Ɩzayi 10:5 - A SƐB-SÕW

⁵ A Sore yere na: Baw-bio páw nɩ a Asiiri tẽw, ʋl na ɩ a ɩ̃ suur dakpuli-ŋmãa a. A ɩ̃ su-yãyaar dabɔl'ʋ ʋ tɛr a ʋ nũú.

Ɩzayi 10:5 Referans Kwoze

Sofoni 2:13

A Sore mɩ̀ na ìr'ɩ a saa-pɛrɩ́-gʋba-lowr dem ƴãw, ʋ na ŋmɛr'ɩ a Asiiri tẽw bɛr. Ʋ na ɩ na a Nɩnɩɩvʋ tẽw ʋ sãw ʋ za, lɩɛbɩ wɛja-kpalɛ kõw.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 14:25

Ɩ̃ na sãw nɩ a Asiiri tẽw dem kpɛnʋ bɛr a ɩ̃ tẽw pʋɔ, ɩ̃ na nɛb'ɩ bɛ nɩ gbɛ́ɛ a ɩ̃ tan zu. A bɛ kpɛnʋ dĩ nɩ a ɩ̃ nɩbɛ mɛ̃ ni-kʋ́ɔrɩ dàa a, ɩ̃ na ír ʋ na bɛr. Bɛ dɔwl'ɩ to-tɩbrʋ a bɛ bawŋmamɛ zu, ɩ̃ na tow ʋ na bɛr.»

Ɩzayi 10:15

A lɛr na pɔrɛ nɩ a sob nɛ na cɩɛr'ɩ ʋ a zie bɩɩ? A sɔ-nyɩmɛ na zɛwr'ɩ ʋ tʋɔra a sob nɛ na ɩrɛ ʋ damnɛ a zie bɩɩ? Mɛ̃ a dakpuli-ŋmãa n'ʋ ɩ a sob nɛ na zɛw ʋ a ʋ damnɛ a, bɩɩ mɛ̃ a dabɔl'ʋ zɛw a sob nɛ na bɛ ɩ dàa bom a!

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Ɩzayi 13:5

A Sore nɩ a bɛlɩ dem ʋ na na wul'ɩ a ʋ suur a, yi n tẽ-zãána, bɛ yi n a tẽw tʋra ƴãw waar. Bɛ na wa sãw nɩ a tẽw za bɛr.

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

Sɛb-sõw yielu 125:3

Na-faa kʋ̃ dɩrɛ naalʋ a nɩ-mɩn tẽw pʋɔ ɩ. Alɛ bɛ ɩ lɛ, bɛ mɩ̀ na bɔbr'a kɛ́ bɛ pʋɔ a ɩ-faa maalʋ pʋɔ.

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Yele-za-pɛr-tib 10:11

A Nemirodi tɩ yi n a tẽw ŋa pʋɔ cen Asiiri tɩ ŋmãa Nɩnɩɩvʋ, Erehovɔtɩ-Ɩɩr, Kala

2 Na-mɩnɛ 19:25

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá, koro kãw za, daar na bɛ gbʋ́r a n'a ɩ̃ tɩɛrɩ a bin, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ, kɛ́ fʋ wa ɩ a tẽ-bɛrɛ, bɛ na cɔbrɩ a kpɛmɛ a zɛbr ƴãw a, a lɩɛbɩ deboru.

Ɩzayi 7:17

A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»

Ɩzayi 7:20

A ʋlɩ bibir a, a Sore na ya n bʋra ʋ na na tõ n ɛ́ lɛb tɩr a Efaratɩ man gãwn a —a Asiiri tẽw nãà n'ʋ—, ʋ na fɔr'ɩ nɩ a nyɩ zuru, ɛ́ põ a nyɩ ƴã-gamɛ kɔblʋ za, tɩ lãwnɩ a nyɩ tɩ̃ɛmɛ.

Ɩzayi 8:7

A lɛ n'a so ɩ̃ na ɩ a Efaratɩ man kʋ̃ɔ na yãwmɛ ɛ́ darɛ taa nɩ fãw a, a do wa páw bɛ, —a Asiiri tẽw nãà nɩ a ʋ fãw-kpɛ̃ɛ—. A Efaratɩ man na paal'ɩ a ʋ bà-dĩo a ziir za, paalɩ tɩ yi nɛ́ɛ.

Ɩzayi 10:25

Bʋ̃ʋ n'ʋ vɛ̃, blã n'a cãà cɛ, zaa pʋrɩlɛ n'a cãà cɛ, ɛ́ a ɩ̃ suur a nyɩ ƴãw na baar'a, ʋ na baar'ɩ pelẽpelẽ.»

Ɩzayi 14:24

A Sore, a kpɛnʋ-za-sob, pɔ na yel à ŋá: «A lɛ ɩ na tɩ́ɛrɩ a, lɛ n'a a na ɩ, a lɛ ɩ̃ na yel a, lɛ n'a na maalɩ.

Ɩzayi 23:13

Nyɛ̃ a Kalde tẽw dem tẽw a: a nɩbɛ bɛ ŋa bɛ cãà be ɩ. A Asiiri tẽw ɩ na k'ʋ lɩɛbɩ wɛ-dʋn tẽw. A nɩbɛ tɩ mɛ n yir-cõcowli a zie piwru ƴãw, cɔbrɩ zɛbr-yir-kpɛn, ɛ́ a Asiiri tẽw wa ɩ a lɩɛbɩ deboru gã.

Ɩzayi 26:20

Ɩ̃ nɩbɛ ɛ, nyɩ kpɛ a nyɩ yie pʋɔ ɛ́ taw a pamɛ pàw nyɩ tʋɔra. Nyɩ sɔwlɩ blã, a Sore suur tɔl baarɩ.

Ɩzayi 30:27

A Sore n'ɩ ŋan yi zi-zãána waar. A suur dɩrɛ ʋ na, suur na ta suur a. A ʋ nɔgbãbie wule nɩ a suur ʋ na nyɛ̃ a, a ʋ ƴɛ̀rʋ ɩ n vũu na dɩrɛ a,

Ɩzayi 34:2

A Sore nyɛ̃ nɩ nɩ a nɩ-bʋʋrɛ za suur, ʋ nyɛ nɩ nɩ bɛ za na ɓã taa a suur. Ʋ yel'a kɛ́ bɛ na kʋ bɛ na pàw pɛr, bɛ na kʋ bɛ nɩ faa faa.

Ezekɩɛl 7:10

A ƴɛ̀rʋ-dɩb bibir vɩɛ na, a nyɩ daar ta na. A gãda-faa-ɩb bʋʋl'a pàw a ziir za. A pɔ̀l-ɩb yɛ̀r'a.

Ezekɩɛl 22:31

Lɛ n'a ɩ̃ tɩ ɩ a ɩ̃ su-tʋlʋ kpãkpã ìr a bɛ ƴãw. Ɩ̃ ɩ na bɛ bɔr a suur ŋa vũu pʋɔ, ɩ̃ ɩ na bɛ ya a bɛ ɩ-faar san. A mãa Sore Naaŋmɩn n'ʋ yel.»

Habakukɩ 1:12

A pɛr-tib daar za, fʋ̃ʋ n'ɩ a Sore, fʋ ɩ n a ɩ̃ Naaŋmɩn, na ɩ sõw ɛ́ bɛ tɛr kũu daar a. Sore e, fʋ̃ʋ ɩ̃ pìir na gùre mɛ̃ a, fʋ kaa na ír a nɩ-bʋʋrɛ bɛ ŋa, a Babɩlɔn tẽw dem, ɩ kɛ̀ bɛ kpɛmɛ, kɛ́ bɛ tʋ̃ɔ́ tu a lɛ fʋ na dɩ n tɩ a ƴɛ̀rʋ bin a.

Sɔr-nɛ́ɛ 24:24

Gbee na yi n Sɩɩpʋr wa, a nɩbɛ bɛ ŋa na dɔwr'ɩ a Asiiri tẽw dem, bɛ na dɔwr'ɩ a Ebɛɛr bʋʋrɛ, ɛcɛ a bɛl mɩ̀ wɩɛr'ɩ a bɛ kũu zie.»

2 Na-mɩnɛ 18:25

Ɛ́ lɛb waar, a ɩ̃ nɩ-kpɛ̃ɛ wa na k'ʋʋ wa zɛb'ɩ a tẽw ŋa ɛ́ sãw ʋ bɛr, ɛ́ a bɛ ɩ a Sore n'ʋ bɔbr a lɛ bɩɩ? A Sore mɩŋa n'ʋ ƴãw a nʋɔr kʋ̀ ʋ.”»

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Nahum 1:1

Ƴɛ̀r-kpɛ̃w na càarɩ a Nɩnɩɩvʋ tẽw a. Ɛlkɔsɩ tẽw Nahum yel-nyɛra sɛbɛ.