Ɩzayi 10:26 - A SƐB-SÕW

²⁶ Bʋ̃ʋ n'ʋ so, a Sore, a kpɛnʋ-za-sob, na zɛw nɩ a ʋ fʋba a Asiiri tẽw ƴãw, mɛ̃ a lɛ ʋ na tɩ ɩ a Madian tẽw dem ƴãw a Orɛvʋ pìir pɛr a. Ʋ na zɛw nɩ a ʋ dabɔl a kʋ̃ɔ-kpɛ̃ɛ zu, mɛ̃ a lɛ ʋ na tɩ ɩ a Eziptɩ tẽw dem ƴãw a.

Ɩzayi 10:26 Referans Kwoze

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Ƴɛ̀r-dɩrbɛ 7:25

Bɛ tɩ nyɔw nɩ a Madian tẽw dem na-mɩnɛ ayi Orɛvʋ nɩ Zɛvʋ. Bɛ tɩ kʋ n a Orɛvʋ, a Orɛvʋ pìir ƴãw, ɛ́ kʋ a Zɛvʋ, a Zɛvʋ tɩ-wɔmɛ nɛbrʋ zie. Al pùorí, bɛ cãà ta tu a Madian tẽw dem. Bɛ tɩ lɛb'a gãw wa n a Orɛvʋ nɩ a Zɛvʋ zuru a Zurdɛ̃ gãwn ŋa wa kʋ̀ a Zedeɔ̃.

2 Na-mɩnɛ 19:35

A ʋlɩ tɩ̃ɩsɔw nɛ a, a Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

Eziptɩ tẽw yib 14:16

Ɛ́ a fʋ̃ʋ a, de a fʋ dabɔl zɛw a kʋ̃ɔ-kpɛ̃ɛ zu. Ɓar ʋ ziir ayi, puo tɔlʋ zie, a Ɩsɩrayɛl nɩbɛ gãw ʋ nɩ gbɛ-kon.

Yel-wula 19:15

Zɛbr-sɔ-kpɛ̃ɛ na dɩrɛ a tɩ yire nɩ a ʋ nʋɔrɩ́, a nɩ-bʋʋrɛ gɔ́rʋ ƴãw. Ʋlɛ n'ʋ na ɩ a bɛ cɩ̃ɩnɛ, cɩ̃ɩnɛ bɛ nɩ gãdaalʋ, ɛ́ nɛb a divɛ̃ tɩ-wɔmɛ a Naaŋmɩn kpɛnʋ-za-sob suur bɔw-kpɛ̃ɛ pʋɔ.

Yel-wula 11:18

A ten ten nɩbɛ nyɛ̃ nɩ suur, ɛcɛ, ƴɛrɛŋa a, a fʋ suur ìr'a. A kũuni ƴɛ̀rʋ maalʋ daar ta na. A daar ʋl fʋ na na kʋ̀ a sã-ya a fʋ tõ-tõ-biir, a ƴɛ̀r-manbɛ, nɩ a bɛlɩ dem za fʋ na so, ɛ́ bɛ zɔrɛ fʋ a, a bɛrɛ lãwnɩ a pʋrmɛ. A bɛlɩ dem na sãwnɛ a tẽw a, a bɛ sãwfʋ daar'a ta!»

Ɩzayi 11:16

Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.

Ɩzayi 10:24

A lɛ so, à ŋá n'a a Sore Naaŋmɩn, a kpɛnʋ-za-sob, ƴɛ̀rɛ: «Ɩ̃ nɩbɛ ɛ, nyɩɩm na kpɩɛr a Sɩyɔ̃ a, nyɩ ta zɔrɛ a Asiiri tẽw na ŋmɩɛr'ɩ nyɩ a ʋ dakpuli-ŋmãa ɛ́ mɩ́ zɛw a ʋ dabɔl a nyɩ ƴãw mɛ̃ a Eziptɩ tẽw dem a koro za a ɩ.

Sɛb-sõw yielu 83:11

Bɛ tɩ kʋ bɛ na pàw pɛr a Ɛɩn-Door, bɛ ɩ pʋɔrʋ a tẽsɔw ƴãw.

Sɛb-sõw yielu 35:23

Ɩ̃ Naaŋmɩn i, ìr dɩ a ƴɛ̀rʋ kʋ̀ m, Sore e, ìr de a ƴɛ̀rʋ kpɛ m.

Ɩzayi 30:31

A Asiiri tẽw wa wõ a Sore kɔkɔr ɛ́ nyɛ̃ a dabɔl ŋmɩɛrʋ na siwr a ʋ zu a, dɛ̃bɩ̃ɛ na ɩrɛ ʋ na ʋ màwr.

Ɩzayi 9:3

A dàa na ɩ a dɔwrʋ bɛ na dɔwrɛ bɛ a bãwfʋ a, a dabɔl na vàrɛ a bɛ bawŋmamɛ a, a dakpuli-ŋmãa bɛ na ŋmɩɛr'ɩ bɛ a, fʋ kar a na bɛr, mɛ̃ a lɛ fʋ na tɩ ɩ a ʋlɩ bibir fʋ na zɛb tʋ̃ɔ́ a Madian tẽw dem a.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 30:32

A Sore dabɔl mɩ́ wa siw a ʋ zu a, a gãgali nɩ a korijome na mɩ́ ŋmɛ na ƴãw. A Sore na vɛlɩ nɩ nũu cɔw a Asiiri tẽw ɛ́ zɛb'ɩ ʋ.