Ɩzayi 1:9 - A SƐB-SÕW

⁹ A Sore, a kpɛnʋ-za-sob, bɛ tɩ bɛr tɩ nɩbɛ blã bɛ cɩ̃ɛ a, tɩ nãà ɩ na mɛ̃ a Sodɔm tẽ-kpɛ̃ɛ a, tɩ nãà ŋmɛ̃ na taa nɩ Gomɔɔr.

Ɩzayi 1:9 Referans Kwoze

Ʋrɔm 9:29

A Ɩzayi n'ʋ mɩ̀ tɩ cãà dãw yel: «A tẽ-daa za Sore bɛ tɩ cɛ bʋʋrɛ blã bɛr tɩ a, tɩ nãá tɩ ɩ na mɛ̃ Sodɔm tẽw a, tɩ nãá ŋmɛ̃ na taa nɩ Gomɔɔr tẽw.»

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Ɩzayi 37:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwr'ʋ a ʋ ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.”»

Ɩzayi 24:13

Yel-mɩŋa, a nɩ-bʋʋrɛ sɔgɔ a tẽw zu a, a na ɩ na mɛ̃ olivʋ tɩ-wɔmɛ bɛ na pɔr baarɩ ɛ́ yiire nɩ lãwgola a, mɛ̃ divɛ̃ tɩ-wɔmɛ bɛ na pɔr baarɩ ɛ́ yiire a wɔ̃-beƴeni na cɛ a.

Ɩzayi 17:6

A Ɩsɩrayɛl nɩbɛ na na cɛ a kʋ̃ saalɩ ɛ, a na ɩ na mɛ̃ olivʋ bɛ na dam'ɩ dàa a lo a: wɔmɛ ayi bɩɩ ata n'a cɛ a tɩɛ saa-zu za, wɔmɛ anaar bɩɩ anũu a wuli na wɔ̃ a zu. À à ŋá n'a a Sore, a Ɩsɩrayɛl Naaŋmɩn, yere.

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Yele-za-pɛr-tib 18:32

A Abraham tɩ lɛb'a yel: «Ɩ̃ zɛlɛ fʋ na Sore e, taa nyɛrɛ suur ɛ, ɩ̃ pãa na baa na ƴɛ̀r. Kapaw, pie tɛwr'a bɛ na nyɛ̃ a be.» A Sore sɔw: «A nɩ-mɩn pie bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.

Matie 7:14

Ɛcɛ a nyɔ-vʋʋrʋ dɩ̃dɔr ɩ n fɩɩra, ɛ́ a ʋ sɔ́r kpɛmɛ, ɛ́ nɩbɛ blãlɛ n'a mɩ́ nyɛ̃ ʋ.»

Sofoni 2:9

A na ɩ à ŋá a, mãa bɛ wa be a n'a, alɛ bɛ ɩ lɛ, ɩ̃ yere na, a mãa, a tẽ-daa za Sore, a Ɩsɩrayɛl Naaŋmɩn: a Mowab nɩ a Amɔ̃ ten na sãw nɩ a za, mɛ̃ a Sodɔm nɩ a Gomɔɔr ten a. A bɛ zie nɩr za na kʋ̃ cãà kpɩɛr a, na ɩ n gʋʋr nɩ nyaarʋ bɔwrɩ tɛwr. A ɩ̃ nɩbɛ na cɛ a na wa na wa fa bɛ, ɛ́ de a bɛ tẽw.»

Habakukɩ 3:2

Sore e, Sore e, ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃. Tõ a tome á ŋá taabɛ a tɩ cãafʋ daar, ɩ a nɩsaalbɛ bãw a. Alɛ saa sɛw kɛ́ fʋ nyɛ̃ suur a, cãà tɛr su-ɓaarʋ a tɩ zie.

Ezekɩɛl 6:8

Ɛcɛ ɩ̃ na bɛr'ɩ nyɩ mɩnɛ bɛ cãà vʋʋrɛ a zɛbr pùorí, ɛ́ a bɛ ŋa na cɩ̃ɛ a na yaar'ɩ a tẽ-sãanbɛ pʋɔ.

A Lãw-mʋɔlɛ 4:6

A ɩ̃ nɩ-bʋʋrɛ sãwna kpɛ n faa zuo a Sodɔm tẽw dem yel-bebe. A tẽw ŋa wa sãw nɩ fɔ̃wlɛ ɛ́ nuru bɛ dam a ʋ pʋɔ ɩ.

1 Na-mɩnɛ 19:18

Ɛcɛ ɩ̃ na bɛr'ɩ Ɩsɩrayɛl nɩbɛ túr ayopõi (7 000) bɛ cãà vʋʋrɛ, a bɛl za nãà bɛ wa gbĩ dume a ŋmɩn Báàl niŋé a, ɛ́ bɛ nyɔw a ʋ dasuli weri a.»

Wulu-ayi-sob 29:23

Lɛ n'a a nɩ-bʋʋrɛ za na sowre: «Bʋ̃ʋ n'ʋ so a Sore dɔwrɩ a tẽw ŋa à à ŋá? Bʋ̃ʋ n'ʋ so a su-kpɛ̃ɛ kẽkẽ ŋa tɔ?»

2 Pɩɛr 2:6

A pùorí, ʋ ƴãw nɩ dɔwrʋ a Sodɔm nɩ a Gomɔɔr ten. Ʋ ƴãw na vũu dɩ a kʋmkʋm, k'aa wul k'aa ŋa n'a a nãà ŋmɛ̃ a nɩ-faar za zie.

Ezekɩɛl 14:22

Ɛcɛ nɩbɛ bɛ mɩnɛ, dɛbr nɩ pɔwbɛ, cãà na vʋʋrɛ. Bɛ na yi n a Zerizalɛm wa páw nyɩ. Nyɩmɛ wa nyɛ̃ a bɛ cenu nɩ a bɛ ɩb a, nyɩ na nyɛ̃ nɩ mɔwlʋ a kpɩɛrʋ ɩ̃ na ɩ a ta a Zerizalɛm a ƴãw.

Yele-za-pɛr-tib 18:26

A Sore tɩ sɔw na: «Mãa wa nyɛ̃ nɩ-mɩn lɩz'a ayi nɩ pie a Sodɔm a, ɩ̃ na dɩ n suur kʋ̀ a tẽw za a bɛ ƴãw.»

Yel-wula 11:8

A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

Ɩzayi 1:8

A Sɩyɔ̃ tẽ-kpɛ̃ɛ yõ n'ʋ cãà be ɩ mɛ̃ sɛw divɛ̃ tɩɩr púo pʋɔ a, mɛ̃ gùr kɔ̃kɔ̃bʋr púo pʋɔ, mɛ̃ tẽ-kpɛ̃ɛ bɛ na piw a.

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 11:16

Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.

Ɩzayi 46:3

Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ, nyɩɩm Zakɔb bʋʋrɛ na cɛ a, nyɩɩm ɩ̃ na kaa a nyɩ dɔwfʋ daar za a, nyɩɩm na dɛ wa nyɛrɛ a cãà wa báarɛ ɩ̃ɩ tɛr a.

Ɩzayi 65:8

À ŋá n'a a Sore yere: Bɛlɛ wa nyɛ̃ divɛ̃ tɩ-wɔ̃-cãacul na mʋ̃ɔ̀ vla vla a, a nɩbɛ mɩ́ yere na: «Nyɩ ta sãw ʋ bɛr ɛ, ʋ nãà wa tɩr'ɩ divɛ̃-nʋ̃ɔ̀ nʋ̃ɔ̀.» «À à ŋá mɩ̀ n'a ɩ̃ na ɩ a bɛlɩ dem na tone a ɩ̃ tome a zũú. Ɩ̃ bɛ sãwnɛ a za bɛrɛ ɩ.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 42:2

a naaŋmɩn-ƴɛ̀r-manɛ Zeremi, ɛ́ yel ʋ à ŋá: «Yãayãa, sàw a tɩ zɛlʋ! Puori a Sore fʋ Naaŋmɩn kʋ̀ a tɩɩm na cãà vʋʋrɛ a. Bʋ̃ʋ n'ʋ vɛ̃, tɩ tɩ yãwmɛ na, ɛcɛ tɩ bɛ lɛb cãà yãwmɛ ɩ, mɛ̃ a lɛ fʋ na nyɛ̃ a.

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Ɩzayi 24:6

Alɛ so a Naaŋmɩn ŋmɛ-ƴãw báarɛ a tẽw, ɛ́ a nɩbɛ na kpɩɛr ʋ a nyɛ̃ a dɔwrʋ. Bɛ kpi na ɛ́ tɩ cɛ zaa pʋrɩ.