Ɩzayi 10:22 - A SƐB-SÕW

²² Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

Ɩzayi 10:22 Referans Kwoze

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Yel-wula 20:8

ʋʋ na cen na tɩ bɛ̀lɛ a ten ten na be a tẽ-daa za zu a, a pɛr lɛ k'aa Gɔgɩ nɩ Magɔgɩ. Ʋ na bʋɔlɩ bɛ na ɓã taa a zɛbr ƴãw, ɛ́ bɛ na yãwmɛ na mɛ̃ a kʋ̃ɔ-kpɛ̃ɛ nʋɔr biire a.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Ɩzayi 8:8

Ʋ na tɩ tɔ n a Zuda naalʋ-tẽw, ʋ na paal'a yi nɛ́ɛ, paalɩ pàw ʋ, do tɩ ƴãw ʋ a kɔkɛɛ. Ʋ na yɛ̀lɩ na, a ʋ kõkowe tɩ zãá, ʋ na pàw nɩ a fʋ tẽw yɛ̀lʋ za, Ɩmanɩɛl i.»

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

1 Na-mɩnɛ 4:20

A Zuda naalʋ-tẽw nɩbɛ nɩ a Ɩsɩrayɛl naalʋ-tẽw nɩbɛ tɩ yãwmɛ na mɛ̃ a kʋ̃ɔ-kpɛ̃ɛ nʋɔr biire a. Bɛ tɩ tɛr a na dɩrɛ kɛ́ nyuur, ɛ́ nʋ̃ɔ̀ ɩrɛ bɛ.

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Ɩzayi 46:3

Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ, nyɩɩm Zakɔb bʋʋrɛ na cɛ a, nyɩɩm ɩ̃ na kaa a nyɩ dɔwfʋ daar za a, nyɩɩm na dɛ wa nyɛrɛ a cãà wa báarɛ ɩ̃ɩ tɛr a.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

Ɩzayi 60:22

A bɛ pʋɔ a, a pʋrɩ za na lɩɛb'ɩ nɩbɛ túr, a bãbàal woro na lɩɛb'ɩ nɩ-bʋʋrɛ na kpɛmɛ a. A mãa, a Sore a, ɩ̃ na páw nɩ fɔ̃w maalɩ a yel ŋa, a daar wa ta a.

Ɩzayi 65:8

À ŋá n'a a Sore yere: Bɛlɛ wa nyɛ̃ divɛ̃ tɩ-wɔ̃-cãacul na mʋ̃ɔ̀ vla vla a, a nɩbɛ mɩ́ yere na: «Nyɩ ta sãw ʋ bɛr ɛ, ʋ nãà wa tɩr'ɩ divɛ̃-nʋ̃ɔ̀ nʋ̃ɔ̀.» «À à ŋá mɩ̀ n'a ɩ̃ na ɩ a bɛlɩ dem na tone a ɩ̃ tome a zũú. Ɩ̃ bɛ sãwnɛ a za bɛrɛ ɩ.

2 Na-mɩnɛ 19:31

Bʋ̃ʋ n'ʋ vɛ̃, nɩbɛ na cɛ a na yi n a Zerizalɛm, nɩbɛ na cɩ̃ɛ a na ìr'a àr a Sɩyɔ̃ tãw zu.» A Ɩzayi tɩ yel a ƴãw pʋɔ: «À ŋá n'a a Sore na ɩ, a ʋ nɔ̃wfʋ na tʋlɛ a zũú.

Ɩzayi 37:31

A Zuda naalʋ-tẽw nɩbɛ bɛl na na cãà vʋʋrɛ a, na lɛb'a ɩ mɛ̃ tɩɛ na tɛ nyɩgɛ kpɛ tẽw ɛ́ a wuli tɛr wɔmɛ a.

Ɩzayi 59:20

A Sore na wa na k'ʋʋ wa ya de a Zerizalɛm nɩ a Ɩsɩrayɛl nɩbɛ bɛl na bɛr a bɛ nɩ-gaarɩ ɩb a. A Sore n'ʋ yere.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 44:28

Nɩbɛ blãlɛ tɛwr'a na tʋ̃ɔ́ cɩ̃ɛ a zɛbr pʋɔ, ɛ́ bɛ na yi n a Eziptɩ lɛb wa a Zuda tẽw. A lɛ pʋɔ a, a nɩbɛ bɛl na cɛ yi a Zuda tẽw wa wa kpɩɛr a Eziptɩ tẽw a, na bãw nɩ sob nɛ ƴɛ̀rʋ na tu a: a mãa dem'a bɩɩ a nyɩɩm dem'a a.