ a.

Ɩzayi 33:14

Pʋl-vʋ̃ɔ nyɔw nɩ a yel-bebe dem a Sɩyɔ̃ tẽw pʋɔ, dɛ̃bɩ̃ɛ ɩrɛ nɩ a nɩ-faar bɛ màwr. Bɛ sowre na: «A tɩ buor'ʋ na tʋ̃ɔ́ àr a vũu ŋa na dɩrɛ a pɛr? A tɩ buor ʋ na tʋ̃ɔ́ àr a vũu-zɛlɛ á ŋá na bɛ kpiire a pɛr?»

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 22:5

Bʋ̃ʋ n'ʋ vɛ̃, a dɩ̃a bibir a, a Sore ɩ na a ɩ zɔ-ŋmɛ-taa, nɩbɛ bɛ na zɛb tʋ̃ɔ́ a nɩ pʋl-vʋ̃ɔ.» A yel-nyɛra fʋɔla pʋɔ a, dacĩ-kpɛ̃ɛ 'law na lo, cɛlsɩ ŋmɩɛr'a dúor a tan lowr.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Ɩzayi 5:29

Bɛ ùore na mɛ̃ gben a, bɛ kone na mɛ̃ gbẽw-bili a. Bɛ kone na mɛ̃ wɛ-dʋn na sɛ̀m bom a na nyɔw a, cere nɩ ɛ́ nɩr kʋ̃ tʋ̃ɔ́ faa ʋ a zie a.

2 Samɩɛl 22:43

Ɩ̃ nɛb bɛ na ŋmɛr ŋmɛr, ɩ̃ ɩ na bɛ lɩɛbɩ uuru, ɩ̃ nɛb nɛb bɛ na, mɛ̃ sɛ́ɛ zu mɛ̃mɛrɛ a.

Ɩzayi 5:5

Ƴɛrɛŋa a, ɩ̃ na yel'ɩ ʋlɩ bom nɛ ɩ̃ na na ɩ a ɩ̃ divɛ̃ tɩɩr púo a kʋ̀ nyɩ: ɩ̃ na ír'ɩ a dàbáw bɛr a dʋn 'wɔb a tɩɩr váar. Ɩ̃ na dáa nɩ a dacin na viiri koli ʋ a lɔb, a sɔr-tɔlbɛ nɛb ʋ.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 7:17

A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»

Ɩzayi 8:8

Ʋ na tɩ tɔ n a Zuda naalʋ-tẽw, ʋ na paal'a yi nɛ́ɛ, paalɩ pàw ʋ, do tɩ ƴãw ʋ a kɔkɛɛ. Ʋ na yɛ̀lɩ na, a ʋ kõkowe tɩ zãá, ʋ na pàw nɩ a fʋ tẽw yɛ̀lʋ za, Ɩmanɩɛl i.»

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 32:6

Bʋ̃ʋ n'ʋ vɛ̃, a gẽgemi sob mɩ́ ƴɛ̀rɛ nɩ ƴɛ̀rʋ na bɛ tɛr pɛr a. Ʋ mɩ́ tɩ́ɛrɛ nɩ a faa ʋ na na maalɩ a, ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ. Ʋ bɛ kʋ̀rɛ bʋ̃-dɩra a kɔ̃ sob ɛ, ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Ɩzayi 49:17

A bɛlɩ dem na na lɛb mɛ b a páwr'a waar, ɛ́ a bɛlɩ dem na ŋmɛr fʋ bɛr ɛ́ sãw fʋ bɛr a, cere kɛ́ bɛr fʋ.

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ezekɩɛl 29:20

Ɩ̃ na kʋ̀ ʋ nɩ a Eziptɩ tẽw ʋ ɩ a ʋ tome sã-ya n'a, bʋ̃ʋ n'ʋ vɛ̃, a ʋ zɛbr-nɩbɛ tõ na kʋ̀ m, a mãa Sore Naaŋmɩn n'ʋ yere.

Ezekɩɛl 38:12

Fʋ na cen nɩ a be kɛ́ fʋ tɩ de zɛbr na-bome ɛ́ za. Fʋ na tɩ zɛb'ɩ nɩ nɩbɛ na lɛb kpɩɛr tẽ-bɛrɛ bɛ na tɩ dãw sãw bɛr a. Bɛ yi n tẽ-yoru wa ɓã taa. Bɛ tɛr'ɩ dʋn nɩ na-bome, bɛ kpɩɛr'ɩ a tẽ-daa sɔwlɩsɔw.

Ezekɩɛl 38:13

A bɛlɩ dem na kpɩɛr Saba nɩ Dedan ten a, a Tarsisɩ tẽw nɩ a tẽ-bɛr-kpɔwlɩ yɛ-yɛrbɛ na sowre fʋ na: “A bome zab ƴãw n'a fʋ ɓã a fʋ zɛbr-nɩbɛ taa bɩɩ? Salm-pla nɩ salm-zɩɛ, dʋn nɩ na-bome deb ƴãw n'a bɩɩ? Bɩɩ a zɛbr bome deb ƴãw n'a?”

Habakukɩ 1:12

A pɛr-tib daar za, fʋ̃ʋ n'ɩ a Sore, fʋ ɩ n a ɩ̃ Naaŋmɩn, na ɩ sõw ɛ́ bɛ tɛr kũu daar a. Sore e, fʋ̃ʋ ɩ̃ pìir na gùre mɛ̃ a, fʋ kaa na ír a nɩ-bʋʋrɛ bɛ ŋa, a Babɩlɔn tẽw dem, ɩ kɛ̀ bɛ kpɛmɛ, kɛ́ bɛ tʋ̃ɔ́ tu a lɛ fʋ na dɩ n tɩ a ƴɛ̀rʋ bin a.

2 Na-mɩnɛ 18:25

Ɛ́ lɛb waar, a ɩ̃ nɩ-kpɛ̃ɛ wa na k'ʋʋ wa zɛb'ɩ a tẽw ŋa ɛ́ sãw ʋ bɛr, ɛ́ a bɛ ɩ a Sore n'ʋ bɔbr a lɛ bɩɩ? A Sore mɩŋa n'ʋ ƴãw a nʋɔr kʋ̀ ʋ.”»

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»