Ɩzayi 10:3 - A SƐB-SÕW

³ Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 10:3 Referans Kwoze

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

A Zɔb sɛbɛ 31:14

ɛ́ a Naaŋmɩn wa ìr'ɩ mɛ̃ ƴɛ̀rʋ a lɛn daar a, ɩ̃ na ɩ n ŋmɩn? Ʋlɛ wa sowre k'ʋʋ bãw a yel-mɩŋa a, ɩ̃ na yel'a kɛ́ bo?

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Ɩzayi 5:26

A Sore zɛwr'ɩ dɩrapo nɩ-bʋʋrɛ na zãá a ƴãw, ʋ fuole na bʋɔlɛ bɛ a tẽw baarʋ zie. Bɛlɛ n'ɩ bɛ ŋa na páwr a, bɛ tarɛ nɩ fɔ̃w fɔ̃wlɛ.

Zʋkpaɩ 11:4

A ƴɛ̀rʋ-dɩb bibir a, a naalʋ kʋ̃ tɛr yel-ɩra ɩ, ɛcɛ a mɩnʋ tɛwr'a na faa a kũu pʋɔ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ɩzayi 39:3

Al pùorí, a naaŋmɩn-ƴɛ̀r-manɛ Ɩzayi tɩ wa na wa páw a Ezekɩasɩ sowr'ʋ: «Bʋ̃ʋ n'ʋ a nɩbɛ bɛ ŋa yel kʋ̀ b? Nyɩnɛ n'a bɛ nɩ̃ɛ yi wa?» A Ezekɩasɩ tɩ sɔw na: «Tẽ-zãána n'a bɛ yi wa nyɛ̃ m, Babɩlɔn tẽw.»

Ɩzayi 33:14

Pʋl-vʋ̃ɔ nyɔw nɩ a yel-bebe dem a Sɩyɔ̃ tẽw pʋɔ, dɛ̃bɩ̃ɛ ɩrɛ nɩ a nɩ-faar bɛ màwr. Bɛ sowre na: «A tɩ buor'ʋ na tʋ̃ɔ́ àr a vũu ŋa na dɩrɛ a pɛr? A tɩ buor ʋ na tʋ̃ɔ́ àr a vũu-zɛlɛ á ŋá na bɛ kpiire a pɛr?»

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Ɩzayi 5:14

Lɛ n'a a Kpɩmɛ-tẽw na yuo 'hee! Ʋ na háa nɩ a ʋ nɔ-gbayala. A nɩ-yée nɩ a zu-sɛbla na lãw na siw a be, a bɛ cuw gɔmɛ pʋɔ.

2 Na-mɩnɛ 7:15

A sojarɩ tɩ bɩɛr'ɩ a Siiri tẽw sojarɩ gbɛ́ɛ, tɩ sãá a Zurdɛ̃ manɩ́, ɛ́ nyɛ̃ a sɔ́r za ʋ pàw bʋ̃-suuri nɩ bome, a Siiri tẽw sojarɩ na tɩ lɔb lɔb bɛr, kɛ́ bɛ tʋ̃ɔ́ zɔ fɔ̃w a. A nɩbɛ bɛ na tõ a tɩ lɛb'a wa manɩ kʋ̀ a nãà.

Yele-za-pɛr-tib 31:1

Ʋ tɩ wõ na k'aa Labã bidɛbr yere na: «A Zakɔb faa nɩ a tɩ sãà bome za, alɛ n'a ʋ kpɛ n a naalʋ sɛw à à ŋá.»

A naaŋmɩn-ƴèr-manɛ Oze sɛbɛ 5:13

A Efarayim nyɛ̃ nɩ a ʋ bàalʋ, ɛ́ a Zuda nyɛ̃ a ʋ gbõtor. Efarayim cen nɩ a Asuur zie, ʋ tõ n nɩbɛ a na-kpɛ̃ɛ zie. Ɛcɛ, a nãà ŋa kʋ̃ tʋ̃ɔ́ sanɩ nyɩ ɛ, ʋ kʋ̃ tʋ̃ɔ́ ɩ a nyɩ gbõtor ɓãá ɩ, Efarayim yir dem i!

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 17:4

A ʋlɩ bibir nɛ a, a Ɩsɩrayɛl tɩbrʋ na siwri na, a ʋ po-bɛrʋ na ŋmɛr a.

Ɩzayi 26:14

A nɩ-bɛrɛ bɛ ŋa kpi na kʋ̃ lɛb vʋʋrɩ ɛ, bɛ ɩ n nyãakpɩmɛ tɛwr, bɛ kʋ̃ lɛb ìr ɛ. Fʋ wa na wa ɩ bɛ kpi pàw pɛr, wa ɩ a bɛ tɩɛrʋ tɔr za bɔr a nɩbɛ zie.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 30:5

Nɩ-bʋʋrɛ na kʋ̃ tʋ̃ɔ́ ɩ bom za a bɛ ƴãw a na ɩ na a bɛ tɩɛrʋ wɛ. A Eziptɩ tẽw dem kʋ̃ tɛr sõwfʋ kãw za a bɛ zie ɩ, bɛ kʋ̃ tɛr yel-ɩra kãw za a bɛ zie ɩ. Bɛ na nɩ̃ɛ na ɩ a bɛ vĩ nɩ yo-sãw.

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»

Zeremi 4:30

Ɛcɛ a fʋ̃ʋ, Zerizalɛm i, bʋ̃ʋ n'ʋ fʋ na ɩ? Fʋ su n pɛn-vɩɛlɩ vɩɛlɩ, ƴãw salm-zɩɛ pɩ̃ɛmɛ, ɛ́ ƴãw mimi-laara yɛ̀lɩ nɩ a fʋ mimie. Ɛcɛ zawla n'a fʋ maalɛ fʋ tʋɔra kɛ́ fʋ vɩɛl, a bɛlɩ dem na zɔrɛ tuur fʋ a jewre fʋ na, a fʋ kũu n'a bɛ bɔbr.

Zeremi 9:9

Ɩ̃ kone na ƴɛ̀rɛ nɩ a tan zu, ɩ̃ kone nɩ lãw-mʋɔlɛ a dʋn mʋ̃ɔ 'wɔbrʋ ziir ƴãw. Bʋ̃ʋ n'ʋ vɛ̃, a za dɩ n vũu, nɩr za bɛ cãà tɔlɛ a be ɩ. Bɛ bɛ cãà wone a dʋn kon a be ɩ. A lili nɩ a dʋn za zɔ na zãá, bom za bɛ cãà be ɩ.

Zeremi 22:7

Ɩ̃ cɔbrɛ nɩ nɩbɛ na na ŋmɛr fʋ bɛr a, ŋa za tɛr'ɩ a ʋ tõ-tõ-bome. Bɛ na cɛ n a fʋ sɛɛdɩr tɩɩr dàar kpul-vɩɛlɩ ŋma lɔb a ƴãw vũumí.»

A naaŋmɩn-ƴèr-manɛ Oze sɛbɛ 9:5

Bʋ̃ʋ n'ʋ nyɩ na ɩ a cuw-kpɛ̃ɛ bibir? A Sore cuw bibir?

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Ɩzayi 28:20

Mɛ̃ a lɛ a zʋkpar na yel a, a gado na ɩ n ŋmãa zuo a gaa ƴãw, a gãw kʋ̃ yɛlmɛ a sɛw a pilu ƴãw ɛ.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.