Ɩzayi 10:2 - A SƐB-SÕW

² À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 10:2 Referans Kwoze

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Ɩzayi 3:14

Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

Ɩzayi 5:23

Bɛ mɩ́ lɛb'a bɛr a sãwna sob, nʋɔr ʋ na ŋmɛ bɛ a ƴãw, ɛ́ zawrɩ na kʋ̀ a nɩr na bɛ tɛr sãwna a a ʋ yel-mɩŋa.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Amɔsɩ 2:7

Bɛ mɩ́ nɛ̃ nɩ a bãbàalbɛ mɩɩl'ɩ uuru, ɛ́ zawrɩ na bɛr wõ a nã́w sob a ƴɛ̀rʋ-dɩb zie. Sãà nɩ bie mɩ́ ganɛ nɩ nɩ a pɔwli-been lɩɛrɛ taa, à ŋá n'a bɛ mɩ́ ɩ dɛw a ɩ̃ yo-sõw vɩɛlʋ bɛr.

A Lãw-mʋɔlɛ 3:35

bɛlɛ bɛ wa sàw kʋ̀ nɩr a lɛ a na tɛr sɔ́r k'ʋʋ ɩrɛ a Naaŋmɩn-na-do-saa-bɛ-pɩɛl-a niŋé a,

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Sɛb-sõw yielu 94:6

Bɛ mɩ́ kʋ n a pɔw-kʋɔr nɩ a nʋʋra zawla, bɛ mɩ́ kʋ n a bi-kpebe.

Ɩzayi 3:15

Ãa n'ʋ kʋ̀ nyɩ a sɔ́r nyɩ kʋrɛ a ɩ̃ nɩ-bʋʋrɛ gúur, ɛ́ ɩrɛ po-to-fãw-ɩb a nan dem zie?” A Sore Naaŋmɩn, a kpɛnʋ-za-sob'ʋ sowre.

Ɩzayi 32:6

Bʋ̃ʋ n'ʋ vɛ̃, a gẽgemi sob mɩ́ ƴɛ̀rɛ nɩ ƴɛ̀rʋ na bɛ tɛr pɛr a. Ʋ mɩ́ tɩ́ɛrɛ nɩ a faa ʋ na na maalɩ a, ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ. Ʋ bɛ kʋ̀rɛ bʋ̃-dɩra a kɔ̃ sob ɛ, ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.

Ɩzayi 59:15

A yel-mɩŋa bɔr'a, ɛ́ sob nɛ na zawrɛ a faa maalʋ a, mɩ́ ɩ na bɛ fa a ʋ bome za. A Sore nyɛ̃ nɩ à á ŋá za. Ʋ nyɛ̃ na k'aa ɩrɛ a lɛ-na-tu-sɔr-a na bɛ ka be a, ʋ ɩ n yel-faa.

Eziptɩ tẽw yib 23:6

«Nyɩ kʋ̃ dɩ a ƴɛ̀rʋ a bɛ tori ɛ nyɩ kʋ̀ a bãbàal na zɛlɛ a nyɩ sõwfʋ a ɩ.

A Zɔb sɛbɛ 31:16

Ɩ̃ mɩ́ tɩ zawr'ɩ a nɩ-kɔmɛ sõwfʋ bɩɩ? Ɩ̃ mɩ́ tɩ bɛr'ɩ a pɔw-kʋɔr ʋ jɩ́rɛ mɛ̃ ɛ́ bɛ wa páw bom za ɩ?

Zʋkpaɩ 22:22

Ta faa a bãbàal bome ɩ, bãbàal'ʋ. Nɩr na bɛ tɛr sõwne a, ta ƴɛ̀r dĩ nɩ ʋ a ƴɛ̀rʋ-dɩb zie ɩ.

Zʋkpaɩ 30:14

Nɩbɛ be n be a nyɩmɛ ɩ mɛ̃ zɛbr-sɔ-bɛrɛ a, a kokã-nyɩmɛ ɩ mɛ̃ sɔ̀rʋ a. Bɛ báarɛ nɩ a bãbàalbɛ a tẽw pʋɔ, ɛ́ ɩrɛ a nan dem bɛ cãà bere a nɩsaalbɛ pʋɔ ɩ.

Ɩzayi 1:17

Nyɩ zanɛ a vla maalʋ, nyɩ bɔbr a mɩnʋ. Nyɩ mɩ́ ɩ a sob nɛ na fɛrɛ dier a bome a, ʋ lɛb tuur a sɔr-vla. Nyɩ mɩ́ maalɩ a bi-kpieb a lɛ-na-tu-sɔr-a, nyɩ mɩ́ tu a pɔw-kʋɔr yel pùor.”

Amɔsɩ 2:6

À ŋá n'a a Sore yere: «A Ɩsɩrayɛl nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ kʋɔr'ɩ a nɩ-mɩŋa, libir ƴãw, ɛ́ kʋɔrɩ a nã́w sob nafawr-ɓɛwlɩkɛl ƴãw.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Mise 3:1

Ɩ̃ yere na kʋ̀rɛ nyɩ: «Nyɩ bɛrɛ wone, nyɩɩm Zakɔb bʋʋrɛ nɩ-bɛrɛ ɛ, nyɩɩm Ɩsɩrayɛl nɩbɛ ƴɛ̀r-dɩrbɛ ɛ. A nyɩ tõ-nʋɔr bɛ n'ɩ kɛ̀ nyɩ kaarɛ a lɛ-na-tu-sɔr-a zie ɩ?